Møte i Formannskapet den 01.04.2020

Behandling

Henrik Øksnes, FRP, bad om å få stilla eit spørsmål til slutten av møtet om involvering av heradsstyret i handteringa av koronatiltak.

Johannes M. Bysheim, AP, varsla spørsmål til slutten av møtet. generalforsamlingar i kommununale selskap. tiltakspakke. for samferdselsprosjekt.

-------------------------------------------

Det var ikkje merknader til innkalling og saksliste.

Vedtak

Møteprotokoll frå 25.03.20 vert godkjend.

Behandling

Tone Mjelde, SV, viste til opptak av møtet og spurde om opptaket er publisert.

Ordføraren, opplyste at opptaket vil bli publisert så snart som råd.

-------------------------------------------

Det var elles ikkje merknader til utsend protokoll frå 25. mars.

Behandling

Referatsak nr. 1

Rådmannen viste til utsend notat til møtet og orienterte kort i tillegg til dette.

- Løyving av ekstramidlar til kommunane, vil i hovudsak gå til sysselsetjingstiltak, og i mindre grad til dekning av ekstrakostnader for kommunane.

- Har førebels ikkje fått kriteriar for fordeling av tiltakspakke 3 frå staten, og vil ta dette opp med Fylkesmannen i h.t. at kommunen er innmeld i Robek.

- Etablering av eigen Koronapost på Osterøytunet - kriteriar for inntak av pasientar er enno ikkje heilt på plass. Jobbar med personellrekruttering. Må ha dette klart den dagen pasientane kjem. Håpar å få det klart tidleg i veke 15. Eigen luftvegsklinikk - dette er under vurdering. Kommunen har kjøpt ca 1 legeårsverk ekstra. Har f.t. mindre pågang på legekontora.

- Opplever store utfordringar knytt til overflytting av personell - kommunen har mynde og styringsrett, men ein prøver i det lengste å basera flytting på frivilligheit. Har god dialog med dei tillitsvalde.

- Treng å ha beredskap framover for forverring av situasjonen, har no færre i karantene. Må sikra turnusbemanning i påsken

- Over 70 personar er testa, ingen positive prøvar så langt

- Barn og unge - kommunen har ikkje fått opp eigen kontakttelefon for desse, men skular og barnehagar har god kontakt med heimane og barna, men vi er klar over at vi ikkje fangar alt opp på denne måten.

- NAV - har f.t. stor saksmengde, har fått noko hjelp frå kommunen. Ca. 300 permitterte på Osterøy

- God respons på utlysing etter personale som kan jobba midlertidig - kommunen set stor pris på at så mange har meldt seg.

- Nettmøte torsdag med Røde kors, næringsliv, politiet m.fl. for å sikra god dialog med desse.

- har fått tilbod om lån av sjukehussenger og gratis lagerplass hos Rolv Hagebø

- Stenging av idrettsbaner - vurderer opning att til helga. Må følgja retningslinene for å hindra smittespreiing. Kommunen vil ha dialog med idrettslaga via ordføraren.

- kommunen har stort fokus på informasjon til innbyggjarar og tilsette, prøver å vera opne og formidla best mogeleg

----------------------------

Turid Njåstad, SP, stilte spørsmål om legevakten no fungerer som normalt for Osterøy, og om kommunen har andre planar for koronapasientar enn gruppe 7 på Osterøytunet.

Rådmannen, har fått stadfesta at legevakten skal fungera som normalt. Bruken av ØHD- sengene er ikkje avklart. Planlegg for inntil 12 - 15 senger på gr. 7. Har og andre lokale i bakhand om behovet skulle bli langt større enn det ein no ser for seg.

Rita Tveiten, AP, tok opp spørsmål om kontakt med frivillige som ressurs for kommunen, eks. helselaga. Vidare om tilgang på smittevernutstyr.

Rådmannen svara at innspelet om helselaga vil bli vidareformidla. Når det gjeld smittevernsutstyr er bestilling sendt inn. Kommunen har så langt nok utstyr, og om det snart kjem noko av det bestilte er situasjonen under kontroll.

Ellinor Birkeland, FRP, aktuelt å testa andre enn helsepersonell for koronasmitte? Omplassering av personell, kan dette gå utover plan- og byggesakshandsaminga? Lokale restriksjonar, brua og idrettsanlegg?

Rådmannen - smittetestar vert utført i samsvar med retningsliner frå FHI, har ikkje eigne lokale reglar for dette.

Ingen på teknisk forvaltning er omplasserte. Planprossessar er vanskeleg å gjennomføra via Teams. Kommunen har i utgangspunktet ein minimumsorganisasjon, og ein må difor ta ut folk frå ordinær drift.

Smittevernlegen kan gjera vedtak etter smittevernlova for 7 dagar. Utover dette må herads-styret gjera vedtak. Elles må ein følgja sentrale forskrifter.

Ordføraren viste til oppslag i BA i samband med intervju og at han ikkje fekk sitatsjekk på overskrifta på artikkelen. Har i ettertid lagt ut informasjon på facebook med presisering av kommunen sine vedtak kring dette. Vil og ha dialog med idrettslaga om bruk av idrettsanlegga.

----------------------------------------

Referatsak nr. 2

Skjønsmidlar

Rådmannen orienterte kort om tildelinga av skjønsmidlar.

Johannes M. Bysheim, AP, spørsmål om tiltakspakke 3, kompensasjon for utgifter, eller til tiltak for oppretthalda aktiviteten.

Ordføraren , har ikkje meir informasjon om dette. Oppfattar det førebels mest som ei investeringspakke for å halda næringslivet i gang.

Johannes M. Bysheim, AP, kan gangvegprosjektet Hauge - Loftås vera aktuelt å spela inn til fylkeskommunen.

Ordføraren, må koma tilbake til dette når det er meir avklart korleis dette skal handterast.

Rita Tveiten, AP, viktig å fremja aktuelle prosjekt, ha ei proaktiv rolle.

Jarle Skeidsvoll, KRF, viktig å fremja ferdig planlagte prosjekt.

---------------------------------------

Referatsak nr. 3

Ordføraren orienterte om at han tok opp spørsmål kring legevaktordniga i regionrådet 20. mars og fekk avklart at det ikkje er gjort endringar kring denne.

-----------------------------------------

AVRØYSTING

Rådmannen sitt framlegg vart samrøystes vedteke.