Utvalsleiar viste til spørsmål frå sist møte og foreslo at desse vart teke opp i starten av møtet av omsyn til sektorleiar som må vidare til eit nytt møte.
Det vart varsla nokre spørsmål til slutten av møtet.
----------------------------------------
Det var elles ikkje merknader til innkalling og saksliste.
Møteprotokoll frå 06.02.19 vert godkjend.
Ragnar J. Tyssebotn, FRP, viste til sak 012/19 der protokolltilførsel frå FRP vart avvist, og bad om å få ein merknad til protokollen om at det var feil å avvisa denne protokolltilførselen.
Utvalsleiar viste til utvalsreglementet § 22 om protokolltilførsel og merknaden vart avvist.
---------------------------------------------
Det var elles ikkje merknader til utsend møteprotokoll frå 06.02.19.
AVRØYSTING
Rådmannen sitt framlegg vart samrøystes vedteke.
Torunn Åsheim, AP, tok opp ein generell kommentar til sakene. Innhaldet kan vera vanskeleg å forstå for søkjarar, kan det skrivast noko enklare og tydelegare.
Rådmannen viste til skildnad mellom profesjonelle søkjarar og privatpersonar. I saker med ansvarleg søkjarar må ein leggja til grunn at desse forstår og kjenner regelverket. For privatpersonar kan innhald og regelverk vera vanskelegare å forstå. Ein vil ta innspelet med tilbake for å sjå på korleis det kan gjerast betre.
-------------------------------------------------------
AVRØYSTING
Rådmannen sitt framlegg vart samrøystes vedteke.
"Vedtak av 23.01.2019 saksnr. 005/19 vert oppretthalde og krav om lovlegkontroll av vedtak i plan- og kommunalteknisk utval 23.01.2019 saksnr. 005/19 vert send til Fylkesmannen i Vestland for handsaming, jf. kommunelova § 59, nr. 1 og 2."
Utvalsleiar viste til tidlegare handsaming i saka og bad om gildskapsvurdering for Øyvind Litland, AP og Torunn Åsheim, AP. Han viste til at dei vart kjend ugilde i sak 005/19 som kravet om lovlegkontroll gjeld - dei fekk høve til å uttala om gildskapsspørsmålet for sitt vedkomande, men tok ikke del i møtet ved avgjerd om gildskap - Andrea Hartveit, AP, møtte som vara - 6 medlemmer/varamedlemmer til stades.
Avrøysting gildskap
Øyvind Litland - samrøystes kjend ugild
Torunn Åsheim - samrøystes kjend ugild
Vedtaket vart gjort med heimel i forvaltningslova § 6, 2. ledd .....Likeså er han ugild når andresæregne forhold foreligger som er egnet til å svekke tilliten til hans upartiskhet; blant annet skallegges vekt på om avgjørelsen i saken kan innebære særlig fordel, tap eller ulempe for ham selv ellernoen som han har nær personlig tilknytning til. Det skal elles legges vekt om ugildhetsinnsigelse erreist av en part.
Utvalet viser også til Fylkesmannen si vurdering og konklusjon i gildskapsvurdering av desse utvalsmedlemmene i brev av 20.06.18.
-----------------------------------------------
AVRØYSTING - endeleg
Rådmannen sitt framlegg vart samrøystes vedteke.
"Saka vert utsett for synfaring."
Atle Solberg, H, gjorde slikt framlegg til vedtak: "Kommunen gjev dispensasjon frå plan- og bygningslova §§ 11-6, 11-7, nr. 5, bokstav a og 11-9, nr. 5 til oppføring av naust på gnr. 104 bnr. 33, jf. plan- og bygningslova § 19-2. Grunngjeving: Eigedomen har ikkje vegtilkomst. Det er berre høve til å ta seg fram til hytta via gangsti frå Kleppsvåg, frå Bernes eller sjøvegen. Det let seg ikkje gjera å frakta tunge ting langs gangstien. Difor er dei heilt avhengig av eigen båt. Det er ynskeleg å leggja båten i naust om vinteren. Plassen naustet er tenkt lagt er svært steinete og vil ikkje vera ein naturleg plass å gå langs stranda. Stien ligg lenger inne på stranda. Søknaden er sendt på høyring til fylkesmannen i Hordaland og Hordaland fylkeskommune. Det har ikkje kome merknad frå dei. Me meiner fordelen med å gje dispensasjon er klart større enn ulempene."
Ragnar J. Tyssebotn, FRP, gjorde slikt framlegg til vedtak: "Kommunen gjev dispensasjon frå plan- og bygningslova §§ 11-6, 11-7, nr. 5, bokstav a og 11-9, nr. 5 til oppføring av naust på gnr. 104 bnr. 33, jf. plan- og bygningslova § 19-2. Det vert og gjeve dispensasjon tilsvarande frå kommunen sin sjø- og strandsoneplan til dette tiltaket. Det vert ikkje gjeve løyve til sprenging i svaberg mot sjø. Sprenging av steinblokker vert tillate. Det vert elles gjeve løyve som omsøkt. Grunngjeving: Omsyna bak regelen det er søkt dispensasjon i frå og omsyna i føremålsreglane i lova vert ikkje tilsidesett. Etter ei samla vurdering er fordelane med å gje dispensasjon større enn ulempene. Intensjonen med sjø- og strandsoneplanen er å sikre allemenn tilgang til sjøen og strandsona. Det er vesentleg for ei levande strandsone at eigarane får høve til å sikre båtar og utstyr slik at det råd å halde liv i strandsona. For denne eigedomen er sjøvegen den einaste aktuelle vegen til og frå, då stien er bratt og lang. Ved å gje dispensasjonen er det med på å sikre at me har ei levande strandsone i Drangevågen. At området er i aktiv bruk vil og hindre attgroing og slik sett vere positivt for fellesskapet si oppleving av området. Me er likevel imot å gje løyve til sprenging i svaberg. Slik vil ein hindre at gjev varige sår i landskapet sjølv om bygget ein gong vert rive."
-----------------------------------------------------
Det vart halde pause i drøftingane frå kl. 14.35 - kl. 14.45 med gruppemøte for SP, AP, H, MDG og KRF
------------------------------------------------------
Torunn Åsheim, AP, gjorde slikt framlegg: "Saka vert utsett for for synfaring."
AVRØYSTING - utsetjing
Utsetjingsframlegget vart samrøystes vedteke.
"Klage motteke 19.11.2018 vert ikkje teke til fylgje, vedtak av 17.10.2018 saksnr. 098/18 vert oppretthalde og saka vert send til Fylkesmannen i Vestland for vidaresending til Kommunal- og moderniseringsdepartementet for oppnemning av setjefylkesmann, jf. plan- og bygningslova § 1-9, jf. forvaltningslova § 33."
Grunngjeving
Kommunen har ikkje motteke nye moment i klagen som fører til at tidlegare vurdering og vedtak bør endrast.
Sjå i tillegg rådmannen si vurdering."
Silje M. Vevle, MDG, gjorde slikt framlegg: Klage motteke 19.11.2018 vert teke til følgje, vedtak av 17.10.2018 saksnr. 098/18 vert ikkje oppretthalde. Vedtak av 06.07.2018 saknr. 177/18, Kommunen gjev ikkje dispensasjon føresegn punkt 1.13 i kommunedelplan for sjø- og strandsone og frå reguleringsføresegn § 2, punkt 2.3 i reguleringsplan Hosanger sentrum for planering oppføring av ny bryggje/kaifront på gnr. 92, bnr. 9 og 13, Hole, jf. plan- og bygningslova §§ 11-6, 11-9 nr. 5, 12-4 og 12-7, nr. 11, jf. § 19-2." vert gjeldande.
Grunngjeving:
Ein kan ikkje sjå at tiltaket vil sikre allment tilgjenge frå sjø og land, då tilkomst vil vere gjennom eit lagerbygg som vil bli oppfatta som privat eigedom. Intensjonen bak tiltaket er god og i tråd med ønska utvikling i Hosanger. I eit langsiktig perspektiv vil det likevel ikkje vere mogleg å garantere for at ålmenta kan nyttiggjere seg av kaien, så lenge tiltaket er på privat eigedom. Tiltak av denne storleiken bør og handsamast i planprosessar for ikkje å undergrave kommuneplanen som styringsverktøy."
AVRØYSTING
Alternativ avrøysting
Rådmannen sitt framlegg- 4 røyster (1H,1SP,1KRF,1FRP)
Silje M. Midtbø sitt framlegg - 3 røyster (2AP,1MDG)
"Saka vert utsett for synfaring."
Torunn Åsheim, AP, gjorde slikt framlegg: "Saka vert utsett for synfaring."
AVRØYSTING -utsetjing
Utsetjingsframlegget vart samrøystes vedteke.
"Saka vert utsett for synfaring."
Annbjørg B. Herland, KRF, gjorde slikt framlegg: "Saka vert utsett for synfaring."
AVRØYSTING - utsetjing
Utsetjingsframlegget vart samrøystes vedteke.
"Saka vert utsett for synfaring. Av omsyn til synfaring i saka vert saksbehandlingsfristen i medhald av byggesaksforskrifta § 7-3 forlenga t.o.m. veke 16."
Øyvind Litland, AP, gjorde slikt framlegg: "Saka vert utsett for synfaring."
Rådmannen bad om forlenga saksbehandlingsfrist for saka grunna utsetjinga.
Utvalsleiar gjorde slikt framlegg: "Av omsyn til synfaring i saka vert saksbehandlingsfristen i medhald av byggesaksforskrifta § 7-3 forlenga t.o.m. veke 16."
AVRØYSTING - synfaring
Utsetjingsframlegget med tillegg vart samrøystes vedteke.
Politikar | Parti | Medlemstype | E-Post |
---|---|---|---|
Atle Solberg | Høgre | Utvalsleiar | atso@online.no |
Øyvind Litland | Arbeidarpartiet | Nestleiar | oyvind.litland47@gmail.com |
Torunn Åsheim | Arbeidarpartiet | Medlem | torunn202@gmail.com |
Ragnar Tyssebotn | Framstegspartiet | Medlem | rag-tys@online.no |
Annbjørg Bysheim Herland | Kristeleg Folkeparti | Medlem | anjo.herlan@gmail.com |
Silje Midtbø Vevle | Miljøpartiet Dei Grøne | Medlem | siljevevle@hotmail.com |
Lars Fjeldstad | Senterpartiet | Medlem | lars.fjeldstad@osteroy.kommune.no |