Møte i Arbeidsmiljøutval den 19.06.2023

Vedtak

Innkalling og sakliste vert godkjent

Behandling

Spesialrådgiver i Salutis Cathrine Hellwege stiller som representant frå bedriftshelsetenesta i møtet.

Vedtak

Møteprotokoll vert godkjend slik den ligg føre

Vedtak

Referatsaker vert tekne til orientering.

Vedtak

Sakene vert tekne til orientering

Behandling

I møtet vart det orientert om:

- Avvikssystem

Det har vore gjennomført opplæring og gjennomgang av nytt avviksystem i løpet av vinter og våren. Det har vore testa ut å nytte Teams som opplæringsarena, med 50 minuttars gjennomgang av bruk av systemet. Det har vore gode tilbakemeldingar på dette, og ein vurderer å gjere tilsvarande ved behov for anna intern opplæring/oppfriskning. Det er planlagt å ha oppfriskning for bruk av systemet til neste år.

AMU er positive til gjennomføringa og det vart peika på at tilrettelegging for at nytilsette også får høve til å delta er viktig.

- Sjukefråvær 2022

Årsmeldinga for 2022 viser oversikt over sjukefråværet og kommentarar til dette. Det har vore eit relativt høgt sjukefråvær enn tidlegare år på 10,3 % totalt for året. Dei siste åra har sjukefråværet ligget år mellom 7,1 og 8,6 (2018 - 2021). Det er i stor grad langtidssjukemeldingar.

Modalen kommune er ei inkluderande arbeidslivsverksemd, og det vert jobba tett med å inkludere og halde på dei som står i fare for å falla ut av arbeidslivet, eller som slit med å koma inn i arbeidslivet. Dette kan vere med på å forklare kvifor kommunen har høgare tal på langtidssjukemeldingar.

- Godtgjersle og tid til vernearbeid

Det vart drøfta rammene for vernearbeid etter arbeidsmiljølova. Det er viktig å sikre at det er tid til møter og at det er forutsigbart. Det er vanleg praksis i andre kommunar at ein får fast ein årleg godtgjersle eller at ein får frikjøpt ein fast prosent til vernearbeid. Det er noko ulikt kor stor prosent, og større kommunar har gjerne frikjøpt ein mykje større prosentdel enn mindre kommunar. Det er forslag om at vidare dialog vert med verneombodsgruppa og arbeidsgjevarrepresentantar, og at AMU vert halde orienterte.

AMU stiller seg bak at det vurderast korleis Modalen kommune kan tilrettelegge for frikjøp til tid til vernearbeidet og det førebyggande arbeidet knytt til dette.

- AMUS hausten 2023
Det er planlagt gjennomføring av arbeidsmiljøundersøking (AMUS) hausten 2023. Dette vert gjennomført annankvart år i Modalen kommune. Det er planlagt gjennomgang i leiargruppa etter sommaren for oppfølging av førre AMUS og førebuing til årets undersøking.

AMU tilrår at det vert gjort evaluering av oppfølginga etter AMUS i 2021 og vurderer korleis ein kan legge opp til ein god gjennomføring og oppfølging av årets AMUS.