Čoahkkin Formannskapet 27.11.2018

Behandling

Samrøystes vedteke

Vedtak

Møtebok vert godkjend med protokolltilførsel frå Ann Jorunn Farestveit

Behandling

Ann Jorunn Farestveit: Ynskjer å protokollføre at ugildskap vart diskutert i forkant av formannskapet si handsaming av kommunen sin uttale til NVE om nasjonal ramme for vindkraft.

Formannskapet sluttar seg til denne protokollmerknaden.

Behandling

Kristin Nåmdal erklærte seg ugild i referatsaka om selskapskontrollen av Modalen Næringsbygg. Trer i frå når rapporten frå selskapskontrollen vert referert/gjennomgått.

Behandling

Ingen orienteringssaker

Vedtak

1. Modalen kommune sitt budsjett og økonomiplan 2019-2022 vert vedteke slik det ligg føre i tråd med budsjett- og økonomiplandokumentet.

2. Eigedomsskatt 2019:

   1. For eigedomsskatteåret 2019 vert det skrive ut eigedomsskatt med heimel i eigedomsskattelova § 3 fyrste ledd bokstav c:«berre på Kraftverk, vindkraftverk, kraftnettet og anlegg omfatta av særskattereglane for petroleum».

   2. Den alminnelege eigedomsskattesatsen i Modalen kommune er 7 promille, jfr eigedomsskattelova § 11 fyrste ledd

   3. Eigedomsskatten for 2019 forfell til betaling i 2 terminar: 31. mars og 30. september, jfr eigedomsskattelova § 25

   4. Klagenemnda for eigedomsskatt har kompetanse til å handsama klager etter § 19 i eigedomsskattelova, jfr § 20 i eigedomsskattelova.

   5. Det skal utførast ny alminneleg taksering 2019

1. Låneopptak frå Husbanken til vidareformidling vert fastsett til kr 1 000 000 for 2019.Rådmannen har fullmakt til å gjennomføre låneopptaket.

1. Låneopptak til finansieringa av investeringar 2019 vert fastsett til kr 7 500 000 for 2019.Rådmannen har fullmakt til å gjennomføre låneopptaket.

1. Betalingssatsar for 2019 vert, med unntak av betalingssatsar for barnehage, vedteke i tråd med vedlegget: Modalen kommune – Betaling for kommunale tenester 2019. Betalingssatsane for barnehage vert fastsett og vedteke i kommunestyremøtet 13. des 2018

Behandling

Økonomisjef og rådmann orienterte om innhaldet i budsjett og økonomiplan, og svara på spørsmål.

Teknisk sjef orienterte om investeringsprosjekta i budsjett og økonomiplan, og svara på spørsmål.

Drøfting ang auke til makspris barnehage:

• Kjetil Eikefet: Vil heller leggje på 3-400 kr frå januar i staden for makspris frå august.

• Kristin Nåmdal: Vil ikkje spare på barnehageområdet ved å auke til makspris. Akseptere lågare resultat

• Rådmannen: Det er mogleg å ta bort kutt på barnehage utan å krevje tilsvarande kutt andre stadar.

• Ordførar: Er det mogleg å auke til makspris, men samstundes ikkje krevje matpengar i tillegg?

• Rådmannen: Dette må vi undersøkje konsekvensane av før administrasjonen kan gje eit tydeleg svar. Å ta bort matpengane kan ha konsekvensar i forhold til inntekter frå familiar frå andre kommunar som kjøper plass i Modalen.

• Formannskapet konkluderer at ein vil drøfte saka vidare i kommunestyret, for der å ta endeleg avgjerd i saka.