Møte i Formannskapet den 15.02.2023

Vedtak

Innkalling og sakliste vert godkjent.

Behandling

Ordførar orienterte i starten av møtet om følgjande:
- Interkommunal plan for sjøareal, om innkomne motsegn og innspel etter 1. gongs høyring og strategi for å komme motsegn og innspel i møte.
- Prosess med Statnett. Statnett planlegg ei ny høgspentlinja som med stor sansynlighet vil påverka Osterøy. Er i prosess med faste møter ein gong i månaden. Plan om å få dei til å informere heradsstyret i april møtet.
- Oppstartsmøte med Vestland Fylkeskommune om realisering gang og sykkelveg Loftås - Hauge. Detaljprosjektering er i gong og VLFK ser for seg annleggstart om omlag 1 år.

Rådmannen orienterte i starten av møte om følgjande:
- Valestrand busslomme - stevning frå FM
- Bruvik busdadfelt – status og utfordringar
- Reguleringsplanar i strid med kommuneplanen – løysing disp. frå kommuneplanen.
- Loftås Hauge
- Espevoll - Mjeldalen
- Status legevakt og legesituasjonen
- ØHD seng på Osterøytunet
- Kjøp av sjukeheimsplassar i Samnanger
- Stillingar og rekruttering
- Nedre Verkane – status
- Folkehelseprofil – hovudfokus på budstadpolitikk - Osterøy kommune kjem godt ut.
- Søkt tilskot til bergvarme for Osterøytunet
- Utgreiar bergvarme for fleire bygg


Ordføraren varsla sak til slutten av møte om ein samarbeidsgåve frå alle kommunane i Vestland til nytt fylkesbygg i Bergen. Ordførar orienterte også kort om oppstartsmøte med fylkeskommunen om Loftås-Hauge.

Alf Terje Mortensen, FRP, varsla eit spørsmål til slutten av møte knytta til busslomma på Valestrand.

----------------------------------
Det var elles ingen merknader til innkalling og saksliste.

Vedtak

Møteprotokoll frå 11.01.2023 vert godkjend med slik merknad frå Alf Terje Mortensen, FRP: Det er fint om det kan presiserast bedre kva som er orientert om i protokollane

.

Behandling

Alf Terje Mortensen, FRP, hadde slik merknad: Det er fint om det kan presiserast bedre kva som er orientert om i protokollane.

Det var elles ingen merknader til møtebok

Vedtak

Referatsaka vert tekne til vitande med slik merknad frå Hjalti H. Gislason, H: Det er fint om invitasjon om innsending av innspel til Skyss vert sendt ut til formannskapet tidleg pr. e-post, spesielt sidan vi ikkje rekker eit formelt møte før fristen for innsending, slik at ein har bedre moglegheit til å kome med innspel.

Behandling

Hjalti H. Gislason, H, hadde slik merknad: Det er fint om invitasjon om innsending av innspel til Skyss vert sendt ut til formannskapet tidleg pr. e-post, spesielt sidan vi ikkje rekker eit formelt møte før fristen for innsending, slik at ein har bedre moglegheit til å kome med innspel.

Det var elles ingen merknader til referatsaka.

Vedtak

Veg, som vist i kartutsnitt, vert privatisert med heimel i veglova § 7. Vegrettar for 34/19 og andre brukarar skal tinglysast før privatisering

Behandling

AVRØYSTING:
Plan- og kommunalteknisk utval sin innstilling vert samrøystes vedteke

Vedtak

Oppstart av planarbeid av Kommunedelplan for kulturmiljø i Osterøy kommune 2024-2033. Utkast til Planprogram for kommunedelplan for kulturmiljø i Osterøy kommune 2024-2033 vert lagt ut til offentleg høyring og ettersyn, jf. PBL § 11-13

Det vert valgt ei arbeidsgruppe på inntil 5 personar som skal arbeide med planen.
Medlemmane vert valgte av eksisterande heradstyre og vert sitjande i utvalet fram til arbeidet med denne planen er avslutta.

Behandling

AVRØYSTING:
Plan- og kommunalteknisk utval sin innstilling vert samrøystes vedteke

Vedtak

Auke løn til støttekontaktar frå 150,55 kr pr time til 200 kr pr time frå 01.01.2023.

Det vert lagt inn ei årleg justering likt med lønsoppgjer for frontfaga.

Behandling

Jarle Skeidsvoll, KRF, sette fram slikt framlegg:
"Auke løn til støttekontaktar frå 150,55 kr pr time til 200 kr pr time frå 01.01.2023"

Alf Terje Mortensen, FRP, sette fram slikt tilleggsframlegg:
"Det vert lagt inn ei årleg justering likt med lønsoppgjer for frontfaga."

AVRØYSTING:
Jarle Skeidsvoll, KRF, sitt framlegg vert samrøystes vedteke
Alf Terje Mortensen, FRP, sitt tilleggsframlegg vert samrøystes vedteke

Vedtak

Valestrand Hjellvik Fotballklubb får innvilga sin søknad om kommunalt tilskot til rehabilitering av den kommunale kunstgrasbana på Furubakken Idrettsplass, kroner 500.000,-.

Vidare får Valestrand Hjellvik Fotballklubb innvilga sin søknad om kommunal garanti på lån for denne rehabiliteringa, kroner 4 273 526, forutsett at garantien vert godkjent av departementet, jf. Kommunelova § 14-19 og Forskrift om garantier og finans- og gjeldsforvaltning i kommuner og fylkeskommuner kapitel 1.

Det vert stilt som vilkår at søknaden om spelemidlar vert fornya årleg i tråd med regelverket. Det er ikkje eit krav at Valestrand Hjellvik Fotballklubb har fått tildeling av spelemidlar for at garantien skal vere gyldig.

Bakgrunn:
Kunstgrasbana på Furubakken Idrettsplass er utvilsamt kommunal: Den er 2/3 på gnr./bnr. 137/115 og 1/3 på 137/5, båe to Osterøy kommune sin eigedom. Vidare har VHFK hatt ein avtale om drift og vedlikehald av bana med Osterøy kommune sidan 2006 som er kanskje det sterkaste provet på at kommunen oppfattar det som sin eigedom.

Av årsaker som ikkje høver i denne grunngjevinga bidro ikkje Osterøy kommune økonomisk til bygging av bana i si tid og det opplevast som rimelig at han gjer det no når dekket treng utskifting, mellom anna fordi bana fungerer som skuleplass for Valestrand barneskule og mykje av slitasjen skuldast denne funksjonen.

Tilskot og kommunal garanti vil sikra kommunen sine interesser og ivaretaking av eit viktig anlegg som både fremjar folkehelsa i Valestrandsområdet og leik for skuleborna i friminutta.

Tilskotet vert finansiert med å utvida ramma for investeringar på 2023-budsjettet med 500.000,-

Behandling

Hjalti H. Gislason, H, sette fram slikt framlegg:
"

Vidare får Valestrand Hjellvik Fotballklubb innvilga sin søknad om kommunal garanti på lån for denne rehabiliteringa, kroner 4 273 526, forutsett at garantien vert godkjent av departementet, jf. Kommunelova § 14-19 og Forskrift om garantier og finans- og gjeldsforvaltning i kommuner og fylkeskommuner kapitel 1.

Det vert stilt som vilkår at søknaden om spelemidlar vert fornya årleg i tråd med regelverket. Det er ikkje eit krav at Valestrand Hjellvik Fotballklubb har fått tildeling av spelemidlar for at garantien skal vere gyldig.

Bakgrunn:
Kunstgrasbana på Furubakken Idrettsplass er utvilsamt kommunal: Den er 2/3 på gnr./bnr. 137/115 og 1/3 på 137/5, båe to Osterøy kommune sin eigedom. Vidare har VHFK hatt ein avtale om drift og vedlikehald av bana med Osterøy kommune sidan 2006 som er kanskje det sterkaste provet på at kommunen oppfattar det som sin eigedom.

Av årsaker som ikkje høver i denne grunngjevinga bidro ikkje Osterøy kommune økonomisk til bygging av bana i si tid og det opplevast som rimelig at han gjer det no når dekket treng utskifting, mellom anna fordi bana fungerer som skuleplass for Valestrand barneskule og mykje av slitasjen skuldast denne funksjonen.

Tilskot og kommunal garanti vil sikra kommunen sine interesser og ivaretaking av eit viktig anlegg som både fremjar folkehelsa i Valestrandsområdet og leik for skuleborna i friminutta.

Tilskotet vert finansiert med å utvida ramma for investeringar på 2023-budsjettet med 500.000,-"

AVRØYSTING:
Hjalti H. Gislason, H, sitt framlegg vert samrøystes vedteke.

Vedtak

Det skal leggast fram ei eigarskapsmelding om idrettsanlegg for behandling i Heradsstyret.

Eigarskapsmeldinga skal

• Presentere konsekvensane av om kommunen eller idrettslaga eig idrettsanlegga.

• Legge fram forslag til korleis kommunen skal innrette dei økonomiske verkemidlane ein nyttar for utvikling, vedlikehald og drift til anlegga. Dette gjeld (1) drifts- og vedlikehaldsmidlane, (2) leigekontraktar mellom enkelte idrettslag og Osterøy kommune, (3) dekning av straumutgifter og (4) kommunale tilskot til utvikling og rehabilitering av anlegg.

• På grunnlag av disse to punkta, legge fram ei tilråding om kommunen eller laga skal eige anlegga.

Arbeidsgruppa for Kommunedelplanen i idrett og fysisk aktivitet får utvida sitt mandat til åutarbeide denne eigarskapsmeldinga.

Idrettskonsulent Ingri Thomassen vert valt inn som ein del av arbeidsgruppa både for eigarskapsmeldinga og for Kommunedelplanen i Idrett og fysisk aktivitet.

Behandling

AVRØYSTING:
Samrøystes vedteke

Vedtak

Kva er dei mest relevante utfordringane framover?

1. Er utfordringsbiletet som skildra i heftet gjenkjennbart for din kommune/fylkeskommune?

Svar: Utfordringsbilete som vert skildra er diverre svært gjenkjennbart for Osterøy kommune.

1. Er det andre langsiktige utfordringar enn det som er skildra, som de vil peike på?

Svar: KS sin skildring treff godt. Osterøy kommune vil likevel peike på at i tillegg til den svært krevjande situasjonsbilete som er skildra, så er det ekstra krevjande for dei kommunane som, i likskap med Osterøy, ikkje har meir å hente på inntektssida. Vi må bruke tid og ressursar på å «halde hovudet over vatn» for å handtere auka utgifter og auka behov. Det vert verken tid eller ressursar til å jobbe med utvikling. Osterøy kommune opplever at det er krevjande å møte framtida sine utfordringar når ein ikkje har midlar, ressursar, bemanning og kompetanse til å gjere dei investeringane og grepa som er heilt nødvendige for å vere rusta for framtida. Dei ressursane vi har vert diverre ofte brukt til å plastre såret i staden for å utvikle og vere i forkant. Det vert lite rom for å drive førebyggjande arbeid og i det heile: å hindre at det vert eit sår.

1. Kva utfordringar meiner de blir spesielt viktig å vere merksam på framover?

Svar: Det er eit aukande behov for helse- og omsorgstenester. Det er viktig at vi klarer å ruste oss slik at vi klarer å møte dette så godt det let seg gjere. Her må vi tenkje annleis, til dels endre strukturen og oppgåveløysinga i heile tenesta. Vi må setjast i stand til ta i bruk teknologi og andre nyvinningar som gjer at arbeidet kan organiserast på nye måtar. Dette vil gjereat vi kan jobbe meir effektivt utan at det går ut over kvaliteten i tenesta. Vi må og kunne nytte arbeidskrafta vår meir effektivt enn i dag. Det betyr at vi må tenkje nytt om kva kompetanse som må til for å løyse ulike oppgåver. Rekrutteringsutfordringa er allereie stor i kommunesektoren, og i særleg grad innan helse og omsorg.

Det største utfordringa er likevel den auka risikoen for ikkje ønska og ikkje forutsette hendingar, nettopp fordi det er svært vanskeleg å førebu seg godt nok på slike hendingar og korleis desse vil påverke kommunen. Når all kapasitet går med til dagleg drift er det og lett å gleppe på viktige utviklingstrekk. Det gjer oss mei sårbare.

Korleis styrke lokaldemokratiet si evne og kraft til berekraftig arealbruk?

1. Kva mogelegheiter og utfordringar opplever kommunane/fylkeskommunane sjølv i arbeidet med berekraftig arealbruk?

Svar: Ein viktig utfordring er å få oversikt over faktisk bruk av areala i kommunen. Vi må vite kor mykje areal som årleg vert omdisponert frå eit føremål til eit anna. Kommunane har trong for å ha betre kontroll og oversikt over arealbruken i form av ein arealrekneskap. Det er her særs viktig å ha kontroll på avgang av landbruksareal og areal knytt til biologisk mangfald. Den norske raudlista viser at arealendringar er det største trugsmålet mot biologisk mangfald. Rapportar frå Det internasjonale Naturpanelet syner det same.

Det me her snakkar om er arealnøytralitet. Det vil seie null tap av natur. Tap av landbruksjord er inkludert.

I dag har kommunane ikkje gode nok reiskapar til å handtere denne problematikken på ein god måte. KOSTRA-rapportering er ikkje godt nok. Vi treng enkle metodar for å lage gode arealrekneskapar, og vilje og evne til å leggje resultata av desse til grunn for politiske vedtak.

Ein annan utfordring er å sjå heilskapen i berekraftig arealbruk. Dette er eit komplekst omgrep med mange falsettar, og det er gjerne slik at eit isolert berekraftig tiltak kjem i konflikt med eit anna isolert berekraftig tiltak. Dette er ein klassisk problemstilling. Mykje erfaring vart her henta i NAMIT-prosjektet på tidleg 90-tal, og arbeidet med samordna transport- og arealplanlegging. Gamle greier som framleis er aktuelle.

1. Kva nye verktøy og verkemidlar vil vere nyttige og naudsynte i kommunen/fylkeskommunen sitt arbeid med berekraftig arealbruk?

Svar: Ein god metode for arealbruksrekneskap som alle kommunane kan/bør/skal bruke. Osterøy kommune er også svært opptatt av å ta i bruk arealrekneskap i det pågåande arbeidet med revisjon av KPA. Samtidig meiner me det bør være ein felles metodikk for alle norske kommunar. Dette er etter kva me veit under utvikling.

Berekraftig arealbruk er ein arealbruk som m.a. tek vare på arealressursane våre for framtidige generasjonar. Vi trur mange i kommunane har behov for gode kriteria for å utvikle berekraftige arealbruksløysingar i sine respektive kommunar.

PBL er framleis eit godt verkemiddel for ein berekraftig arealbruk.

Korleis få til ei raskare omstilling og mobilisering av ressursar?

1. Kva er dei største barrierane for å få til ei raskare omstilling i din kommune/fylkeskommune?

Svar: Som vi allereie har vore inne på er dei største utfordringane/barrierane for vår del det økonomiske. Deretter er mangel på ressursar og kapasitet ei utfordring. Manglande kapasitet har del samanheng med knappe økonomiske rammer, men og tilgang på fagfolk vi treng for å få til naudsynt omstilling. Rigide reglar og avtalefesta rettar er og ein hinder for rask og smidig omstilling.

1. Kor ser de dei største mogelegheitene for å mobilisere ressursar internt i eigen organisasjon og med eksterne utanfor organisasjonen?

Svar: Skal vi frigjere ressursar i eigen organisasjon må vi kutte ut oppgåver vi gjer i dag. Det vil i så fall krevje endringar i lov og forskrifter som set krav til kva vi pliktar å levere av tenester.

Behandling

Formannskapet var samd i ein slik merknad til handsaminga av desse sakene i framtida: formannskapet ønskjer frammover å få tilsendt KS debatthefte så snart kommunen har fått det, slik at ein kan ta stilling til det i god tid før frist for innspel.

AVRØYSTING:
Samrøystes vedteke

Vedtak

1. Bør den økonomiske ramma i mellomoppgjeret fordelast sentralt, eller bør delar av den forhandlast lokalt, ut i frå lokale behov og prioriteringar?

Svar: Heile den økonomiske ramma i mellomoppgjeret fordelast sentralt

1. Om det vert sett av midlar til lokale forhandlingar, kor stor bør potten i så fall vere?

Svar: Potten bør vere på minimum ein prosent.

1. Om ramma fordelast sentralt:

   • Er det ynskjeleg at alle tilsette får omlag like store tillegg eller er det ynskjeleg med ei tydelegare prioritering av enkelte grupper framfor andre?

   • Om enkelte grupper skal prioriterast, kva stillingsgrupper og/eller ansiennitetstrinn bør i så fall få størst tillegg?

Svar: Det er ynskjeleg med ei tydelegare prioritering av enkelt grupper framfor andre.

• Om enkelte grupper skal prioriterast, kva stillingsgrupper og/eller ansiennitetstrinn bør i så fall få størst tillegg?

Svar: Tilsette med fagbrev, 3 og 4 årig høgskule fortrinnsvis 10 og 16 års ansienniet bør prioriterast. Det er for å sikre at desse lønstrinna ikkje blir løna vesentleg lågare enn nyutdanna søkjarar med relevant masterutdanning.

Behandling

AVRØYSTING:
Samrøystes vedteke

Vedtak

Kommunen vert med på gåva frå KS til det nye fylkeshuset i Bergen på kr 0,32kr pr. innbyggjar. Midlane vert henta frå dispensasjonsfondet

Behandling

Ordføraren sette fram slikt framlegg:
"Kommunen vert med på gåva frå KS til det nye fylkeshuset i Bergen på kr 0,32kr pr. innbyggjar. Midlane vert henta frå dispensasjonsfondet."

AVRØYSTING:
Samrøystes vedteke.

-----------------------------------------------------

Alf Terje Mortensen hadde slikt spørsmål: Det gjelder busslomma på Valestrand. Eg får ikkje økonomien i dette prosjektet til å gå opp når eg les fylkeskommunen sitt budsjett og vårt budsjett samanlikna til kva arbeidet er estimert til å koste. Kan det vorte redegjort for korleis reknestykket i denne saka går opp og korleis den økonomiske fordelinga vert?

Rådmannen ga slikt svar: Kommunen har ein avtale på 50/50 deling med fylkeskommunen, utover det kan eg ikkje svara noko meir konkret når eg ikkje var forberedt på dette spørsmålet. Det vil vere nyttig om slike spørsmål vert sendt inn i forkant av møtet slik at ein kan vere forberedt til møtet og svara det ut skikkeleg.