Čoahkkin Plan- og kommunalteknisk utval 24.11.2021

Behandling

Ragnar Tyssebotn, FRP, varsla oppfølgingsspørsmål til slutten av møte omkring brøytekontrakt og om dette er på plass.

Øyvind Litland, AP, varsla oppfølgingspørsmål til slutten av møte til leikeplass på Leikneset i Haus.

Kjellaug Hartveit, SP, varsla spørsmål til slutten av møte om deponiet på Hausberg.

----------------------------------

Det var elles ingen merknader til innkalling og saksliste

Vedtak

Møteprotokoll frå 27.10.2021 vert godkjend.

Behandling

Det var ingen merknader til møtebok

Vedtak

Referatsakene vert tekne til vitande.

Behandling

Ragnar Tyssebotn, FRP, gjorde slikt framlegg i DS 399/21: "Saka vert lagt fram som ordinær sak på sakslista til neste møte i Plan- og kommunalteknisk utval."

Leiar frå teknisk forvaltning, forklarte at denne saka er ein sak der kommunen gjer sakshandsaming på vegne av fylkeskommunen/statsforvaltaren. Dette er statlige tilskotsmidlar der kommunen er satt til å forvalte midlane på vegne av staten.

Utvalsleiar bad om at slike saker for framtida vert lagt under meldingar, ikkje delegerte saker.

AVRØYSTING:
Ragnar Tyssebotn, FRP, sitt framlegg fall:
1 røyst (FRP) mot 4 røyster

Vedtak

Saka vert utsett og Plan- og kommunalteknisk utval tek ein synfaring på eigedommen før neste møte.

Behandling

Kjellaug Hartveit, SP, gjorde slikt framlegg til utsetting: Saka vert utsett og Plan- og kommunalteknisk utval tek ein synfaring på eigedommen før neste møte.

AVRØYSTING:
Kjellaug Hartveit sitt utsettingsframlegg vart samrøystes vedteke

Vedtak

Oppstart av prosess for gjennomføring av revisjon av heilskapleg risiko-og sårbaranalyse for Osterøy kommune vert teken til vitande.

Plan- og kommunalteknisk utval oppfordrar til at:

- rasulukka på Votlo vert teke med i analysen og arbeidet som skal gjerast.

- Risiko- og sårbaranalysen bør utarbeidast på ein slik måte at den kan nyttast direkte i samband med aktuelle reguleringsplansarbeid i kommunen.

Grunngjeving: På denne måten kan ein effektivisere reguleringsplansarbeidet av omsyn til tid, omfang av arbeid og kostnadar.

Behandling

Saka har vorte handsama i formannskapet før møte i dag.

Kjellaug Hartveit, SP, gjorde slikt framlegg: Oppfordrar til at rasulukka på Votlo vert teke med i analysen og arbeidet.

Utvalsleiaren gjorde slikt framlegg: Risiko- og sårbaranalysen bør utarbeidast på ein slik måte at den kan nyttast direkte i samband med aktuelle reguleringsplansarbeid i kommunen.

Grunngjeving: På denne måten kan ein effektivisere regulseringsplansarbeidet av omsyn til tid, omfang av arbeid og kostnadar.

AVRØYSTING:

Kjellaug Hartveit, SP, sitt tilleggsframlegg vert samrøystes vedteke.

Utvalsleiaren sitt tilleggsframlegg vert samrøystes vedteke.

Rådmannen sitt framlegg med dei tillegga som er vedteke vert samrøystes vedteke.

Vedtak

Strategi for tilsyn etter plan- og bygningslova 2022-2024 vert godkjent, jf. plan- og bygningslova § 25-1, jf. forskrift om byggesak § 15-2, med følgjande endring og tillegg:

1. Det vert lagt til nytt avsnitt i §7:

7.4 Rapportering

Det skal lagast ei oppsummering av tilsynsaktiviteta kvart år som rapporterer på måloppnåinga definert i §5. Rapporten skal også gje ei oversikt og vurdering over omfanget av tilsyn som skildra i §6. Rapporten skal leverast som melding til Plan- og kommunalteknisk utval innan utgangen av første kvartal kvart år.

2. Formannskapet ber om at fylgjande språkvask og kosmetiske endringar vert utført:

1. Side 3 vert punktum etter teksten «sakstypar med vidare» endra til komma.
2. Øvst på side 6 vert teksten «2019-2021» stroke.
3. Side 10 vert bilete frå AppStore av applikasjonen «Direktoratet for byggkvalitet kommunale tilsyn» justert slik at teksten bak vert synleg.
4. Side 11 i §8.1 andre setning vert «Kommunestyret» endra til «Heradsstyret»

Behandling

Utvalsleiaren gjorde slikt framlegg: Plan- og kommunalteknisk utval stiller seg bak vedtaket i formannskapet.

AVRØYSTING:
Utvalsleiaren sitt framlegg vert samrøystes vedteke

Vedtak

Plan- og kommunalteknisk utval vedtek planprogram, datert 01.11.2021, for detaljregulering Utviding Mjelstad deponi, gbnr 121/21 m.fl – PlanID 46302021001, i medhald av plan- og bygningslova §12-9.

Behandling

AVRØYSTING:
Rådmannen sitt framlegg vert samrøystes vedteke

Behandling

Ragnar Tyssebotn, FRP, hadde slikt oppfølgingsspørsmål omkring brøytekontraktar i kommunen: Er avtalane på plass no?

Leiar for teknisk forvaltning svarte slik: Det har vore nokre utfordringar med mottak av signerte kontraktar. Kommunen har likevel vore i kontakt med dei det gjeldt og har fått stadfesta at dei vil brøyte for kommunen. Alle avtalene er difor munnleg bekrefta og slik sett inngått, men endå ikkje formelt inngått - dette vert ordna snarast mogleg.

------------------------------------

Øyvind Litland, AP, tok opp spørsmål om ein søknad om basestasjon på Haus skule og om det er strålefare knytta til dette. Har kommunen sagt ja til dette?
Leiar for teknisk forvatning, svarte at ho kjenner ikkje til denne saka. Er saka kome til byggesak, så er den i så fall ikkje fordelt endå.

------------------------------------

Øyvind Litland, AP, hadde slikt oppfølgingspørsmål til leikeplass på Leikneset i haus, gnr 62/bnr 196: Det vert framleis tømd ulovleg boss (hageavfall) der. Kva gjer, eller kva kan, kommunen gjere?

Leiar for teknisk forvaltning svarte slik: Utgangspunktet er at ein ikkje har lov å kaste boss på ein annen manns eigedom, difor burde det ikkje vore nødvendig med skilt. Kommunen kan sende ut brev til dei det gjeldt og informere om at dei ikkje kan kaste boss på ein annan sin eigedom.

------------------------------------

Kjellaug Hartveit, SP, hadde slikt spørsmål til deponi på Hausberg: Hva er status på fyllinga, skjer det noko der snart?

Leiar for teknisk forvatlning: Kommunen ser på dette som ein viktig sak og følgjer opp så godt ein kan opp mot statsforvaltaren. Saka vert følgt opp etter jordlova og det er statsforvaltaren som må handsame saka opp mot tiltakshavar. Kommunen har sendt inn sak til statsforvaltaren og avventar handsaming. Kommunen har ikkje mynde etter jordlova til å gjere noko meir, men vil, som sagt, følgje opp saka så godt det lar seg gjere med statsforvaltaren.