Møte i Kommunestyret den 22.03.2018

Behandling

Samrøystes vedteke

Behandling

Samrøystes vedteke

Behandling

Samrøystes vedteke

Behandling

I starten på kommunestyremøtet var Modalen ungdomsråd med på møtet. Kristin Nåmdal presenterte medlemmane for kommunestyret, og nestleiar i ungdomsrådet Jakob Farestveit la fram kva saker ungdomsrådet har jobba med og at dei ynskjer å involvere seg i samfunnsutviklinga i Modalen og i politiske saker som angår dei. Sigmund Vikane foreslo involvering frå ungdomsrådet i to saker som snart skal handsamast i kommunestyret . Det er saka om evt nytt nærings- og tenestesenter og saka om bustadutvikling.

Assisterande rådmann Ove Sæbø orienterte kort om prosjektmandatet, planprosessen og den politiske forankringa frå 2016, for oppstart på temaplan for idrett, kultur, friluftsliv og folkehelse,

Teknisk sjef Tone Selmer Skuggevik la fram kronologisk gjennomgang av bakgrunn og tidlegare arbeid med saka om bustadregulering, og ho presenterte framlegg til agenda når saka skal opp igjen til handsaming i kommunestyret 26. april. Ho gjekk og gjennom innhaldslista i kommuneplanen, og la vekt på at kommunestyret særskild bør førebu seg på konsekvensutgreiinga i arealdelen og planomtalen til neste møte. Spesielt gjeld dette sidene 55-61 i kommuneplanen. Administrasjonen ynskjer politisk prioritering av kva område ein skal arbeide vidare med å utvikle til bustadføremål, både på kort og lang sikt, slik at ein kan starte opp regulringsprosessen av det aktuelle området. Frank Stian Steinsland stilte spørsmål ved om kor mange ledige tomtar for bustadføremål det er pr i dag. Teknisk sjef informerte om at det er ca 13 ledige tomtar, og av desse er 4 kommunale tomtar. Kristn Nåmdal stilte spørsmål om koleis behovet for antal framtidige tomtaer er berekna. Teknisk sjef svara at behovet er berekna utfrå erfaringstal på antal byggesøknadar, som i snitt har vore ca 1,5 pr år. Trude Langedal kommenterte at det er viktig å finne ut av og ta omsyn til kva type bustader ein treng i Modalen i framtida, til dømes fleire leiligheter, omsorgsbustader og eldrebustader. Sigmund Vikane kommenterte at alderssamansetjinga i kommunen har betydning for framtidig behov i bustadutviklinga og evt for tettstadutvikling. Linda Neset stilte spørsmål om det er mogleg å leggje til rette for ulike tomtestørrelsar og priskategoriar i ein framtidig reguleringsplan. Teknisk sjef svara at det er mogleg, og at slike innspel høyrer naturleg heime i ein reguleringsprosess.

Rådmannen orienterte om det interkommunale prosjektet om felles barnevernsvakt for Hordaland. Bakgrunnen for arbeidet er at born i alle kommunar skal sikrast eit forsvarleg barnevernfagleg tilbod på kveld, helg og høgtider. I prosjektet vert det utarbeidd forslag til korleis det kan etablerast ein barnevernsvakt i Hordaland der alle kommunar er med. Forslaget inneber at Bergen kommune er vertskommune, og at det vert oppretta avdelingskontor på Voss, Stord og Odda. Med desse plasseringane vil ein kunne nå nær alle plassar i fylket innafor ei reisetid på rundt 1,5 t. Prosjektgruppa skal levere si innstilling og sitt forslag i løpet av 2018, og saka vil deretter gå til politisk handsaming i alle kommunane.

Rådmannen orienterte om status for prosjektet om oppretting av Nordhordland brann og redning, som er ei utviding av dagens brannsamarbeid mellom Lindås, Meland og Modalen. I tillegg til desse tre kommunane er Radøy og Austrheim tenkt inn i det nye samarbeidet. Det vil og vere opning for at andre kommunar kan kople seg på dersom dei ynskjer. Prosjektet vil utarbeide forslag til ny brannording for regionen sett opp mot gjeldane lov og forskrift, ny dimensjoneringsforskrift, oppdatert risikobilete for heile regionen. Gruppa vil leggje fram si innstilling før sommaren 2018, og saka vil så gå til dei einskilde kommunane for politisk handsaming. Målsetjinga er at Nordhordland brann og redning skal vere i drift frå 1.1. 2019.

Rådmannen orienterte om status for veterinærvakt samarbeidet mellom Modalen, Vaksdal, Voss, Granvin, Ulvik og evt Eidfjord. Eidfjord ynskjer overgang til vaktdistrikta som i dag består av dei fem andre kommunane då dette vil gje ei betre sikring av kommunen sitt ansvar for dyrevelferd, mellom anna med vesentleg kortare responstid ved utrykning til akutt sjuke dyr. Dei fem kommunane er positive til å ta med Eidfjord i sitt samarbeid, men Landbruksdirektoratet har foreløpig avslått Eidfjord sin søknad om å flytte vaktdistrikt. Direktoratet seier i sitt avslag at vaktdistrikt som utvidar utan at dei har godkjent det, kan stå i fare for å miste vakt- og administrasjonstilskotet kommunane får tildelt, noko som utgjer omlag 1,5 mill kr årleg. Det vert no jobba administrativt opp mot Landbruksdirektoratet med tanke på å få til ei løysing der Eidfjord kan slutte seg til vårt vaktdistrikt utan at ein skal miste tilskotet.

Rådmannen orienterte om at randkommunane utafor nye Alver kommune har søkt Fylkesmannen om skjønsmidler til å starte opp eit kartleggingsarbeid og mulighetsstudie der ein ynskjer å sjå på kva område det kan vere tenleg å vurdere eit meir formalisert samarbeid mellom desse kommunane. Initiativet er politisk initiert av ordførarane i kommunane. Kommunane opplever at presset på økonomi og krav til innsparing av kostnadar aukar. Det er også utfordringar med rekruttering av relevant fagkompetanse og krav til å utvikle tenestetilbodet og få til meir effektiv drift. Det gjer at dei kommunane som no ikkje er i eit arbeid med kommunesamanslåing ser det som tenleg å sjå på kva dei kan gjere i lag for å møte desse utfordringane på ein best mogleg måte. Prosjektet skal vere forankra i leiinga i kommunen. Det må opprettast ei styringsgruppe der alle rådmenn deltek, og det er viktig at politisk nivå i kommunane vert oppdatert undervegs. Eventuelle framlegg til formalisering av samarbeid mellom kommunar skal handsamast politisk. Kristin Nåmdal kommenterte at dette er viktige saker å diskutere politisk, og etterlyste meir tid til å gjere dette i kommunestyremøta. Ho poengterte at det kan bli for knapp tid til å drøfte saker godt nok når møta er sett opp med møtetid frå klokka 0900 - 1200. Ordføraren kommenterte at ein vil freiste å ta høgde for dette framover.

Kristin Nåmdal refererte til positivt oppslag om Uni Micro i Bergens Tidende, men er uroa av at det kjem fram i artikkelen at det kan vere vanskeleg for bedrifta å skaffe nok arbeidstakarar med rett kompetanse til kontoret i Modalen. Nåmdal bed ordføraren ta initiativ til eit møte med Uni Micro for å drøfte om det er noko kommunen kan bidra med i denne samanhengen.

Håvard Engeseth stilte spørsmål om oppfølgingspunkt ang ledige næringsareal, økonomiske konsekvensar og utleigepotensiale i høve evt nytt nærings- og tenestesenter. Rådmannen svara at det var tenkt å ta dette inn i saksutgreiinga når saka kjem opp til politisk handsaming. Rådmannen informerte vidare om at administrasjonen ikkje vil rekke å få saksutgreiinga ferdig til møtet i kommunestyret 26. april, då ein framleis ikkje har all informasjonen ein treng i saksførebuinga. Sigmund Vikane etterlyste høve til meir tid, diskusjon og debatt rundt mellom anna plassering og andre byggtekniske høve av et evt nytt bygg før ein tek avgjerd om ein skal realisere byggeprosjektet. Rådmannen og ordføraren svara at det vil vere mogleg å gjere dette på møtet 26. april, sidan administrasjonen ikkje er ferdig med saksførebuinga til dette møtet slik det opprinneleg var tenkt. Det vil då og vere høve til å drøfte spørsmåla som Håvard Engeseth etterlyste.

Vedtak

Kommunestyret syner til administrasjonen si saksutgreiing og vurdering, og vedtar strategi og retningsliner 2018-2021 nærings- og miljøtak i skogbruket (NMSK) for Modalen kommune.

Vedtaket har heimel i forskrift om tilskot til nærings- og miljøtiltak i skogbruket § 3.

Behandling

Rådmannen orienterte kort om saksgrunnlaget og vurderingane som ligg til grunn for framlegget til strategi og retningsliner.

Framlegget vart samrøystes vedteke

Behandling

Assisterande rådmann Ove Sæbø orienterte om status i saka og bakgrunnen for framlegget. Sigmund Vikane stilte spørsmål om det i framlegg til plassering er tatt høgde for å ikkje kome i konflikt med evt bygging av nytt nærings- og tenestesenter, og om det er tatt høgde for nok strømkapasitet ved evt vidare utbygging av ladestasjonen på eit seinare tidspunkt. Ove Sæbø svarte at begge deler er vurdert og ivaretatt.

Håvard Engeseth stilte spørsmål om det er planar for utbygging av ladepunkt for tilsette og besøkande ved kommunale bygg. Ove Sæbø svarte at det ikkje er arbeidd med konkrete planar for dette no, men at dette kan bli aktuelt ved fleire bygg seinare.

Liv Anne Aanensen stilte spørsmål om det er planlagd ladepunkt for elsyklar, og om kven som har vedlikeholdsansvar for hurtigladestasjonen. Ove Sæbø svarte at ladepunkt for elsykkel ikkje har vore tema sålangt, og at vedlikehaldsansvaret vert klarlagt i kontrakten med utbyggar.

Trude Langedal kommenterte at det er viktig for Modalen å ha eit hurtigladepunkt å tilby turistar og andre besøkande i kommunen.

Sigmund Vikane stilte spørsmål om evt forskuttering av kostnader burde vere med i vedtaket. Ove Sæbø orienterte om kostnadsfordelinga og bakgrunnen for denne, og at administrasjonen på noverande tidspunkt har vurdert at dette ikkje var naudsynt å ha med.

Ordførar tok administrasjonen sitt framlegg til vedtak opp til votering. Framlegget vart samrøystes vedteke.