Čoahkkin Plan- og kommunalteknisk utval 27.01.2021

Vedtak

Innkalling og sakliste vert godkjent, med slik endring: sak 010/21 vart flytta til første sak i møtet, etter sak 002/21.

Behandling

Aksel Mjøs, H, gjorde slikt framlegg: Sak 010/21 ver flytta til først ordinære sak i møte grunna sak om gildskap og møte av vara.

AVRØYSTING:

Aksel Mjøs, H,

-----------------------------

Alf Terje Mortensen, FRP, ønsker å teke opp 2 spørsmål til slutten av møtet, om Hartveit og om strøing/brøyting.

Øyvind Litland, AP, har eit spørsmål til slutten av møtet om Haus kai.

Sektor leiar for samfunnsutvikling, har fått spørsmål om Holmane næring som hun vil svare på i slutten av møtet.

Marit Adelsten, MDG, har eit spørsmål til slutten av møtet om trafikksikring.

------------------------------

Det var elles ikkje merknader til innkalling og saksliste.

Vedtak

Møteprotokoll frå 18.11.20 vert godkjend.

Behandling

Det var ikkje merknader til utsend protokoll frå 18.11.20

Vedtak

"Klagen vert ikkje teke til følgje. Vedtak i plan- og kommunalteknisk utval i møte 21.10.2020, saknr. 078/20 vert oppretthalde.
Saka vert send Statsforvaltaren i Vestland til endeleg avgjerd.

Grunngjeving
Kommunen finn ikkje nye moment som tilseier nytt vedtak i saka.
Sjå i tillegg rådmannen si vurdering."

Behandling

Alf Terje Mortensen, FRP, bad om vurdering av sin gildskap i saka, jf. tidlegare handsaming av saka samt tilhøve som er tekne opp i klagen.

Aksel Mjøs, H, gjorde slikt framlegg: "Vurdering av gildskapen vert med heimel i kommunelova § 11-5 teken opp i lukka møte."

-------------------------

AVRØYSTING OM LUKKA/OPE MØTE:

Aksel Mjøs, H, sitt framlegg - Samrøystes vedteke

Grunngjeving: Utvalet vurderer at det i denne saka er personvern som må takast hensyn til og at møtet difor må lukkast i denne vurderinga av gildskap jf. kommunelova § 11-5 3.ledd bokstav a: "Et folkevalgt organ kan vedta å lukke et møte hvis ett av følgende vilkår er oppfylt: a) Hensynet til personvern krever at møtet lukkes." og jf. reglement for heradsstyret §7. I tillegg skal utvalet "vedta å lukke et møte når det behandler en sak som inneholder opplysninger som er omfattet av lovbestemt taushetsplikt" jf. kommunelova § 11-5 2. ledd. Forvaltningslova §13 1.ledd 1) seier også at organet "plikter å hindre at andre får adgang eller kjennskap til [...] noens personlige forhold". Utvalet har med bakgrunn i dette vurdert at omsyn til teieplikt og personvern går over kommunelova sin klare hovudregel om at møter skal vere offentlege.

-------------------------
Møtet vart lukka.
-------------------------
Alf Terje Mortensen, FRP, la fram kvifor han ønskjer sin gildskap vurdert. I epost datert 16.10.20 har Adv. Lothe vist til mogleg deltaking i sakshandsaminga, nært venskap med tiltakshavarane og deira familie og tilknyting til same menigheit. Mortensen fekk anleiing til å svare på påstandane før han forlet møtet.

Alf Terje Mortensen, FRP, forlet møtet og møtet heldt fram bak lukka dører.

Ragnar Tyssebotn, FRP, møtte som varamedlem
------------------------
5 medlemmer/varamedlemmer til stades.
-------------------------

AVRØYSTING OM GILDSKAP:

Alf T. Mortensen, FRP, vart samrøystes kjend gild

Grunngjeving: Utvalet finn ikkje at det ligg føre grunnlag for å kjenna Alf T. Mortensen ugild etter fvl. § 6, 1. ledd, og heller ikkje etter 2. ledd ...

Utvalet fann basert på opplysningar gitt i møtet at det ikkje er påvist at det ligg føre "andre særegne forhold" etter 2. ledd som er eigna til " å svekka tilliten til hans upartiskhet", og vidare at han har tilbakevist at han har ei "nær personlig tilknytning til" ein part i saka. Utvalet si vurdering er difor at Alf T. Mortensen må kjennast gild i saka.

--------------------------
Ragnar Tyssebotn, FRP, forlet møtet.
Alf Terje Mortensen, FRP, kom tilbake i møtet.
--------------------------
5 medlemmer til stades
--------------------------
Møtet vert opna att før vidare handsaming av saka
--------------------------

AVRØYSTING:

Rådmann sitt framlegg - Samrøystes vedteke

Vedtak

Referatsakene vert tekne til vitande.

Behandling

AVRØYSTING:

Rådmannen sitt framlegg vart samrøystes vedteke.

Behandling

AVRØYSTING:

Rådmannen sitt framlegg vart samrøystes vedteke

Vedtak

Temaplan for trafikksikring i Osterøy kommune 2021-2025 vert vedteken slik den ligg føre.

Behandling

Aksel Mjøs, H, gjorde slikt framlegg til vedtak:
"Planutvalet anerkjente godt arbeid med tafikksikringsplanen, og dei prioriteringane som er sett opp det. Utvlet vedtok likevel å utsetje handsaminga slik at også innsikta frå Vestland Fylke sin overordna Regional Transportplan vert med saksunderlaget. Ein bed om å få saka opp att til handaming hausten 2021."

Alf Terje Mortsensen, FRP, gjorde slikt framleg til vedtak:
"Rådmannen sitt framlegg vert vedteke, men med følgande endringar:
Bruvikvegen vert prioritert som nummer 1 på lista over store prosjekt."

AVRØYSTING:

Aksel Mjøs, H, sitt utsettingsframlegg - falt mot 1 stemme (H)

Alf Terje Mortensen, FRP, sitt tilleggsframlegg - falt mot 1 stemme (FRP)

Rådmann sitt framlegg - Samrøystes vedteke

Vedtak

Vedtak i Heradsstyret av 28.10.20, saksnr. 080/20 gjeldande detaljregulering Hosanger næringsområde planID 46302015003 vert oppretthalde. Motteke klage vert ikkje teke til fylgje. Saka vert oversendt til Statsforvaltaren i Vestland som klageinstans for endeleg avgjerd, jf plan- og bygningslova §1.9, jf forvaltningslova kap. VI § 28 -§ 36.

Behandling

Utvalet ønskjer følgjande merknad notert: Utvalet drøfta saka og ser det som viktig å oppretthalda levande jordbruk i hosangerbygda.

-----------------------------

AVRØYSTING:

Rådmann sitt framlegg - Samrøystes vedteke

Vedtak

Utvalet gjorde slik innstilling: "Heradsstyret vedtek, med heimel i plan- og bygningsloven §§ 12-1 og 12-3, oppstart av arbeid med Plansak 46302021001 Detaljregulering Utvida Mjelstad deponi, gbnr 121/2, 127/1 m.fl."

Behandling

AVRØYSTING:

Rådmann sitt framlegg - Samrøystes vedteke

Vedtak

Saka vert utsett for synfaring

Behandling

Alf Terje Mortensen, FRP, gjorde slikt framlegg: "Saka vert utsett for synfaring"

-----------------------------

AVRØYSTING:

Alf Terje Mortensen, FRP, sitt framlegg - Samrøystes vedteke

Vedtak

Utvalet rår formannskapet til å seia opp avtalen om leige av Lonevåg kai pr 01.03.2021. Alternativt kan avtalen verta reforhandla, for å få arealbruk og verknadane på omgjevnadane innanfor det akseptable.

Behandling

Aksel Mjøs, H, gjorde slikt fellesframlegg på vegne av H, FRP, MDG, SP og AP: Utvalet rår formannskapet til å seia opp avtalen om leige av Lonevåg kai pr 01.03.2021. Alternativt kan avtalen verta reforhandla, for å få arealbruk og verknadane på omgjevnadane innanfor det akseptable.

-----------------------------

AVRØYSTING:

Fellesframlegget - Samrøystes vedteke