Møte i Kommunestyret den 15.02.2018

Behandling

Samrøystes vedteke

Behandling

Samrøystes vedteke

Behandling

Teknisk sjef Tone Selmer Skuggevik orienterte om nedskalert skisseprosjekt for nytt Nærings- og tenestesenter frå arkitektfirmaet HRTB, med ny kostnadskalkyle på 47,4 mill kr. Rådmannen orienterte kort om at dei årlege kostnadane for å finansiere eit lån på 40 mill vil vere om lag 2,2 mill årleg med ei nedbetalingstid på 40 år. Dei årlege kostnadane vil etterkvart synke noko etterkvart som lånet vert gradvis nedbetalt. Desse kostnadane må finansierast gjennom driftsbudsjettet. Ordførar informerte om prosessen vidare, der ein legg opp til politisk handsaming av saka i Formannskapet 10. april og i Kommunestyret 26. april. Administrasjonen utarbeider saksgrunnlag i henhold til denne tidsplanen. I denne samanhengen ba kommunestyret administrasjonen belyse følgjande spørsmål i saksgrunnlaget:

Håvard Engeseth: Korleis kan ein spare inn på drifta for å finansiere dei årlege lånekostnadane? Kva vil det gå på bekostning av?

Sigmund Vikane: Kan ein bruke rimelegare materiale? Kva er ekstrakostnadane ved å bruke massivt tre kontra ordinær byggjemåte? Kan ein spare noko på å ha mindre bruk av vindauge i fasaden?

Håvard Engeseth: Kva er potensialet for inntekter på utleigedelen av kontorlokale til næringsvirksomhet? Kor mykje ledige næringslokale finnes det i Modalen kommune pr i dag?

Kjetil Eikefet orienterte om kommunen si deltaking i DIHVA, som er eit interkommunalt selskap med 33 medlemskommunar, der 29 av dei er frå Hordaland og 4 frå Rogaland. Det er dei 29 kommunane frå Hordaland som eig selskapet. Selskapet sitt føremål er å vere eit kompetansesenter for vatn- og avløpstenester i kommunane og kan tilby tenester innafor tema som driftsassistanse, kvalitetssikring, analyse, planlegging, rådgjeving, opplæring og informasjonsvirksomhet. Medlemskapet kostar kommunane årleg 12300 kr pr kommune pluss 2,11 kr pr innbyggjar.

Kjetil Eikefet stilte spørsmål til ordføraren om kvifor brøtetilskotet til Fjellstølen og Kvanndalen velforening var redusert frå 25000 kr til 15000 kr. Ordførar orienterte om at det har kome inn fleire søknadar om brøtetilskot i år enn tidlegare, og at det i budsjettet for 2017 var sett av tilsaman 25000 kr til brøytetilskot. Han fortalte vidare at det er planlagt eit møte mellom kommunen og hytteeigarlaget i neste veke, der ein vil diskutere ein evt framtidig forutsigbar avtale. Rådmannen orienterte om at hytteeigarlaget i etterkant har fått innvilga 15000 kr meir i brøtetilskot frå 2018 budsjettet, slik at dei tilsaman har fått 25000 kr denne vinteren.

Liv Anne Aanensen orienterte om status frå representanskapet i NGIR. Etter konkursen til Reno Norden i august 2017 har NGIR sjølv stått for avfallsinnhenting gjennom bruk av midlertidige kontrakter, noko ein kan gjere i inntill eit år. Innan hausten 2018 må ein ta stilling til om ein skal lyse avfallsinnhentinga ut på nytt anbod eller om ein permanent skal stå for det sjølv slik som ein har gjort midlertidig frå august 2017. Styret i NGIR ynskjer at det er dei og ikkje representantskapet som skal fatte denne beslutninga, men representantskapet kan overprøve styret sitt vedtak.

Kristin Nåmdal stilte spørsmål om kva som var tema på Utkantkonferansen på Frekhaug, som både Modalen og Masfjorden var med på å arrangere. Utkantkonferansen handla om helseberedskap, legerekruttering i distrikta og legevaktordning. Presentasjonane frå konferansen finn ein på NUI si heimeside: www.nordhordland.net/utkantkonferansen. Ordførar orienterte kort om presentasjonane og innhaldet i foredraga.

Behandling

Assisterande rådmann Ove Sæbø orienterte kort om bakgrunn og innhald i prosjektet.

Framlegg til vedtak vart samrøystes vedteke

Behandling

Ordførar og rådmann orienterte om innhaldet i saksgrunnlaget og bakgrunnen for at saka no kjem opp til politisk handsaming.

Framlegg til vedtak vart samrøystes vedteke.

Vedtak

Modalen kommunestyre vedtek at fritidsboligar og hytter kan kople seg til eksisterande infrastruktur for fiberframføring i Modalen på følgjande vilkår:

Eigar av fritidsbolig/hytter må sjølv dekke alle kostnadar med framføring og påkopling av fiber og tenestetilbod til sin eigedom frå eksisterande fibernett. Eigarar av fritidsbustader/hytter dekker tilkoplingskostnaden i forhold til fiberportar. Tilkoplingskostnaden er berekna til omtrent 1000 kroner på eksisterande anlegg.

Framføring og påkopling av fiber til eigedomane skal utførast av autorisert firma(BKK).

Eigar av fritidsbolig/hytter må sjølv dekke alle kostnadar ved evt framtidige reparasjonar og/eller utbetringar av fiberkabelen mellom tilkoplingspunktet frå eksisterande fibernett og eigen bustad.

Behandling

Ordførar og rådmann orienterte kort om bakgrunnen for at saka no kjem opp til politisk handsaming på nytt, med framlegg om å opne opp for tilknytning av fritidsbolig og hytter til eksisterande fibernett i Modalen.

Liv Anne Aanensen stilte spørsmål om status for Hyttefeltet på Nygård, og om det er slik at næraste kommunale påkoplingspunkt er Øvre Helland? Ordførar orienterte om det er sendt forespurnad til BKK om det er fiber tilgjengeleg på deira anlegg på Nygård, som er mogleg for andre å kople seg på. Ordførar har foreløpig ikkje fått tilbakemelding frå BKK på dette spørsmålet, men vil gje kommunestyret orientering om dette når ein har fått svar.

Håvard Engeseth stilte spørsmål ved om ein burde leggje til ei kommunal tilkoplingsavgift på 1000 - 1500 kr for å dekke utgifter kommunen har til fiberportar for nye abonnentar.

Ann Jorunn Farestveit fremma forslag om tilleggspunkt til rådmannen sitt framlegg til vedtak: "Eigarar av fritidsbustader/hytter dekker tilkoplingskostnaden i forhold til fiberportar. Tilkoplingskostnaden er berekna til omtrent 1000 kroner på eksisterande anlegg."

Det vart avhalde gruppemøte før votering.

Rådmannen sitt framlegg til vedtak fekk 6 røyster(Kristin Nåmdal, Kjetil Eikefet, Liv Anne Aanensen, Anne Britt Almelid, Nina Bolstad Eidsnes og Trude Langedal.

Ann Jorunn Farestveit sitt framlegg til tilleggspunkt til vedtak fekk 6 røyster( Håvard Engeseth, Ann Jorunn Farestveit, Frank Stian Steinsland, Sigmund Vikane, Ole Kristian Øvre Helland og Tom Kristian Thorsen. Ordfører Tom Kristian Thorsen brukte då si dobbeltstemme, slik at dette framlegget vart vedteke med 7 røyster, mot 6 røyster for rådmannen sitt framlegg