Čoahkkin Plan- og kommunalteknisk utval 09.06.2021

Vedtak

Innkalling og sakliste vert godkjentmed slik endring i saksrekkjefølgja: sak 056 vert flytta fram og handsama etter sak 049/21.

Behandling

Alf T. Mortensen, FRP, varsla to spørsmål, tilknyting til nye V/A-anlegg på strekninga Hosanger - Hamre og spørsmål i sist møte om hjorteforvaltning og orientering til utvalet.

Leiar teknisk forvaltning viste til utlagt informasjon i møteportalen og at ein vil koma tilbake til forvaltningsplanen til hausten. Om mogeleg kan landbruksjefen gje ei orientering om dette i første møte etter ferien. Bønder som opplever store skader kan ta kontakt med teknisk forvaltning for om mogeleg å finna løysingar.

Kjellaug Hartveit, SP, viste til sitt spørsmål i førre møte om nybygg på Hauge og kva løyve som er gitt.

Aksel Mjøs, H, viste til førre møte og vil gje ei orientering i møtet om møte med administrasjonen om prosess for KPA-arbeidet.

Aksel Mjøs, H, gjorde framlegg om endra saksrekkjefølgje: "Sak 056 vert flytta fram og handsama etter sak 049/21. Dette for å sikra at leiar teknisk forvaltning kan vera til stades ved behandlinga."

--------------------------------------------------------

Leiar teknisk forvaltning tok opp handsaming av saker som av omsyn til fristar ikkje kan venta til augustmøtet.

Utvalsleiar gjorde slikt framlegg: "Utvalsleiar får mynde til å gjera vedtak i saker som ikkje er av prinsipiell betydning, men som skulle ha vore handsama i utvalet, jfr. komm.l § 5-7. Myndet gjeld fram til neste ordinære utvalsmøte. Ved behov kan han konferera med utvalsmedlemmene før vedtak, jfr. og høvet til å halda fjernmøte, sjå reglementet for heradsstyret § 24."

---------------------------------------------------------

AVRØYSTING

Framlegg om endra saksrekkjefølgje - samrøystes vedteke

Framlegg om å gje mynde til utvalsleiar - samrøystes vedteke

---------------------------------------------

Sjå sak 059/21 for vedtak om delegert mynde til utvalsleiar.

Vedtak

Møteprotokoll frå 19.05.21 vert godkjend.

Behandling

Det var ikkje merknader til utsend protokoll frå 19.05.21.

Behandling

AVRØYSTING

Rådmannen sitt framlegg vart samrøystes vedteke.

Behandling

AVRØYSTING

Rådmannen sitt framlegg vart samrøystes vedteke.

Vedtak

"Kommunen gjev dispensasjon frå kommuneplanføresegn punkt 1.17, jf. plan- og bygningslova §§ 11-6 og 11-9, nr. 6 til terrenginngrep ved elv, flaumsikring og legging av delar av bekk i røyr på gnr. 10 bnr. 3, jf. plan- og bygningslova § 19-2, på fylgjande vilkår:

• Det planerte arealet søraust for avkøyrsla til fylkesvegen kan berre nyttast til oppstillingsplass for landbruksmaskiner til bruk på landbrukseigedomen, jf. forskrift om byggesak § 4-1, 1. ledd, bokstav e, nr. 10. Eventuelle landbruksmaskiner kan ikkje plasserast i avkøyrsla til fylkesvegen eller innanfor siktsonene til fylkesvegen.

• NVE si fråsegn av 16.02.2021 gjeld for tiltaket og bruken av arealet."

Grunngjeving:
Omsyna bak regelen det er søkt om dispensasjon i frå og omsyna i føremålsreglane i lova vert ikkje vesentleg tilsidesett.
Etter ei samla vurdering er fordelen med å gje dispensasjon klårt større enn ulempene.
Det er i tillegg føremålstenleg å gje dispensasjon til tiltaket.
Sjå i tillegg rådmannen si vurdering."

Behandling

Leiar teknisk forvaltning orienterte kort om bakgrunnen for saka og grunngjevinga for rådmannen si tilråding.

AVRØYSTING

Rådmannen sitt framlegg vart samrøystes vedteke (1H,1Ap,1SP,1FRP,1MDG)

Vedtak

Saka vert utsett i påvente av at handsaminga etter jordlova vert ferdigstilt.

Behandling

Alf T. Mortensen, FRP, gjorde slikt framlegg: "Saka vert utsett i påvente av at handsaminga etter jordlova vert ferdigstilt."

AVRØYSTING

Alf T. Mortensen sitt framlegg - vedteke med 3 røyster (1H,1AP,1FRP) mot 2 røyster (1MDG,1SP)

Vedtak

"Kommunen sitt vedtak av 18.02.2021 saknr. 050/21 vert oppretthalde. Klagen vert ikkje teke til fylgje. Saka vert send til Statsforvaltaren i Vestland for vidare handsaming, jf. plan- og bygningslova § 1-9, jf. forvaltningslova § 33."

Behandling

Det vart halde synfaring for utvalet før møtet.

-------------------------------------------

Alf T. Mortensen, FRP, gjorde slikt framlegg: "Kommunen sitt vedtak av 18.02.2021 saknr. 050/21 vert gjort om. Klagen vert teke til fylgje og det vert gjeve løyve som omsøkt. Saka vert send til Statsforvaltaren i Vestland for vidare handsaming, jf. plan- og bygningslova § 1-9, jf. forvaltningslova § 33. Storleik på flytebrygge vert jamfør sjø og strandsoneplanen.

Grunngjeving:
Tiltakshavar er ein av berre 3 registrerte fiskarar i Osterøy kommune jamfør fiskerimanntalet pr 08.06.2021. Kystfiskarar som nyttar dei ressursane som er i fjordane omkring oss, er ei yrkesgruppe som det vert færre og færre av. Avdi dette er ei lita næring i kommunen, er det ikkje avsett område til dette i gjeldande sjø og strandsoneplan. Noko av årsaka er og at det korkje frå administrativt hald eller politisk hald vart fokusert på dette i planprosessen. Difor vil alle tiltak som skal tilretteleggje for slik næring måtte ha ein dispensasjon. Etter PBL §11-11 nummer 5 er det opna for å avsetje slike område i ein plan, utan at det vart gjort i denne saka. Tiltaket er såleis ikkje handsama i ein planprosess tidlegare.
For at tiltakshavar skal kunne drive i denne næringa, er han avhengig av å kunne oppbevare fiskereiskap og båt på eigna plass, og på ein slik måte at ikkje det er fare for at vær og vind gjer skade på utstyret som trengs til utøving av næringa. Han har såleis trong for eigna kaiplass for lagring av reiskap, og skikkeleg flytebrygge for å kunne satse meir på fiske som næringsveg. Dispensasjon vert gjeve av omsyn til søkjar sin næringsveg. I og med at det er så få registrerte fiskarar i kommunen er difor fare for presedens eliminert.
Fordelen med å gje dispensasjon er langt større enn ulempene. Omsøkte tiltak er i tilknyting til eksisterande kai og naust, og er difor ikkje i nytt og urørt terreng. Tiltaket er tenkt gjennomført på ein slik måte at naturinngrep vert redusert til eit minimum. Ved å gje dispensasjon og løyve til tiltaket, vert det ikkje noko ekstra fjernverknader sett frå landsida. Terrenget i bakkant er bratt, og skjuler dermed tiltaket godt. Sett frå sjøen vil kaia få betre proporsjoner, og dermed gi eit visuelt betre inntrykk for båtfarande i fjorden. Ei utviding av kaia vil gje betra tilkome for ålmenta til strandsona, og bidra til ei meir aktiv bruk av strandsona i form av fiske og friluftsliv.

Tiltaket er vurdert etter FOR -2021-05-21-1563 Statlige planretningslinjer for differensiert forvaltnign av strandsona langs sjøen punkt 10 «retningslinjer for kommuner med mindre press på arealene (sone3) 10.1-10,4.
Punkt 10.2, 6. ledd seier at «Det kan være grunnlag for å tillate visse typer tiltak nær sjøen, som for eksempel brygger, naust,næringstiltak og sjørettete reiselivsanlegg. Slike tiltak bør samles og lokaliseres i tilknytning til annen bebyggelse.» omsøkte tiltak er såleis i tråd med føresegna."

AVRØYSTING

Alternativ avrøysting

Rådmannen sitt framlegg - 3 røyster (1AP,1SP,1MDG)

Alf T. Mortensen sitt framlegg - 2 røyster (1SP,1FRP)

Vedtak

"Kommunen gjev dispensasjon frå plan- og bygningslova §§ 11-6 og 11-7 nr. 5 bokstav a til etablering av parkeringsplass på gnr. 143 bnr. 2, jf. plan- og bygningslova § 19-2, på fylgjande vilkår:

• Parkeringsplassen skal vere open for allmenta og nyttast i samband med turgåing på Erstadfjellet."
  

Grunngjeving:

Omsyna bak regelen det er søkt om dispensasjon i frå og omsyna i føremålsreglane i lova vert ikkje vesentleg tilsidesett.

Etter ei samla vurdering er fordelen med å gje dispensasjon klårt større enn ulempene.

Sjå i tillegg rådmannen si vurdering."

Behandling

Alf T. Mortensen, FRP, gjorde slikt framlegg: "Saka vert oversendt heradstyret utan innstilling."

AVRØYSTING

FRP sitt framlegg - fall med 4 røyster (1AP,2SP,1MDG) mot1 røyst (1FRP)

AVRØYSTING

Rådmannen sitt framlegg - vedteke med 4 røyster (1AP,2SP,1FRP) mot 1 røyst (1MDG)

Vedtak

"Saka vert utsett for synfaring.

Grunna synfaring i saka, vert fristen for kommunen si sakshandsaming utsett til 10.09.21, jfr. byggesaksforskrifta § 7-3."

Behandling

Alf t Mortensen, FRP, gjorde slikt framlegg: "Saka vert utsett for synfaring."

AVRØYSTING - synfaring

Framlegget vart vedteke med 4 røyster (1AP,1SP,1FRP,1MDG) mot 1 røyst (1SP)

Møteleiar gjorde slikt framlegg: "Grunna synfaring i saka, vert fristen for kommunen si sakshandsaming utsett til 10.09.21, jfr. byggesaksforskrifta § 7-3."

AVRØYSTING

Framlegget vart samrøystes vedteke.

Vedtak

"Saka vert utsett for synfaring.

Grunna synfaring i saka, vert fristen for kommunen si sakshandsaming utsett til 10.09.21, jfr. byggesaksforskrifta § 7-3."

Behandling

Alf T. Mortensen, FRP, gjorde slikt framlegg: "Saka vert utsett for synfaring."

AVRØYSTING - utsetjing

Framlegget vart samrøystes vedteke.

Møteleiar gjorde slikt framlegg: "Grunna synfaring i saka, vert fristen for kommunen si sakshandsaming utsett til 10.09.21, jfr. byggesaksforskrifta § 7-3."

AVRØYSTING

Framlegget vart samrøystes vedteke.

Vedtak

"Kommunen sitt vedtak av 10.03.2021 saknr. 069/21 vert gjort om. Klagen vert teke tilfylgje. Saka vert send til Statsforvaltaren i Vestland for vidare handsaming, jf. plan- og bygningslova § 1-9, jf. forvaltningslova § 33.Grunngjeving: Bygget er plassert fint i terrenget og ligg slik idag at det ikkje er til hinder for ferdsle i strandsona eller til bruk av strandsona. Plasseringa som omsøkt gjer at bua kjem lågt i terrenget og vert delvis skjult av terrenget.Fordelane er langt større enn ulempene med å gje løyve i denne saka. Føremålet med lova vert ikkje sett til sides."

Behandling

Det vart halde synfaring for utvalet før møtet.

-----------------------------------------------

Alf T. Mortensen, FRP, gjorde slikt framlegg: "Kommunen sitt vedtak av 10.03.2021 saknr. 069/21 vert gjort om. Klagen vert teke til
fylgje. Saka vert send til Statsforvaltaren i Vestland for vidare handsaming, jf. plan- ogbygningslova § 1-9, jf. forvaltningslova § 33.
Grunngjeving: Bygget er plassert fint i terrenget og ligg slik idag at det ikkje er til hinder for ferdsle i strandsona eller til bruk av strandsona. Plasseringa som omsøkt gjer at bua kjem lågt i terrenget og vert delvis skjult av terrenget.
Fordelane er langt større enn ulempene med å gje løyve i denne saka. Føremålet med lova vert ikkje sett til sides."

AVRØYSTING

alternativ avrøysting

Rådmannen sitt framlegg - 1 røyst (1MDG)

FRP sitt framlegg - 4 røyster (1AP,2SP,1FRP)

Vedtak

Innstilling:

"Maksimum avstand frå gnr. 79 bnr. 18 til nytt tilkoplingspunkt på offentleg avlaupsleidning skal vere x meter, jf. plan- og bygningslova § 27-2, 2. ledd. Gnr. 79 bnr. 16 og gnr. 79 bnr. 17 får samstundes redusert avstand til nytt tilkoplingspunkt på offentleg avlaupsleidning.
Kravet om tilkopling til offentleg avlaupsleidning for gnr. 79 bnr. 16, 17 og 18 gjeld frå det nye tilkoplingspunktet er etablert, jf. plan- og bygningslova § 27-2, 2. ledd, 1. punktum. Kommunen skal sende nytt varsel om tilkopling når dette vert aktuelt.

Utvalet vil be heradsstyret om avklaring av denne saka både med omsyn til maksimal avstand, forventa kostnad og bygging av nytt tilknytningspunkt, samt kva fullmakter utvalet skal ha for å utøva skjøn i slike saker."

Behandling

Leiar teknisk forvaltning orienterte om bakgrunnen for saka og grunngjevinga for innstillinga.

-----------------------------------------------------

Det vart halde pause i drøftingane frå kl. 13. 40 - kl. 13.50. I pausen innhenta leiar teknisk forvaltning meir informasjon/kart om kvar nytt tilknytingspunkt er tenkt plassert, og kva avstander dette gir for tilknyting frå eigedomane.

-----------------------------------------------------

Aksel Mjøs, H, gjorde slikt framlegg om tillegg: "Utvalet vil be heradsstyret om avklaring av denne saka både med omsyn til maksimal avstand, forventa kostnad og bygging av nytt tilknytningspunkt, samt kva fullmakter utvalet skal ha for å utøva skjøn i slike saker."

AVRØYSTING

Rådmannen sitt framlegg - samrøystes tilrådd (1H,1AP,1SP,1FRP,1MDG)

Tilleggsframlegg - samrøystes tilrådd (1H,1AP,1SP,1FRP,1MDG)

Vedtak

"Kommunen gjev dispensasjon frå plan- og bygningslova §§ 11-6 og 11-7 nr. 5 bokstav a til oppføring av dagsturhytte med utedo på gnr. 59 bnr. 4, jf. plan- og bygningslova § 19-2, på følgjande vilkår:

1. Dagsturhytta skal vere open og tilgjengeleg for allmenta.

2. Dagsturhytta og utedo skal driftast og vedlikehaldast av tiltakshavar.

3. Ved eventuell avvikling av dagsturhytta må tiltaka fjernast og området/terrenget tilbakeførast. Dagsturhytta kan ikkje frådelast eller vidareseljast.

4. Dispensasjonen er mellombels og gjeld for inntil 30 år, jf. grunneigaravtale av 21.12.2020, jf. plan- og bygningslova § 19-3.

5. Dersom avtalen vert sagt opp tidlegare eller seinast ved utløpet av avtaleperioden skal tiltaka fjernast og arealet tilbakeførast, jf. plan- og bygningslova § 19-3.

6. Utedo ved dagsturhytta skal ha ei løysing med separasjon av avfallsstoff der urin vert filtrert i grunn og resten går til forbrenning. Tiltakshavar må finne ei avlaupsløysing som tilfredsstiller desse krava dersom det skal førast opp toalett på Erstadfjellet."
   
   

Grunngjeving:

Omsyna bak regelen det er søkt om dispensasjon i frå og omsyna i føremålsreglane i lova vert ikkje vesentleg tilsidesett.

Etter ei samla vurdering er fordelen med å gje dispensasjon klårt større enn ulempene.

Det er i tillegg føremålstenleg å gje dispensasjon til tiltaket.

Sjå i tillegg rådmannen si vurdering."

Behandling

Alf T. Mortensen, FRP, gjorde slikt framlegg: "Saka vert oversendt heradstyret utan innstilling."

AVRØYSTING

alternativ avrøysting

FRP sitt framlegg - 1 røyst (1FRP)

Rådmannen sitt framlegg - 4 røyster (1AP,2SP,1MDG)

Vedtak

"Kommunen gjev dispensasjon frå plan- og bygningslova §§ 11-6, 11-7 og 11-9, nr. 5 til oppretting av ein ny grunneigedom på om lag 77 m², som skal nyttast til nausttomt, frå gnr. 148 bnr. 3, jf. plan- og bygningslova § 19-2."

Grunngjeving:
Omsyna bak regelen det er søkt om dispensasjon i frå og omsyna i føremålsreglane i lova vert ikkje vesentleg tilsidesett.
Etter ei samla vurdering er fordelen med å gje dispensasjon klårt større enn ulempene.
Det er i tillegg føremålstenleg å gje dispensasjon til tiltaket.
Sjå i tillegg rådmannen si vurdering."

Behandling

AVRØYSTING

Rådmannen sitt framlegg - samrøystes vedteke (1AP,2SP,1FRP,1MDG)

Vedtak

"Utvalsleiar får mynde til å gjera vedtak i saker som ikkje er av prinsipiell betydning, men som skulle ha vore handsama i utvalet, jfr. komm.l § 5-7. Myndet gjeld fram til neste ordinære utvalsmøte. Ved behov kan han konferera med utvalsmedlemmene før vedtak, jfr. og høvet til å halda fjernmøte, sjå reglementet for heradsstyret § 24."

Behandling

AVRØYSTING

Framlegget vart samrøystes vedteke