Čoahkkin Plan- og kommunalteknisk utval 24.05.2018

Vedtak

"Innkalling og sakliste vert godkjent."

Behandling

Det var ikkje merknader til innkalling og saksliste.

Vedtak

"Møteprotokoll frå 25.04.18 vert godkjend."

Behandling

Det var ikkje merknader til utsend møteprotokoll frå møtet 25.04.2018.

Vedtak

"Melding om delegerte vedtak vert teken til vitande."

Behandling

AVRØYSTING

Rådmannen sitt framlegg vart samrøystes vedteke.

Vedtak

"Kommunen gjev dispensasjon frå reguleringsføresegn § 2, punkt 2.3 for planering av naustområde, bygging av kaifront og oppføring av 5 naust på gnr. 87, bnr. 1, Hoshovde, jf. plan- og bygningslova §§ 12-4 og 12-7, nr. 11, jf. § 19-2.På fylgjande vilkår:- Kaifront skal oppførast i naturstein- Naust skal byggjast i naturmateriale og etter skikk som står i stil med, og som er minst mogleg i konflikt med kulturmiljøet i området- Skråning langs veg skal jordfyllast og beplantastGrunngjeving:Området vart ved utbetring av fylkesveg særs skjemt, og tiltaket vil vera med å forskjønna området vesentleg. Oppføring av naust i klynge fylgjer opp vilkåra som er gitt i sjø- og strandsoneplanen. Tiltaket vil føra til betre tilgong til strandsona i eit område som i dag er utilgjengeleg for ålmenta."

Behandling

Lars Fjeldstad, SP, gjorde på vegner av SP, H, AP og KRF slikt framlegg: "Kommunen gjev dispensasjon frå reguleringsføresegn § 2, punkt 2.3 for planering avnaustområde, bygging av kaifront og oppføring av 5 naust på gnr. 87, bnr. 1, Hoshovde, jf. plan- og bygningslova §§ 12-4 og 12-7, nr. 11, jf. § 19-2.

På fylgjande vilkår:

- Kaifront skal oppførast i naturstein
- Naust skal byggjast i naturmateriale og etter skikk som står i stil med, og som er minst mogleg i konflikt med kulturmiljøet i området
- Skråning langs veg skal jordfyllast og beplantast

Grunngjeving:
Området vart ved utbetring av fylkesveg særs skjemt, og tiltaket vil vera med å forskjønna området vesentleg. Oppføring av naust i klynge fylgjer opp vilkåra som er gitt i sjø- og strandsoneplanen. Tiltaket vil føra til betre tilgong til strandsona i eit område som i dag er utilgjengeleg for ålmenta.

Ragnar J. Tyssebotn, FRP, gjorde slikt framlegg: Kommunen gjev dispensasjon frå reguleringsføresegn § 2, punkt 2.3 for planering avnaustområde, bygging av kaifront og oppføring av 5 naust på gnr. 87, bnr. 1, Hoshovde, jf. plan- og bygningslova §§ 12-4 og 12-7, nr. 11, jf. § 19-2.

Vilkår: Fylling vert lagt jord på og sådd i, og det vert gjort enkel beplanting av tre for å dempe inntrykket frå Vegvesenet si skjæring (sett frå kyrkja), og for å binda saman grøntområda på oppsida og nedsida av fylkesvegen.

Grunngjeving: Dette er eit område som ligg i områdeplanen for Hosanger sentrum. Denne dispensasjonen er søkt om fordi planføresegnea seier at område nytta til kombinert formål skal detaljregulerast. No er det ikkje lenger aktuelt å søkje om kontorbygg på tomta, og området er dermed ikkje kombinert formål lenger. Bygningsmasse er og monaleg redusert. Dette vil gje eit betre inntrykk i forhold til kyrkja og omsynet til kulturminna. I tillegg er vegen allereie bygd, endå til med fortau. Tomta er i dag nytta til steintipp. Detter er massar som er lovleg lagra på tomta for framtidig bruk til prosjektet som no vert søkt om. Me ser ingen grunn til å nekte dette prosjektet."

Det vart halde pause i drøftigane med gruppemøte for KRF, AP, H og SP frå kl. 13.20 - kl. 13.25

-------------------------------------

AVRØYSTING

Rådmannen sitt framlegg - 0 røyster

Alternativ avrøysting

FRP sitt framlegg - 2 røyster (2FRP)

Fellesframlegget - 5 røyster (2AP,1H.1KRF, 1SP)

Vedtak

"Kommunen gjev dispensasjon frå reguleringsføresegn § 2, punkt 2.3, jf. plan- og bygningslova §§ 12-4 og 12-7, nr. 11 til bruksendring av del av eksisterande bygning til kiosk/landhandel og til etablering av parkeringsplass på gnr. 89, bnr. 56, jf. plan- og bygningslova § 19-2 på fylgjande vilkår:

• Regulert gangveg over gnr. 89, bnr. 56 skal ikkje nyttast til parkering og skal haldast open for gåande.

Kommunen gjev dispensasjon frå kommuneplanføresegn punkt 1.13, jf. plan- og bygningslova §§ 11-6 og 11-9 nr. 5, jf. § 1-8, til bruksendring av del av eksisterande bygning til kiosk/landhandel og til etablering av parkeringsplass på gnr. 89, bnr. 56, jf. plan- og bygningslova § 19-2."

Behandling

AVRØYSTING

Rådmannen sitt framlegg vart samrøystes vedteke.

Vedtak

"Kommunen gjev dispensasjon frå gjeldande utnyttingsgrad i reguleringsplan Lonevåg - Hatland planID 504_51, jf. plan- og bygningslova §§ 12-4 og 12-7, nr. 1, til auka utnyttingsgrad TU = 32 % på gnr. 14, bnr. 379, jf. byggeforskrift 1987 FOR-1987-05-27-458 kap. 22 nr. 22:1, bokstav c, jf. plan- og bygningslova § 19-2. Parkering skal ikkje reknast med.

Grunngjeving: Ein finn etter ei samla vurdering at fordelen med å gje dispensasjon for auka utnyttingsgrad på gnr. 14/bnr. 379 er klart større enn ulempene i dette høvet, jfr. rådmannen si saksutgreiing. Utvalet sluttar seg her til rådmannen sine vurderingar og tilråding i saka."

Behandling

Ragnar J. Tyssebotn, FRP, gjorde slikt framlegg: "Saka vert returnert til administrasjonen for vidare utgreiing. Avvik som er påpeika frå fylkesmannen, er ikkje tilstrekkeleg svara for i saksugreiinga slik den no ligg føre. Mellom anna er det ikkje dokumentasjon som synder at bygget er kontrollmålt slik fylkesmannen krev. Det er heller ikkje tilstrekkeleg dokumentert at det har vore praksis i Osterøy med å gje løyve med avvik inntil 0,5 meter på mønehøgd. Leikeareal er ikkje opparbeidd, noko som er påpeika i klagen. Det kjem ikkje fra kva som står i opprinneleg byggeløyve med tanke på leikeareal. Det same gjeld for parkeringsareal. Dette er påpeika i klagen, men det framgår ikkje av saksutgreiinga kva som er gjeve løyve til gjennom opprinneleg byggeløyve.

----------------------------------------

Det vart halde pause i drøftingane frå kl. 13. 40 - kl. 13.45 med gruppemøte for AP, SP, H og KRF.

--------------------------------

AVRØYSTING

Alternativ avrøysting

Rådmannen sitt framlegg - 5 røyster (2AP,1H,1KRF,1SP)

FRP sitt framleg - 2 røyster (2FRP)

----------------------------------------

Lars Fjeldstad, SP, fekk på vegner av SP,AP,H og KRF høve til å gje slik protokolltilførsel i saka:

"Utvalet meiner at tildeling av lovbrotsgebyr skal vurderast i denne saka."

Vedtak

"Saka vert utsett for synfaring.

Ber og om at det vert utdjupa kva som er meint med "mellombels bustadbrakke". Kva tidshorisont er det snakk om."

Behandling

Ragnar J. Tyssebotn, FRP, gjorde slikt framlegg: "Saka vert utsett for synfaring."

Framlegget vart trekt før avrøysting.

Atle Solberg, H, gjorde slikt framlegg: "Saka vert utsett for synfaring. Ber og om at det vert utdjupa kva som er meint med "mellombels bustadbrakke". Kva tidshorisont er det snakk om."

AVRØYSTING

UtsetjingsframleggET vart samrøystes vedteke.

Vedtak

"Kommunen legg tilbakemelding og fotografi motteke 27.04.2018 til grunn og finn at eit eventuelt avvik frå godkjent søknad om oppføring av mur på gnr. 146, bnr. 108 er av mindre tyding.
Kommunen avstår frå å forfylgje saka om oppført mur på gnr. 146, bnr. 108 og avsluttar saka om ulovlegoppfylging utan vidare handsaming, jf. plan- og bygningslova § 32-1, 2. ledd. "

Behandling

AVRØYSTING

Rådmannens itt framlegg vart samrøystes vedteke.

Vedtak

"Osterøy kommune tek ikkje klagen på negativt vedtak om dispensasjon etter pbl § 19-2 på gnr 136, bnr 126 til følgje. Vedtak i PT sak 008/18 vert oppretthalde, klagen vert send fylkesmannen i Hordaland for avgjerd."

Behandling

Ragnar J. Tyssebotn, FRP, gjorde slikt framlegg (som i sak 008/18): "Osterøy kommune gjev dispensasjon frå gjeldande reguleringsplan for auka U-grad for tiltak på gnr. 136/127 frå gjeldande max U-grad på 30% opp til 38,73%. Grunngjeving: Det er større fordelar enn ulemper med å gje dispensasjon slik me ser det."

AVRØYSTING

Alternativ avrøysting

Rådmannen sitt framlegg - 5 røyster (1H,2AP,1SP,1KRF)

FRP sitt framlegg - 2 røyster (2FRP)

Vedtak

"Kommunen gjev dispensasjon frå reguleringsplan detaljregulering Loftås B5-B9 arealplan-ID 2012003 reguleringsføresegn § 3.1.1, siste punktum, jf. plan- og bygningslova §§ 12-4 og 12-7 til endra møneretning og takform for ny einebustad på gnr. 1, bnr. 79, Loftås, jf. plan- og bygningslova § 19-2."

Behandling

AVRØYSTING

Rådmannen sitt framlegg vart samrøystes vedteke.

Vedtak

«Plan-og kommunalteknisk utval rår formannskapet til å rå Heradsstyret til å vedta oppstart av planarbeid for Detaljregulering Olsneset – NKKS- Bruvik gbnr 154/1 planID 12532014002 med planavgrensing og planprogram dagsett 24.03.18 for utlegging til offentleg ettersyn i medhald av plan-og bygningslova §§ 12-9 og 4-1.»

Behandling

AVRØYSTING

Rådmannen sitt framlegg - samrøystes tilrådd

Vedtak

"Fellingsløyve for hjort i Osterøy kommune med heimel i Forskrift om forvaltning av hjortevilt § 21 vert det for 2018 fordelt etter følgjande kategoriar og %:

Kalv 30 %

Vaksne hodyr 35 %

Spissbukk 17,5 %

Vaksen bukk 17,5 %

Det blir tildelt etter teljande areal, jf. § 9 og minsteareal, jf. § 6. For å oppretthalde målet om å stabilisere stamma blir det tildelt ekstradyr etter 50% regelen, jf. § 7.

Godkjente bestandsplanområde får tildelt samla fellingsløyve for heile planperioden i tråd med godkjend bestandsplan, jf. § 18.

Tildeling av fellingsløyve for hjort skal vere kunnskapsbasert og i stor grad følgje uavhengige og anerkjente hjortefaglege tilrådingar og tilpassa lokale utfordringar."

Behandling

Ragnar J. Tyssebotn, FRP, gjorde slikt framlegg: "Saka vert sendt i retur til administrasjonen. Følgande må innarbeidast i saka: Vedteken endring i minsteareal frå sak 030/17 vedteke 08.03.2017, må implementerast i saka dette er vedteke i tråd med Forskrift om forvalting av hjortevilt, § 6, andre ledd som slår fast at slik endring må skje før 15. januar. Vidare må konsekvens av endring i prosenttildeling forklarast på ein slik måte at verknad av vedtaket er tydeleg. No er det ikkje råd å forstå kva som er konsekvenst av endringane."

Grunngjeving: Sak om endring av minsteareal har vore teke opp ved fleire høve. Dette vart ikkje korrigert i planen når den vart handsama i 2017, men må leggjast inn i planen no. Legg ved utdrag frå protokollane som syner handsaming av saka gjennom 2017, i møta 23.08, 27.09 og 08.03.17. Minner og om at det er viktig for hjortestamma at det vert gjort kloke endringar i tildelinga for å sikre ei god og bærekraftig hjortestamme framover, samtidig som gardar i drift må prioriterast då desse opplever plagene direkte og økonomisk."

AVRØYSTING

Alternativ avrøysting

Rådmannen sitt framlegg - 5 røyster (1H,2AP,1SP,1KRF)

FRP sitt framlegg - 2 røyster (2 FRP)