Utval: | Kommunestyret |
---|---|
Dato: | 05.09.2019 09:00 - 13:30 |
Møtestad: | Konferanserommet |
Status: | Møtet er ferdig protokollert |
Sakskart: | |
Møteprotokoll: |
Samrøystes vedteke
Samrøystes vedteke
Rådmannen orienterte kort om status på arbeidet med nytt nærings- og tenestesenter.
Rådmannen orienterte kort om arbeidet kommunen gjorde i sambandet med raset og vegstenginga på fv 569 30.juli. Kjetil Eikefet orienterte om arbeidet brannvesenet utførte i samband med raset. Kristin Nåmdal kommenterte at ein i evalueringa av arbeidet må sjå på beredskapssituasjonen i kommunen for framtida.
Håvard Engeseth tok opp ynskje om at det nye kommunestyret i samband med folkevaldopplæringa får grundig gjennomgang og opplæring i kommunal økonomi. Rådmannen svara at dette kan økonomisjefen gjere i samband med budsjett- og økonomiplanhandsaming seinare i haust.
Gjeldande kommuneplan bør delvis reviderast. Dette gjeld følgjande område:
Arealdel bør reviderast. Når det gjeld LNF/spreidd: må opne for småskala attåtnæring på t.d. gardar. Td. serveringsstad, reiselivsorientert. Kommuneplanen bør opne for meir spreidd bustadbygging. Dette kan bidra til meir tilflytting. Viktig å ha store tomtar (godt utover 800 m2).
Området på Otterstad; dette må gjerast om til LNF. Det må komme på plass tidleg i perioden.
Kommuneplanen kan opplevast tung og uhandterleg. Ein bør leggje til eit tema/eigen underliggande plan som tek opp vindkraftutbygging på same vis som med småkraftutbygging (vasskraft).
Assisterande rådmann orienterte kort om saka. Gjennom drøfting og innspel kom kommunestyret med følgjande råd til kommande kommunestyre:
Bruke kommuneplanen meir enn noverande kommunestyre har gjort.
Kommunen må samarbeide meir med eksisterande verksemder i Modalen gjennom dialog og støtte.
Arealdel bør reviderast. Når det gjeld LNF/spreidd: må opne for småskala attåtnæring på t.d. gardar. Td. serveringsstad, reiselivsorientert. Kommuneplanen bør opne for meir spreidd bustadbygging. Dette kan bidra til meir tilflytting. Viktig å ha store tomtar (godt utover 800 m2).
Området på Otterstad; dette må gjerast om til LNF. Det må komme på plass tidleg i perioden.
Kommuneplanen kan opplevast tung og uhandterleg. Ein bør leggje til eit tema/eigen underliggande plan som tek opp vindkraftutbygging på same vis som me småkraftutbygging (vasskraft).
Viktig å ta med dei unge i større grad, t.d. ungdomsrådet si vurdering i ulike saker.
Viktig for kommande kommunetsyre å komme fort i gang med arbeidet som gjeld kommuneplan/planstrategi.
Sikre innbyggjardeltaking i planarbeidet (kommuneplan, andre planar). Sikre å treffe innbyggjarane t.d. ved å invitere til samlingar.
Samrøystes vedteke
Modalen kommunestyre vedtar følgjande høyringsuttale til nasjonal ramme for vindkraft på land:
Uttale frå Modalen kommunestyre til NVE sitt framlegg til nasjonal ramme for vindkraft på land, analyseområde 18, dagsett 1. april 2019.
Modalen kommune tar framlegget til nasjonal ramme for vindkraft på land til vitande, og støttar eksklusjonen av område 18-B, som ligg i Modalen kommune, frå planen. Eksklusjonen er grunngjeve i at området har store friluftslivsverdiar av nasjonal betydning.
Modalen kommune støttar Masfjorden kommune og Gulen kommune sine høyringsuttaleser. Dei gjenverande områda i analyseområde 18 kan heller ikkje reknast som konfliktfrie. Natur og friluftslivsverdiar også i nabokommunane vil bli påverka av vindkraftutbygging. Det verker litt tilfeldig kven som er ekskludert og kven som er inkludert i analyseområde 18 i Nasjonal ramme for vindkraft. Omsynet til den samla belastninga på natur, biologisk mangfald og landskap meiner vi òg burde vere med i handsaminga av heile analyseområde 18.
Om den nasjonale ramma og prosessen
Medverknad
I prosessen fram til framlegget til nasjonal ramme har det vore avgrensa lokal medverknad, dette samstundes med at det synast å vere tverrpolitisk semje om at det skal leggjast stor vekt på lokalsamfunnet sitt syn i spørsmål om utbygging, jf. òg NVE si uttale i rapporten (s. 32) om miljø- og samfunnsinteresser: «[…] de konkrete virkningene av vindkraftverk for miljø- og samfunnsinteresser avhenger i stor grad av lokale forhold.»)
Det ville vore rett å legge framlegg til eigna områder for vindkraft fram for kommunane på eit tidlegast mogleg stadium i prosessen med nasjonal ramme. Vi meiner at i arbeidet med nasjonal ramme har ein valt ein motsett metode ved å be om uttale først når OED handsamar saka.
Kva funksjon og rolle skal nasjonal ramme ha?
Modalen kommune meiner at vindkraftutbygging bør vurderast etter grundige og ordinære konsesjonsprosesser, basert på konkrete lokaliteter og avveging av interesser. Dagens konsesjonsprosesser må endrast slik at dei følgjer alminnelige konsesjonsrettslege prinsipp, der det er dei endelege utbyggingsplanane som vert konsekvensutgreiinga og sendt til høyring. Slik sett meiner Modalen kommune at sjølve rammeplanen har ein svakheit i at det verkar uklart kva som er formålet, når den og argumenter for at dette ikkje skal gje konkrete føringar for NVE si behandling av konsesjonssøknader.
Det kan framleis søkjast om bygging av vindkraftverk utanom rammeplanen, også i område som er ekskludert med fagleg grunngjeving. Det kan føre til mykje ressursbruk både i direktoratet og i lokalsamfunna, noko som ikkje er i tråd med regjeringa sitt mål om ein meir effektiv behandling av konsesjonssøknader for vindkraftprosjekt i framtida.
Slik den ligg føre i dag meiner Modalen kommune at framlegget til nasjonal ramme for vindkraft på land har store svakheiter. Den vil m.a. medføre unødig press på dei områda som er med i planen.
Habilitet av kommunestyremedlemmar vart drøfta. Fleire av kommunestyrerepresentantane er grunneigarar, eller i nær familie med grunneigarar, i området som Norsk Vind Energi vil utrede som mogleg område for vindkraftverk. Linda Neset, Kjetil Eikefet og Håvard Engeseth melde seg ugilde og vart erstatta av vararepresentantar i handsaminga av saka.
Ein drøfta og Liv-Anne Aanesen sin habilitet i forhold til at ho driv næringsverksemd i området Norsk vind energi har sett på som mogleg lokalisering for vindkraftverk. Samrøystes vurdert som habil.
Ordførar presenterte for kommunestyret:
Bakgrunn og framdrift for arbeidet med Nasjonal ramme for vindkraft på land.
Analyseområde 18, som inkluderer Modalen kommune.
OED skal ta imot alle innspel og vurdere desse, inkl. frå Modalen kommune.
Forslag til uttale frå ordføraren - i samarbeid med varaordførar - vert lagt fram til diskusjon.
Simund Vikane understreka den faglege kvaliteten i framlegg til Nasjonal ramme, at at den er breiare enn ein enkel geografisk analyse. Karta i ramma skal kunne nyttast som styringsverksøy i fortsetjinga. Kart skal kunne oppdaterast når evt. ny kunnskap ligg føre. Dette er viktige punkt å ta med i den vidare kommunestyredebatten.
Kristin Nåmdal var kristisk til prosessen frå NVE. Opplever denne saka som krevjande for lokalpolitikarane. Saka har hatt politisk relevans undervegs, også i perioden kor det i utgangspunktet skulle vere faktainnhenting. Vil understreke at det i Modalen har vore ein god og ryddig debatt. Ordførar og varaordførar har saman utarbeida eit utkast som kommunestyret kan debattere.
Dokumentet vart delt ut til kommunestyret for gjennomlesing.
Ann-Jorunn Farestveit: Setningen"....heile område 18 B må skal takast ut av planen" bør strykast frå høyringsuttalen.
Liv-Anne Aanesen: Uttalen er grei, men litt "lunken". Det bør stå at i uttalen at analyseområde 18 B må takast ut av planen.
Sigmund Vikane: Viktig at ein i dag tek stilling Nasjonal ramme, ikkje lokal utbygging. Modalen kommunestyre bør uttrykke at me er nøgd med at kommunen er tatt ut av planen. Burde tatt med at friluftsverdiane er av nasjonal verdi. "Samla belastning" peiker på at det ikkje er rom for vidare utbygging. Uttrykket "til vitande" er eit dårleg uttrykk å nytte. Etterlyser uttalane til Masfjorden kommune og Gulen kommune i saksframlegget.
Ordførar: Til vitande-uttrykket var valt for å dempe mogleg konfliktnivå.
Kristin Nåmdal: Understrekar at begrepsbruken er for å bidra til å syne samstemmig uttale. Viktig å understreke at uttalen stettar at område 18 framleis skal vere ute av Nasjonal ramme.
Liv-Anne Aanesen: Kommunestyret bør tydeleggjere at Modalen kommune støttar høyringsutkast til Nasjonal ramme, når det gjeld at kommunen er utafor ramma.
Ordførar: Viser til at nasjonal ramme ikkje er tenleg, og kommunestyret bør difor ikkje støtte nasjonal ramme .
Kristin Nåmdal: Enig med ordførar i punktet over. Understrekar at det er tid til å vente når det gjeld vindkraftutbygging, og at nasjonal ramme vil kunne vere ein katalysator for vidare utbygging.
Sigmund Vikane: Kan vi vurdere del for del i uttalen, og sjå dette opp imot konklusjon (tekstformulering)? Ein må sikre seg at konsesjonshandsaminga som gjeld vindkraftutbygging må vere like kritisk/streng som for vasskraftutbygging.
Liv-Anne Aanesen: Ein nasjonal ramme kan bidra til heilskapleg nasjonal overblikk, det bør ikkje sjåast berre lokalt/regionalt. Ein kan framleis vere kritisk til innhald i høyringsutkastet.
Pause: drøfting av dokumentet med innkomne innspel.
Utkast (orginalutkast m/ endringar) frå Samlingslista vart presentert. Det vart gjennomført prøverøysting og debatt knytt til endringaforslag i dokumentet.
Røysting endeleg framlegg til høyringsuttale: 11 stemmer for, 2 stemmer mot.Sigrun Almelid Birkeland og Ann-Jorunn Farestveit røysta mot.
Modalen kommune vedtek samarbeidsavtale om vertskommunesamarbeid om krisesentertilbod i tråd med vedlagte avtaleutkast.
Rådmannen får fullmakt til sluttføring, inngåing og seinare mindre vesentlege revisjonar av avtalen.
Assisterande rådmann orienterte kort om saka og svara på spørsmål.
Samrøystes vedteke.
Modalen kommune utvidar budsjettramma for næringsfondet for 2019 med kr. 200 000,-. Ny samla budsjettramme (utlån og tilskot) vert kr. 2 600 000,-.
Assisterande rådmann orienterte kort om saka og svara på spørsmål.
Sigmund Vikane kom med framlegg om å auke løyvinga med 100 000 kr meir enn rådmannen sitt framlegg. Ordførar tok Sigmund Vikane sitt framlegg opp til votering.
Samrøystes vedteke.
Politikar | Parti | Medlemstype | E-Post |
---|---|---|---|
Tom Kristian Thorsen | Solrenningslista | Ordførar | tkthorsen@gmail.com |
Kristin Nåmdal | Samlingslista | Varaordførar | kristin.namdal@alver.kommune.no |
Liv Anne Aanesen | Samlingslista | Medlem | aktiv.i.modalen@gmail.com |
Kjetil Eikefet | Samlingslista | Medlem | kjetileikefet@hotmail.com |
Svanhild Moberg Nordaas | Samlingslista | Medlem | svanhilds@msn.com |
Roger Wilhelm Fure | Samlingslista | Medlem | modalen.marked@coop.no |
Anne Britt Almelid | Samlingslista | Medlem | annebritt.almelid@gmail.com |
Linda Neset | Solrenningslista | Medlem | linda.neset@modalen.kommune.no |
Ann-Jorunn Farestveit | Solrenningslista | Medlem | ann-jorunn-f@hotmail.com |
Håvard Engeseth | Solrenningslista | Medlem | h_engeseth@hotmail.com |
Sigmund Vikane | Solrenningslista | Medlem | sigmund.vikane@gmail.com |
Trude Langedal | Samlingslista | Varamedlem | trude.langedal@lindas.kommune.no |
Tom Kristian Imsland | Solrenningslista | Varamedlem | tomimsland64@gmail.com |
Sigrunn Almelid Birkeland | Solrenningslista | Varamedlem | sigrunn.almelidb@gmail.com |
Simona Lucaseviciute Arnesen | Solrenningslista | Varamedlem | sla@mosoft.net |
Knut Farestveit | |||
Frank Stian Steinsland (Ikke møtt) | Solrenningslista | Medlem | stian.steinsland@hotmail.no |
Robert Helland (Ikke møtt) | Solrenningslista | Medlem | robhelland@gmail.com |