Møte i Heradsstyret den 22.02.2023

Vedtak

Heradsstyret tek tema/saka til vitande

Vedtak

Innkalling og sakliste vert godkjent.

Behandling

Kim Andre Hartveit, FRP, varsla ein oppmoding til slutten av møte om kontaktinformasjon til heimesjukepleien.

Alf Terje Mortensen, FRP, varsla eit spørsmål til slutten av møte.

Alf Terje Mortensen, FRP, hadde slik merknad: det er feil på dato i referatsak om kontrollutval "møteprotokoll frå møtet 02.10.2022". Møtet var ikkje i oktober, men i desember.

Alf Terje Mortensen, FRP, hadde slik merknad: Kontrolutvalet sitt arbeid og sine saker med vedlegg må verte lettare tilgjengeleg.

Bjarte Aarland, KRF, ønskja ein orientering om ny kraftline til slutten av møtet.
Ordførar svarte kort at han ikkje har så mykje meir å informere om annet enn det som allereie er sagt og at statsnett kjem til heradsstyret for orientering i neste møte.

Alf Terje Mortensen, FRP, hadde slik merknad: det er fint om spørsmål frå politikarane og svara på desse er lettare tilgjengeleg for allmenta. Det er óg fint om avrøystinga i sakene er lettare tilgjengeleg for allmenta

Vedtak

Møteprotokoll frå 07.12.2022 vert godkjend.

Behandling

Ordføraren hadde slikt merknad: i protokoll frå formannskapet 23.11.2022 om avrøysting i sak om budsjett, FS sak 102/22, er det gjort ein liten korrigering: avrøysting stod motsatt av kva som var skjedd. Framlegget frå Ragnar Tyssebotn, FRP, vart stemt ned 4 røyster mot 5 røyster.

-----------------------------------------------

Det var elles ingen merknader til møtebok.

Vedtak

Referatsakene vert tekne til vitande.

Behandling

Det var ingen merknader til referatsakene og meldingane.

Vedtak

Heradsstyret tek tilstandsrapport for barnevern 2022 til vitande.

Behandling

Framlegg og avrøysting kjem fram i voteringsprotokollen som ligg ved nedst i den samla møteprotokollen.

Vedtak

I medhald av plan- og bygningslova §12-12 vert Detaljregulering Holmane næring – Fotlandsvåg, PlanID 46302013004 med Plankart datert 12.08.22, Føresegn datert 11.11.22, VA-rammeplan datert 18.03.19 og planskildring datert 11.11.22 vedteke.

Behandling

Kjersti I. Vevatne, V, ønskja sin gildskap vurdert då ho har vore med å utarbeide planforslaget som arbeidstakar i Asplan Viak.

Hjalti H. Gislason, H, ønskja sin gildskap vurdert til å vurdere Kjersti I. Vevatne, V, sin gildskap då han er gift med hennar.

-------------------------------------------
Kjersti I. Vevatne, V, forlet møte.
Åshild Rød, V, møtte som vara.

Hjalti H. Gislason, H, forlet møte.
Ingen vara møtte.

24 medlemmar/varamedlemmar tilstades
-------------------------------------------

AVRØYSTING GILDSKAP

Vedtak

Oppstart av planarbeid av Kommunedelplan for kulturmiljø i Osterøy kommune 2024-2033. Utkast til Planprogram for kommunedelplan for kulturmiljø i Osterøy kommune 2024-2033 vert lagt ut til offentleg høyring og ettersyn, jf. PBL § 11-13

Det vert valgt ei arbeidsgruppe på inntil 5 personar som skal arbeide med planen.

Medlemmane vert valgte av og blant medlemmane og varamedlemmene i eksisterande heradstyre og vert sitjande i utvalet fram til arbeidet med denne planen er avslutta.

Behandling

Framlegg og avrøysting kjem fram i voteringsprotokollen som ligg ved nedst i den samla møteprotokollen.

Vedtak

Valestrand Hjellvik Fotballklubb får innvilga sin søknad om kommunalt tilskot til rehabilitering av den kommunale kunstgrasbana på Furubakken Idrettsplass, kroner 500.000,-.

Vidare får Valestrand Hjellvik Fotballklubb innvilga sin søknad om kommunal garanti på lån for denne rehabiliteringa, kroner 4 273 526, forutsett at garantien vert godkjent av departementet, jf. Kommunelova § 14-19 og Forskrift om garantier og finans- og gjeldsforvaltning i kommuner og fylkeskommuner kapitel 1.

Det vert stilt som vilkår at søknaden om spelemidlar vert fornya årleg i tråd med regelverket. Det er ikkje eit krav at Valestrand Hjellvik Fotballklubb har fått tildeling av spelemidlar for at garantien skal vere gyldig.

Bakgrunn:
Kunstgrasbana på Furubakken Idrettsplass er utvilsamt kommunal: Den er 2/3 på gnr./bnr. 137/115 og 1/3 på 137/5, båe to Osterøy kommune sin eigedom. Vidare har VHFK hatt ein avtale om drift og vedlikehald av bana med Osterøy kommune sidan 2006 som er kanskje det sterkaste provet på at kommunen oppfattar det som sin eigedom.

Av årsaker som ikkje høver i denne grunngjevinga bidro ikkje Osterøy kommune økonomisk til bygging av bana i si tid og det opplevast som rimelig at han gjer det no når dekket treng utskifting, mellom anna fordi bana fungerer som skuleplass for Valestrand barneskule og mykje av slitasjen skuldast denne funksjonen.

Tilskot og kommunal garanti vil sikra kommunen sine interesser og ivaretaking av eit viktig anlegg som både fremjar folkehelsa i Valestrandsområdet og leik for skuleborna i friminutta.

Tilskotet vert ubetalt i frå disposisjonsfondet.

Grunngjeving:

VHFK har i dag søknad om spelemidlar til tiltaket liggande til handsaming. Lovverket seier:
2.4 Vilkår for tilskudd
2.4.1 Eierskap til anlegget

Det er eieren av anlegget som kan søke om tilskudd. I helt særegne enkelttilfeller kan departementet gi dispensasjon fra dette kravet.

Midlar frå investeringsbudsjettet kan berre løyvast til driftsmidlar eigd av kommunen. Om heradsstyret løyver investeringsmidlar til anlegget, seier ein då indirekte at ein eig det. Då vil ikkje VHFK ha høve til å stå som eigar av spelemiddelsøknaden. Og det er risiko for at den må utformast og sendast på nytt av ny eigar, og difor rykk bak i køen. Å løyve tilskot over driftsbudsjettet er og i tråd med det som er gjort i dei to nyaste samanliknbare sakene (Fotlandsvåg IL og Osterøy IL)

Å løyve midlar over driftsbudsjettet vert sett på som ei mellomløysing for å sikra finansiering og framdrift i prosjektet. Osterøy kommune stiller seg ikkje negativ til å eige idrettsanlegget om det er ynskjeleg i framtida. Stilling til eigarskap vert tatt etter ei heilskapleg vurdering i samråd med alle idrettslaga i eigarskapsmeldinga for idrettsanlegg.

Behandling

Siren Tyssebotn, FRP, fekk innvilga permisjon frå resten av møtet.

24 medlemmar/varamedlemmar tilstades
-----------------------------------------------------------------------------

Framlegg og avrøysting kjem fram i voteringsprotokollen som ligg ved nedst i den samla møteprotokollen.

Vedtak

Veg, som vist i kartutsnitt, vert privatisert med heimel i veglova § 7. Vegrettar for 34/19 og andre brukarar skal tinglysast før privatisering

Behandling

Framlegg og avrøysting kjem fram i voteringsprotokollen som ligg ved nedst i den samla møteprotokollen.

Vedtak

Kommunen skal følgje gjeldande regelverk ved handsaming av søknadar.

Behandling

Framlegg og avrøysting kjem fram i voteringsprotokollen som ligg ved nedst i den samla møteprotokollen.

Vedtak

Auke løn til støttekontaktar frå 150,55 kr pr time til 200 kr pr time frå 01.01.2023.

Det vert lagt inn ei årleg justering likt med lønsoppgjer for frontfaga.
Presisering: Årleg justering gjeld frå og med lønsoppgjeret 2023.

Behandling

Framlegg og avrøysting kjem fram i voteringsprotokollen som ligg ved nedst i den samla møteprotokollen.

Vedtak

Det skal leggast fram ei eigarskapsmelding om idrettsanlegg for behandling i Heradsstyret.

Eigarskapsmeldinga skal

• Presentere konsekvensane av om kommunen eller idrettslaga eig idrettsanlegga.

• Legge fram forslag til korleis kommunen skal innrette dei økonomiske verkemidlane ein nyttar for utvikling, vedlikehald og drift til anlegga. Dette gjeld (1) drifts- og vedlikehaldsmidlane, (2) leigekontraktar mellom enkelte idrettslag og Osterøy kommune, (3) dekning av straumutgifter og (4) kommunale tilskot til utvikling og rehabilitering av anlegg.

• På grunnlag av disse to punkta, legge fram ei tilråding om kommunen eller laga skal eige anlegga.

Arbeidsgruppa for Kommunedelplanen i idrett og fysisk aktivitet får utvida sitt mandat til åutarbeide denne eigarskapsmeldinga.

Idrettskonsulent Ingri Thomassen vert valt inn som ein del av arbeidsgruppa både for eigarskapsmeldinga og for Kommunedelplanen i Idrett og fysisk aktivitet.

Osterøy har og vil i framtida kunne få andre typar idrettsanlegg som til dømes ridehall, ridebane, motorsportanlegg, rulleskianlegg osb. Eigarskapsmeldinga må difor ha ei drøfting av korleis nye anlegg skal handsamast for å kunne verte ein del av lista og få spelemiddelfinansiering/ anna finansiering på lik line med eksisterande anlegg.

Grunngjeving: Osterøy kommune har mange fine idrettsanlegg spreidd rundt i kommunen. Eigarskapsmeldinga er eit viktig instrument for å sikre ei fornuftig framdrift vidare, og kva politikk og løysingar som skal ligge til grunn for framtidas anlegg og løysingar. Samstundes har kommunen andre idrettsgreiner med aktive miljø, som ikkje ligg under ordninga som eigarskapsmeldinga skal rette seg mot per i dag. For å leggje til rette for ei god utvikling for eit breiast mogleg tilbod må me og ta omsyn til desse andre aktivitetane i eigarskapsmeldinga når denne no vert utarbeidd.

Behandling

Framlegg og avrøysting kjem fram i voteringsprotokollen som ligg ved nedst i den samla møteprotokollen.

Vedtak

Kva er dei mest relevante utfordringane framover?

1. Er utfordringsbiletet som skildra i heftet gjenkjennbart for din kommune/fylkeskommune?

Svar: Utfordringsbilete som vert skildra er diverre svært gjenkjennbart for Osterøy kommune.

1. Er det andre langsiktige utfordringar enn det som er skildra, som de vil peike på?

Svar: KS sin skildring treff godt. Osterøy kommune vil likevel peike på at i tillegg til den svært krevjande situasjonsbilete som er skildra, så er det ekstra krevjande for dei kommunane som, i likskap med Osterøy, ikkje har meir å hente på inntektssida. Vi må bruke tid og ressursar på å «halde hovudet over vatn» for å handtere auka utgifter og auka behov. Det vert verken tid eller ressursar til å jobbe med utvikling. Osterøy kommune opplever at det er krevjande å møte framtida sine utfordringar når ein ikkje har midlar, ressursar, bemanning og kompetanse til å gjere dei investeringane og grepa som er heilt nødvendige for å vere rusta for framtida. Dei ressursane vi har vert diverre ofte brukt til å plastre såret i staden for å utvikle og vere i forkant. Det vert lite rom for å drive førebyggjande arbeid og i det heile: å hindre at det vert eit sår.

1. Kva utfordringar meiner de blir spesielt viktig å vere merksam på framover?

Svar: Det er eit aukande behov for helse- og omsorgstenester. Det er viktig at vi klarer å ruste oss slik at vi klarer å møte dette så godt det let seg gjere. Her må vi tenkje annleis, til dels endre strukturen og oppgåveløysinga i heile tenesta. Vi må setjast i stand til ta i bruk teknologi og andre nyvinningar som gjer at arbeidet kan organiserast på nye måtar. Dette vil gjereat vi kan jobbe meir effektivt utan at det går ut over kvaliteten i tenesta. Vi må og kunne nytte arbeidskrafta vår meir effektivt enn i dag. Det betyr at vi må tenkje nytt om kva kompetanse som må til for å løyse ulike oppgåver. Rekrutteringsutfordringa er allereie stor i kommunesektoren, og i særleg grad innan helse og omsorg.

Det største utfordringa er likevel den auka risikoen for ikkje ønska og ikkje forutsette hendingar, nettopp fordi det er svært vanskeleg å førebu seg godt nok på slike hendingar og korleis desse vil påverke kommunen. Når all kapasitet går med til dagleg drift er det og lett å gleppe på viktige utviklingstrekk. Det gjer oss mei sårbare.

Korleis styrke lokaldemokratiet si evne og kraft til berekraftig arealbruk?

1. Kva mogelegheiter og utfordringar opplever kommunane/fylkeskommunane sjølv i arbeidet med berekraftig arealbruk?

Svar: Ein viktig utfordring er å få oversikt over faktisk bruk av areala i kommunen. Vi må vite kor mykje areal som årleg vert omdisponert frå eit føremål til eit anna. Kommunane har trong for å ha betre kontroll og oversikt over arealbruken i form av ein arealrekneskap. Det er her særs viktig å ha kontroll på avgang av landbruksareal og areal knytt til biologisk mangfald. Den norske raudlista viser at arealendringar er det største trugsmålet mot biologisk mangfald. Rapportar frå Det internasjonale Naturpanelet syner det same.

Det me her snakkar om er arealnøytralitet. Det vil seie null tap av natur. Tap av landbruksjord er inkludert.

I dag har kommunane ikkje gode nok reiskapar til å handtere denne problematikken på ein god måte. KOSTRA-rapportering er ikkje godt nok. Vi treng enkle metodar for å lage gode arealrekneskapar, og vilje og evne til å leggje resultata av desse til grunn for politiske vedtak.

Ein annan utfordring er å sjå heilskapen i berekraftig arealbruk. Dette er eit komplekst omgrep med mange falsettar, og det er gjerne slik at eit isolert berekraftig tiltak kjem i konflikt med eit anna isolert berekraftig tiltak. Dette er ein klassisk problemstilling. Mykje erfaring vart her henta i NAMIT-prosjektet på tidleg 90-tal, og arbeidet med samordna transport- og arealplanlegging. Gamle greier som framleis er aktuelle.

1. Kva nye verktøy og verkemidlar vil vere nyttige og naudsynte i kommunen/fylkeskommunen sitt arbeid med berekraftig arealbruk?

Svar: Ein god metode for arealbruksrekneskap som alle kommunane kan/bør/skal bruke. Osterøy kommune er også svært opptatt av å ta i bruk arealrekneskap i det pågåande arbeidet med revisjon av KPA. Samtidig meiner me det bør være ein felles metodikk for alle norske kommunar. Dette er etter kva me veit under utvikling.

Berekraftig arealbruk er ein arealbruk som m.a. tek vare på arealressursane våre for framtidige generasjonar. Vi trur mange i kommunane har behov for gode kriteria for å utvikle berekraftige arealbruksløysingar i sine respektive kommunar.

PBL er framleis eit godt verkemiddel for ein berekraftig arealbruk.

Korleis få til ei raskare omstilling og mobilisering av ressursar?

1. Kva er dei største barrierane for å få til ei raskare omstilling i din kommune/fylkeskommune?

Svar: Som vi allereie har vore inne på er dei største utfordringane/barrierane for vår del det økonomiske. Deretter er mangel på ressursar og kapasitet ei utfordring. Manglande kapasitet har del samanheng med knappe økonomiske rammer, men og tilgang på fagfolk vi treng for å få til naudsynt omstilling. Rigide reglar og avtalefesta rettar er og ein hinder for rask og smidig omstilling.

1. Kor ser de dei største mogelegheitene for å mobilisere ressursar internt i eigen organisasjon og med eksterne utanfor organisasjonen?

Svar: Skal vi frigjere ressursar i eigen organisasjon må vi kutte ut oppgåver vi gjer i dag. Det vil i så fall krevje endringar i lov og forskrifter som set krav til kva vi pliktar å levere av tenester.

Behandling

Framlegg og avrøysting kjem fram i voteringsprotokollen som ligg ved nedst i den samla møteprotokollen.

Vedtak

1. Bør den økonomiske ramma i mellomoppgjeret fordelast sentralt, eller bør delar av den forhandlast lokalt, ut i frå lokale behov og prioriteringar?

Svar: Heile den økonomiske ramma i mellomoppgjeret fordelast sentralt

1. Om det vert sett av midlar til lokale forhandlingar, kor stor bør potten i så fall vere?

Svar: Potten bør vere på minimum ein prosent.

1. Om ramma fordelast sentralt:

   • Er det ynskjeleg at alle tilsette får omlag like store tillegg eller er det ynskjeleg med ei tydelegare prioritering av enkelte grupper framfor andre?

   • Om enkelte grupper skal prioriterast, kva stillingsgrupper og/eller ansiennitetstrinn bør i så fall få størst tillegg?

Svar: Det er ynskjeleg med ei tydelegare prioritering av enkelt grupper framfor andre.

• Om enkelte grupper skal prioriterast, kva stillingsgrupper og/eller ansiennitetstrinn bør i så fall få størst tillegg?

Svar: Kompetanse bør prioriterast i 2023. Lønnspolitikken kan ikkje utelukkande ha som mål å skaffa nok tilsette, men å skaffa nok kvalifiserte tilsette. Det høge talet av ufaglærde lærarar og fallet i søkarar til lærerutdanninga, tilsier at lærar i skule og barnehage må prioriterast ved lønnsoppgjeret. Lærarane har over år sakka etter i lønnsutviklinga, og det var særleg lærarar med lang utdanning og lang ansiennitet som vart nedprioritert i 2022.

Behandling

Framlegg og avrøysting kjem fram i voteringsprotokollen som ligg ved nedst i den samla møteprotokollen.

Vedtak

Heradsstyret tek saka til vitande

Behandling

Framlegg og avrøysting kjem fram i voteringsprotokollen som ligg ved nedst i den samla møteprotokollen.

Vedtak

Osterøy heradsstyre vil på det sterkaste oppmoda Sparebanken Vest til å oppretthalde tilbodet med minibank og nattsafe i Lonevåg.

Behandling

Ordføraren ønskja at heradsstyret tok opp følgjande sak til handsaming: Nedlegging av minibank i Lonevåg. Vedtak i saka vert i så fall formidla vidare av ordføraren til Sparebanken Vest.

Framlegg og avrøysting kjem fram i voteringsprotokollen som ligg ved nedst i den samla møteprotokollen.

--------------------------------------------
Kim Andre Hartveit, FRP, hadde slik oppmoding: kontaktinformasjon til heimetenesta må vere lettare tilgjengeleg på heimesida.

Alf Terje Mortensen, FRP, hadde slikt spørsmål: Eg kjenner ikkje igjen summane som rådmannen opplyste om i saka om busslomma på Valestrand og eg kan ikkje finne dei nokre stader.

Rådmannen ga slikt svar: Dei 16 millionane som er lagt inn i vårt inversteringsbudsjett er kommunen sin andel og det har kome fram i sakane om budsjett. For kommunen sin del er det ikkje meir enn det som er nødvendig å ta stilling til. Kjem det eit kostnadsauke på meir enn 10% vert det lagt fram ny sak for heradsstyret. Når det gjeldt årsak til dei store beløpa i dette arbeidet vil eg presisera at busslomma ikkje er eit altomfattande begrep, men det vert kalla det for å forenkle kva det gjeldt og kor. Arbeidet som skal gjerast gjeldt eigentleg heile avkøyrings- og trafikkløysinga opp til skulen, ny parkering, ny busslomma m.v.