Møte i Næringsfondsstyret den 21.11.2017

Vedtak

Saka vert tekne til orientering

Behandling

Utviklingssjef Ove Sæbø orienterte kort om at det ikkje har vore nye administrative tildelingar frå Næringsfondet etter sommarferien.

Behandling

Ordførar erklærte seg ugild i saka då han er gift med styreleiar i Modalen kraftlag. Frank Stian Steinsland kom inn som vara for ordførar. Det vart vurdert om han og er ugild i saka sidan han er tilsett i Modalen kraftlag. Same vurdering har vore gjort for Frank Stian i tidlegare saker som omhandlar Modalen kraftlag, men konklusjonen vart som ved dei tidlegare vurderingane tilfella at Frank Stian er habil til å vere med å handsame saka.

Liv Anne Aanensen vart utpeikt som ordstyrar i saka, då både ordførar og varaordførar ikkje var tilstades under handsaminga.

Utviklingssjef Ove Sæbø orienterte kort om søknaden og kriterier for handsaming av søknader til Næringsfondet, utifrå vedtekne gjeldane vedtekter og strategisk næringsplan.

Kjetil Eikefet stilte spørsmål ved om det er eit vilkår for tildelinga at Modalen kraftlag skal tilsetje meir personell, og kva skjer i så fall dersom dei ikkje tilset fleire? Utviklingssjef orienterte om at det ikkje er vilkår om tilsetjing i tildelinga.

Ved avstemming vart framlegget til vedtak samrøystes vedteke.