Utval: | Formannskapet |
---|---|
Dato: | 24.05.2018 09:00 - 15:00 |
Møtestad: | Formannskapsrommet |
Status: | Møtet er ferdig protokollert |
Sakskart: | |
Møteprotokoll: |
Samrøystes vedteke
Samrøystes vedteke
Rådmannen orienterte om status for prosjektet om oppretting av Nordhordland brann og redning, som er ei utviding av dagens brannsamarbeid mellom Lindås, Meland og Modalen. I tillegg til desse tre kommunane er Radøy og Austrheim tenkt inn i det nye samarbeidet. Det vil og vere opning for at andre kommunar kan kople seg på dersom dei ynskjer. Prosjektet vil utarbeide forslag til ny brannording for regionen sett opp mot gjeldane lov og forskrift, ny dimensjoneringsforskrift, oppdatert risikobilete for heile regionen. Gruppa vil leggje fram si innstilling før sommaren 2018, og saka vil så gå til dei einskilde kommunane for politisk handsaming. Målsetjinga er at Nordhordland brann og redning skal vere i drift frå 1.1. 2019. Saksutgreiinga som skal til politisk handsaming var ikkje klar til formannskapsmøtet, men formannskapet slutta seg til at saka kan sendast rett til kommunestyret 14. juni.
Kjetil Eikefet stilte spørsmål om negativ tilbakemelding frå nokre av båtturistane som var i Modalen i pinsehelga. Kritikken gjekk mellom anna på manglande straumkapasitet, dyr hamneleige, fulle bosskontainarar og skitne toalett. Assisterande rådmann Ove Sæbø kommenterte at kommunen og har fått denne tilbakemeldinga, og at vedkommande vil få eit svar snarast. Formannskapet bed administrasjonen prioritere å setje i gang arbeidet med å auke straumkapasiteten på bryggja, samt vurdere om flytebryggja bør utvidast. Formannskapet bed og om at avtalane om kva som er kommunen sitt ansvar og kva som er Mobryggja sitt ansvar vert gjennomgått og avklart.
Kristin Nåmdal stilte spørsmål til ordførar om status på saka om mogleg turvei til Helland. Ordførar svara at grunneigarane munnleg har meldt tilbake at dei i utgangspunktet ikkje er interessert i dette, med bakgrunn i at dei er usikker på kva konsekvensar ein turveg vil få for dei. Dei er usikre på om turvegen vil leggje begrensningar på deira bruk av områda, til dømes i høve uthenting av tømmer, og kven som skal ha ansvar for vedlikehald av turvegen. Formannskapet bed ordførar om å undersøke saka vidare og sende ei skriftleg henvending til grunneigarane for å sjå om ein kan komme fram til løysingar som er gode for alle partar, og som kan vere økonomisk mogleg for kommunen å gå inn i.
Linda Neset stilte spørsmål ved om det er mogleg å finne andre alternative turløyper enn den til Helland, som i tillegg kan vere lettare og billigare å realisere. Assisterande rådmann Ove Sæbø svara at dette spørsmålet er naturleg å knytte til arbeidet med kulturplanen som no er i gang.
Rådmannen informerte om henvending frå styret i Fjellstølen og Kvanndalen velforeining om å få til ein langvarig avtale med kommunen om tilskot til brøyting og vedlikehald av vegen, istadenfor ordninga pr i dag der hyttelaget årleg må søke om tilskot. Rådmann og ordførar har hatt møte med representantar frå hyttelaget der velforeninga sine synspunkt og forslag vart presentert. Rådmannen orienterte kort om saksutgreiinga og bakgrunnen for tilrådinga om inngåing av fast avtale.
Rådmannen sitt framlegg til vedtak vart samrøystes vedteke.
Formannskapet tek saka til orientering, og bed om å statusoppdateringar undervegs i det vidare arbeidet med kulturplanen.
Assisterande rådmann Ove Sæbø informerte om status i kulturplanprosessen, og ba om innspel og kommentarar til det vidare arbeidet.
Linda Neset kom med ynskje om at Modalen må få sin eigen signaturtur, eller hovudturløype, til dømes noko lignande som "Skåla opp". Ho kommenterte vidare at Modalen har mange turstiar som no er godt merka, men som kan bli endå betre tilrettelagt og tilgjengeleg for alle typar brukarar.
Kristin Nåmdal tok opp at det er gjort mykje godt arbeid med planen så langt, og at det er viktig at planen vert enken og brukarvennleg. Ho tok vidare opp at det viktig at planen og tek for seg møteplassar for yngre folk, til dømes uteplassar som legg til rette for sosiale aktivitetar og gjerne nokre med tak over. Ho støtta vidare Linda Neset sitt framlegg om ein til to signarturturar i Modalen, og poengterte vidare at det er god folkehelse i å leggje til rette for gode sosiale møteplassar.
Kjetil Eikefet la til at ei turløype liknande "Brekkeløypo" i Knarvik hadde vore ynskjeleg å få til, men at plasseringa av ei slik løype kan vere ei utfordring å finne.
Linda Neset tok opp at utvikling av havneområdet og til dømes få fleire båtplassar kan vere eit viktig tiltak å prioritere
Ann Jorunn Farestveit foreslo å ha sterkare fokus på utvikling av kulturskuletilbodet, til dømes gjennom ulike konsertar der elevane får vise kva dei har øvd på.
Ordførar og rådmann orienterte om innhaldet i saksgrunnlaget og bakgrunnen for at saka no kjem opp til politisk handsaming.
Framlegg til vedtak vart samrøystes vedteke.
Rådmannen orienterte om at randkommunane utafor nye Alver kommune vil starte opp eit kartleggingsarbeid og mulighetsstudie der ein ynskjer å sjå på kva område det kan vere tenleg å vurdere eit meir formalisert samarbeid mellom kommunar. Initiativet er politisk initiert av ordførarane i kommunane. Kommunane opplever at presset på økonomi og krav til innsparing av kostnadar aukar. Det er også utfordringar med rekruttering av relevant fagkompetanse og krav til å utvikle tenestetilbodet og få til meir effektiv drift. I tillegg er mange av kommunane sårbare i forhold til personalressursar og kompetanse på mange tenesteområde.
Eventuelle framlegg til formalisering av samarbeid mellom kommunar skal handsamast politisk. Kristin Nåmdal kommenterte at dette er viktige saker å diskutere politisk, og at utredningsarbeidet ikkje må utelukke moglege samarbeid med nye Alver kommune. Ho tok opp at viktige og store komplekse område som NAV og barnevern kan verte for omfattande for små kommunar å ha hand om sjølv om fleire kommunar går saman om dette.
Formannskapet bed om at utredningane om moglege framtidige samarbeid mellom kommunane og må inkludere moglege samarbeid med nye Alver kommune.
Vedtaket var samrøystes
Økonomisjef Magne Verpelstad orienterte om årsrekneskapet og svarte på spørsmål.
Vedtaket var samrøystes
Formannskapet sender saka vidare til kommunestyret utan tilråding
Rådmannen orienterte kort om saksutgreiinga
Ordførar låg fram forslag om å sende saka vidare til kommunestyret utan tilråding. Forslaget vart samrøystes vedteke.
Politikar | Parti | Medlemstype | E-Post |
---|---|---|---|
Tom Kristian Thorsen | Solrenningslista | Ordførar | tkthorsen@gmail.com |
Kristin Nåmdal | Samlingslista | Varaordførar | kristin.namdal@alver.kommune.no |
Kjetil Eikefet | Samlingslista | Medlem | kjetileikefet@hotmail.com |
Ann-Jorunn Farestveit | Solrenningslista | Medlem | ann-jorunn-f@hotmail.com |
Linda Neset | Solrenningslista | Medlem | linda.neset@modalen.kommune.no |