Utval: | Formannskapet |
---|---|
Dato: | 04.09.2018 09:00 - 14:00 |
Møtestad: | Konferanserommet |
Status: | Møtet er ferdig protokollert |
Sakskart: | |
Møteprotokoll: |
Samrøystes
Samrøystes
Klagesak rammesøknad bustad på Kyrkjeteigen.
Løyve frå Modalen kommune er tidlegare gjeve til tiltakshavar. I saka vart klage frå nabo delvis tatt til følge. Tiltakshavar klaga, og viste til sakshandsamingsfeil. Vedtak vart oppretthalde av FORM. Fylkesmannen oppheva vedtaket. I etterkant er saka handsama administrativt, og det er gjeve rammeløyve. Varaordførar etterlyste vedtaket frå Fylkesmannen som grunnlagsdokument til orienteringssaka. Ordførar understreka at det er råd å ta lærdom i saka.
Bustadtomtar (6 stk) på Helland - korleis realisere regulerte bustadtomtar m.o.t. veg/vatn/avløp.
Saka vert teken opp til drøfting grunna henvending frå grunneigar som eig dei 6 regulerte bustadtomtane som ligg på nedsida av barnehagen. Teknisk sjef, Tone S. Skuggevik, orienterte om saka og forslag til alternativ for kommunen : 1) Modalen kommune kjøper tomteområdet frå grunneigar og vidarefører vegvatn/kloakk frå eksisterande felt. 2) Vedkommande som ynskjer å byggje tek kontakt med grunneigar for kjøp, og deretter syt for veg/vatn/kloakk sjølv 3) Kommunen avventer salg/utnytting av 3 ledige tomtar i området før evt. kjøp av meir tomteland.
Drøfting: Ordførar: Vurdere sak inn mot budsjettprosess. Eikefet: Modalen kjøper tomteland og styrer prosessen som heilskap. Varaordførar: ynskjer å få framlagt sak. Vurdere å gå i dialog med grunneigar for pris og mogleg veg vidare. Vidareutvikle Hellandsområdet som heilskap. Konklusjon: administrasjonen utarbeider sak.
Bustadtilskot:
2 bustadtilskot på kr 100 000,- er tildelt i sommar.
Ras oppe ved Mobøen
Eit ras i april 2018, samt ras i aug. 2018 (mogleg eit ras til er observert). Rådmannen og teknisk sjef var raskt på plass for å gjere ei første vurdering. Det kom stein inn på banedekket (fotballbana). Bana og parkeringsplassen vart stengt. Kontakta geolog for nærare undersøkingar. Foreløpig råd: halde stengt inntil vidare. Ny vurdering kjem innan få dagar. Foreløpig vurdering: sikre lausmassar i fjellsida, undersøke med drone. Sjå nærare på korleis grunnen ser ut på stadar ras kan treffe for å unngå at stein evt. sprett vidare. Administrasjonen føl dette opp.
Vindkraft
NVE har ei høyring ute i forhold til kva som skal / ikkje skal vere utbyggingsområde for vindkraft. Høyringsfrist: 20.09.18. Varaordføraren synte kart (kjelde: Strilen). Varaordførar: Modalen kommune bør gje uttale, evt. fellesuttale med andre NH-kommunar, evt. be om utsatt høyringsfrist. Saka bør komme opp i kommunestyret 20. sept. Ordførar: Norsk Vind er invitert til KS-møte 20/9. Norsk Vind Energi har tatt kontakt med adm + grunneigarar i Modalen. Varaordførar: viktig å vurde å invitere andre perspektiv, t.d. naturverninteresser.
2 ulike saker: høyringsuttale og konkret initiativ frå Norsk Vind Energi. Ordførar undersøker evt. utsetjing av høyringsfrist, samt tek kontakt med andre ordførarar i nærområda. Sikre å skrive uttale innan fristen. Norsk Vind Energi vert invitert til KS-møte 20.09.18.
Brev frå foreldra i barnehagen: bemanningsnorm.
Invitere barnehagestyrar Grete Urdal til kommunestyret 20.09.18 for å orientere om generell status for barnehagen. Innspel frå foreldre vil bli tatt med i budsjettprosessen utover hausten. Sikre at dette vert tatt med t.d. politisk representant i barnehagen, og at det når budsjettdebatten.
TV-aksjonen 2018, Kirkens bymisjon.
Skal Formannskapet gjennomføre aksjonen lokalt slik som i 2017? Ja, seier eit samla Formannskap. Kommunebidraget for 2018: Kr. 20.000,-.
Eikefet: Kva skjer med biosfæreprosjekt?
Ordførar: søknad er klar og oversatt. Skal signerast denne veka, deretter vert den sendt.
Tvistesak
Ordførar låg fram forslag om å lukke møtet i samband med orientering om status i tvistesak. Forslaget om lukking av møtet under denne orienteringa er heimla i Kommuneloven § 31 pkt 4, som seier at eit folkevalgt organ kan vedta å lukke eit møte når omsynet til personvern krev det. Føresegna krev at det må gjerast ei konkret vurdering der omsynet til personvern vert vegd opp mot ålmenta si interesse av å vere til stades under møtet. Formannskapet var samrøystes i at i denne saka veg personvernet tyngst, og at møtet skal lukkast under ordføraren si orientering.
Samrøystes vedteke
Rådmannen orienterte om saka.
Linda Neset: har det vore vurdert samarbeid med t.d. Gulen, Masfjorden. Rådmannen: direktoratet deler inn vaktdistrikta, som igjen styrer samarbeidsaktørar. Om ein vel å gå inn i eit anna vaktdistrikt, kan ein miste tilskotet frå staten.
Samrøystes vedteke
Assisterande rådmann orienterte om saka og svara på spørsmål.
Samrøystes vedteke
Formannskapet rår til at det vert gjort ei ekstraløyving på kr450 000,- til prosjektet oppgradering av fellesstova og arbeidsstova på Modalstunet. Samla løyving vert då kr. 1 950 000,-.
Korkbelegget til kr 42 000,- vert tatt ut av prosjektet.
Teknisk sjef Tone Selmer Skuggevik orienterte om saka, gjekk gjennom tilboda som danna grunnlag for framlegget om ekstraløyving og svara på spørsmål.
Ordførarar låg fram forslag om å redusere ekstraløyvinga til kr 450 000,- og samstundes ta ut korkbelegget, som er estimert til kr 42 000 kr,- ,frå prosjektet. Formannskapet slutta seg samla til dette forslaget.
Samrøystes vedteke
Bustaden Kleivane 20 (gnr.77bnr. 52 )i Modalen kommune vert taksert og lagt ut for sal hausten 2018.
Teknisk sjef Tone Selmer Skuggevik orienterte om saka.
Samrøystes vedteke
Politikar | Parti | Medlemstype | E-Post |
---|---|---|---|
Tom Kristian Thorsen | Solrenningslista | Ordførar | tkthorsen@gmail.com |
Kristin Nåmdal | Samlingslista | Varaordførar | kristin.namdal@alver.kommune.no |
Kjetil Eikefet | Samlingslista | Medlem | kjetileikefet@hotmail.com |
Linda Neset | Solrenningslista | Medlem | linda.neset@modalen.kommune.no |
Frank Stian Steinsland | Solrenningslista | Varamedlem | stian.steinsland@hotmail.no |
Ann-Jorunn Farestveit (Ikke møtt) | Solrenningslista | Medlem | ann-jorunn-f@hotmail.com |