Utval: | Heradsstyret |
---|---|
Dato: | 06.04.2022 16:00 - 22:00 |
Møtestad: | Heradsstyresalen |
Status: | Møtet er ferdig protokollert |
Sakskart: | |
Møteprotokoll: |
Innkalling og sakliste vert godkjent.
Det vert ytra ønskje om at tilsynsrapporter frå statsforvaltaren framover vert informert om til heradsstyret som meldingssaker.
Det var elles ingen merknader til innkalling og saksliste
Møteprotokoll frå 23.02.2022 og 10.03.2022 vert godkjend
Det var ingen merknader til møtebokene
Referatsakene vert tekne til vitande.
RS 2:
Alf Terje Mortensen, FRP, saknar sak om status på forvaltningsrapport for barn og unge som skulle kome hausten 2021.
Aksel Mjøs, H, kommenterte at Kontrollutvalet si årsmelding var aktivitetsorientert og sakna ei samla vurdering av status på dei områda dei vurderer som vesentlege. Dette inkluderer korleis kommunen har følgd opp meldingar frå Kontrollutvalet gjennom året
Det var elles ingen merknader til referatsaker og meldinger
Osterøy kommune konkurranseutset ikkje reinhaldstenesta. Konkurransen skal avsluttast utan tildeling av kontrakt.
Berit Borge, H, ønskja sin gildskap vurdert då ho er tilsett i reinhaldstenesta i kommunen.
Asgeir Presttun, SP, ønskja sin gildskap vurdert då han sin mor er leiar for reinhaldstenesta i kommunen.
---------------------------------------------------------------------
Berit Borge, H, og Asgeir Presttun, SP, forlet møte.
Veronica Ahmer, H, og Jon Daltveit, SP, møtte som vara.
27 medlemmar/varamedlemmar tilstades.
---------------------------------------------------------------------
AVRØYSTING GILDSKAP - Berit Borge, H.
Berit Borge, vert samrøystes kjend ugild jf. Fvl. §6 andre ledd.
AVRØYSTING GILDSKAP - Asgeir Presttun, SP.
Asgeir Presttun, SP, vert samrøystes kjend ugild jf. Fvl. §6 første ledd bokstav b.
--------------------------------------------------------------------------------------------------------
Framlegg og votering elles i saka kjem fram av voteringsprotokollen som ligg ved nedst i den komplette møteprotokollen.
Heradsstyret vedtek lokalisering av Omsorg+ på Hauge, i tilknyting til Osterøytunet. Arbeidet med å kartlegge omfang av prioriterte tenester i dei ulike byggetrinna held fram. Når innhaldet i bestilling av prosjektet er klargjort vil det bli lagt fram for heradsstyret til drøfting og vedtak. Heradsstyret skal jamnleg orienterast om framdrift i arbeidet.
Veronica Ahmer, H, og Jon Daltveit, SP, forlet møte.
Berit Borge, H, og Asgeir Presttun, SP, kom tilbake i møte.
27 Medlemmar/varamedlemmar tilstades.
------------------------------------------------------------------------------------
Framlegg og votering i saka kjem fram av voteringsprotokollen som ligg ved nedst i den komplette møteprotokollen.
Heradsstyret gjev følgjande innspel til økonomisk handlingsprogram og investeringsprogram:
Svar på spørsmål 1:
Osterøy kommune er samd i rekkja Vestland fylkeskommune listar ut tiltakskategoriane på, frå trafikktryggleik og mindre utbetringar (først) til store vegprosjekt (sist), og at med ei slik prioritering vil ein kunne få mest veg for pengane samtidig som fleire kommunar vil sjå noko utbetring over tid. Vi vil føreslå at VLFK definerer tiltakskategoriane tydeleg og vurderer å innføra eigne pottar for desse etter mal frå tidlegare Hordaland fylkeskommune sin RTP 2018-2029. Storleiken på pottane bør reflektere VLFK sine prioriteringar til kvar tid.
Svar på spørsmål 2:
Med ein årleg pott på 200 mill. til strekningsvise utbetringar må ein venta at den går i sin heilskap til eitt einaste prosjekt kvart år. Ventelista vert lang for kommunane i Vestland fylke men Osterøy kommune meiner at det likevel er betre å ha ei venteliste enn at døra er stengt.
I Osterøy kommune finst det per dags dato ingen vegar med funksjonsklasse B, noko kommunen har sterkt ønskje om å utfordra: Lange strekningar langs fylkesvegar 566 og 567 har årsdøgertrafikk på vel over 4000 kjørety og har ein sers viktig funksjon for både lokalt og regionalt næringsliv, og for brann og redning både i kommunen og langs E16. Første spadetak for Espevoll næringsområde var tatt i februar i år og området vil fort verta viktig for heile regionen med sin nærleik til Europavegen, om lag seks kilometer unna. På vegen til det nye næringsområdet må ein igjennom Vesetgjelet der vegen er smal, bratt, svingut og heilt utan moglegheiter for mjuke trafikantar å ferdast. Utbetring av denne vegstrekninga på 2,3 km var ferdig regulert i 2016 (plan ID 12532010005) og har som føremål å leggja betre tilrette for skuleskyss, gåande og syklande, og for venta næringstrafikk til Espevoll. Vi meiner at dette prosjektet er ein sers god kandidat for ei strekningsvis utbetring av ein regional hovudveg.
Svar på spørsmål 3:
Mykje av vegutbetringa langs fylkesvegane i Osterøy kommune dei siste ti åra har kome som resultat av rekkjefølgjekrav på lokale utbyggjarar. Vi var så heldige at ved utbygging av Småland næringsområde (plan ID 12532014001) har Vestland fylkeskommune stilt opp med del av finansieringa for ei ny bru over elva. Vi meiner at slike spleiselagsordningar ofte er heilt naudsynte for å få realisert tiltak langs fylkesvegane der alternativet er at både lokale samfunnsutviklings- og næringsutviklingsprosjekt vert stogga eller skrinlagt. Vi ser eit tydeleg behov for ei ordning der kommunane kan søkje fylkeskommunen om midlar til slike spleiselag.
For å få meir veg for pengane er det høgst nødvendig at særskilt normalane for fortau og gang- og sykkelvegar kan verta tilpassa distrikta sine behov. Langs mesteparten av fylkesvegane i vår kommune finst det ikkje anna val enn å gå eller sykla på den stipla linja i kanten på vegbana. Difor vil det minste tiltak vera ei betring av stoda for mjuke trafikantar, om det så er gang- og sykkelveg med halv breidde i høve dagens normalar.
Når eit tiltak vel vert prioritert må det vera lov å ha nøkterne haldningar til dei faktiske behova i området. Vårt lokale skrekkeksempel er reliseringa av plan 504_63 frå 2002 gjennom Hosanger sentrum der fortaua fleire stader er like breie som sjølve vegbana. Lokale tilhøve og behov for trafikksikring var ikkje drivande for denne dimensjoneringa av prosjektet, og estetisk er dette vorte skjemmande for bygda sitt kulturlandskap.
Svar på spørsmål 4:
Osterøy kommune vil innleia med å seie seg både takksam og nøgd med at prosjektet Loftås-Hauge langs Fv. 567 har fått ein plass på lista over tiltak for mjuke trafikantar i §5.6.5, og at det er prioritert allereie i komande periode 2023-2026. Realisering av prosjektet vil tyde mykje for trafikktryggleik, ferdsel til skule, og allmenn mobilitet i området.
Vi vurderer det som uheldig at Vesetgjelet ikkje har kome inn på noko liste i denne RTP-en for perioden fram til 2033 og ber om at prosjektet vert sett inn på lista i §5.6.6 Veganlegg.
Vi saknar også ferjesambandet mellom Breistein og Valestrand i RTP-en: Dette sambandet er sers viktig for næringslivet men kanskje enda viktigare for kollektivtrafikken i regionen. Om lag ein tredel av kommunen sine innbyggjarar pendlar til arbeid i (eller via) Bergen. Med to kanalar for offentleg transport - ein gjennom Arna og den andre gjennom Åsane - bidrar dette ferjesambandet til å spreie trafikken, til reduserte utslepp, og til å fremja bruk av kollektivtransport. Osterøy kommune ber om at det vert vurdert som offentleg ferjesamband snarast mogleg.
Osterøy kommune er nøgd med at fylkeskommunen ønskjer å arbeide for at det vert sett av meir midlar til skredsikring. Dette er viktig og naudsynt. Likevel saknar vi visjonar om og midlar til førebyggjande tiltak i høve rassikring: Bruvikvegen Fv. 5418 er truleg den mest rasutsette vegen i Osterøy kommune der både innbyggjarar og vegeigar ville vore tent med ei geologisk kartlegging av rasfara med mål om førebyggjande arbeid heller enn reaktive reparasjonar.
Osterøy kommune saknar også eit fokus på veganlegg som er utsett for flaum, stormflo eller ein kombinasjon av desse. Fv. 567 gjennom Lonevåg sentrum er utsett for båe desse og er ferdig regulert (plan ID 46302015001). Strekninga er i hjarta av kommunesenteret og manglar også heilt løysingar for mjuke trafikantar.
Oppsummering frå Osterøy kommune:
Dei viktigaste tiltaka for gang/sykkelveg for Osterøy kommune er:
1. Fv. 567 Loftås- Hauge
2. Fv. 567 Lonevåg sentrum
Dei viktigaste utbetringane av veg er:
1. Fv. 566 Vesetgjelet (er også viktig i høve løysing for gang/sykkelveg)
2. Fv. 567 Lonevåg sentrum (er også viktig i høve løysing for gang/sykkelveg)
Tidlegare har Osterøy kommune spelt inn Fv. 5418 Bruvikvegen som den viktigaste i høve skredsikring på Osterøy.
Framlegg og votering i saka kjem fram av voteringsprotokollen som ligg ved nedst i den komplette møteprotokollen.
Osterøy kommune vedtar samarbeidsavtalen for etablering av interkommunalt samarbeid om barnevern slik den ligg føre.
Rådmannen i Osterøy får fullmakt til å overta vertskommuneansvar for barnevernet i Vaksdal kommune. Rådmannen samarbeider med rådmennene i dei andre kommunane om ein plan for oppstart og implementering. I den grad implementering ikkje kan løysast innanfor vedtekne rammer, eller ekstern finansiering, vert dette reist i eigen sak for kommunestyret.
Heradsstyret i Osterøy gir rådmannen fullmakt til å finna ei utforming på namnet for det
interkommunale barnevernet, som vil ivareta behovet for å identifisera barnevernet også på vegne av Vaksdal kommune.
Framlegg og votering i saka kjem fram av voteringsprotokollen som ligg ved nedst i den komplette møteprotokollen.
Ramma for «Kjøp av eigedom/innløysing av grunn» under sektor for samfunnsutvikling i investeringsbudsjettet vert auka med 20 millionar, til totalt 23.000.000,- kr.
Rådmannen kjem tilbake til heradsstyret i neste møte med ei oversikt over kva èin treng av midlar utover ramma i driftsbudsjettet til å ruste opp oppvekstsektoren, NAV og eining for psykisk helse og rus.
Framlegg og votering i saka kjem fram av voteringsprotokollen som ligg ved nedst i den komplette møteprotokollen.
Heradsstyret gjer rådmannen mynde til å erverve grunn og utvide parkeringsplassen på Båtaleitet (gbnr 152/58) i tråd med saksframlegget.
Framlegg og votering i saka kjem fram av voteringsprotokollen som ligg ved nedst i den komplette møteprotokollen.
Heradsstyret vedtek oppstart av temaplan for naturmangfald
Framlegg og votering i saka kjem fram av voteringsprotokollen som ligg ved nedst i den komplette møteprotokollen.
Osterøy kommune betalar ut tidlegare vedteke tilskot på kr. 400.000,- (jf. HS 016/18) til bygging av del-friidrettsanlegget i regi av Fotlandsvåg IL.
Investeringsbudsjettet for 2022 vert justert tilsvarande. Midlane vert henta etter ramme frå sektor for Oppvekst, Undervisning og Kultur
Framlegg og votering i saka kjem fram av voteringsprotokollen som ligg ved nedst i den komplette møteprotokollen.
Osterøy bibliotek takkar nei til invitasjon til medlemsskap i Hamre kyrkjestad – 1000 år.
Osterøy kommune takkar ja til invitasjon til meldemsskap i Hamre kyrkjestad – 1000 år.
Herradsstyret vel 2 representantar + ein vararepresentant til styret.
Medlemskontingenten på kr 150.000,- for 3 år (kr 50.000,- pr år) vert dekka frå ramme for sektor for Oppvekst, Undervisning og Kultur.
Framlegg og votering i saka kjem fram av voteringsprotokollen som ligg ved nedst i den komplette møteprotokollen.
Heradsstyret tek saka til vitande
Framlegg og votering i saka kjem fram av voteringsprotokollen som ligg ved nedst i den komplette møteprotokollen.
Det vert ikkje gjort noko vedtak i saka
Det var ingen ekstra saker eller spørsmål til dette møte.
Politikar | Parti | Medlemstype | E-Post |
---|---|---|---|
Lars Fjeldstad | Senterpartiet | Ordførar | lars.fjeldstad@osteroy.kommune.no |
Hjalti Heimir Gislason | Høgre | Varaordførar | hjalti.heimir@gmail.com |
Rita Aud Tveiten | Arbeidarpartiet | Medlem | rita@ritatveiten.no |
Øyvind Litland | Arbeidarpartiet | Medlem | oyvind.litland47@gmail.com |
Jørgen Varden | Arbeidarpartiet | Medlem | jorgen.varden@gmail.com |
Alexander Thunestvedt | Arbeidarpartiet | Medlem | alexanderth@live.no |
Henrik Øksnes | Framstegspartiet | Medlem | henrik.oksnes@fpu.no |
Bjørn Kato Melchersen | Framstegspartiet | Medlem | melchersen@live.no |
Ragnar Tyssebotn | Framstegspartiet | Medlem | rag-tys@online.no |
Kim Andre Hartveit | Framstegspartiet | Medlem | hartveit@hotmail.no |
Alf Terje Mortensen | Framstegspartiet | Medlem | alftmo@gmail.com |
Siren Tyssebotn | Framstegspartiet | Medlem | styssebotn@hotmail.com |
Sigmund Arve Faugstad | Framstegspartiet | Medlem | sigmund52@hotmail.com |
Ole Johannes Mjøs | Høgre | Medlem | oj-mjoes@online.no |
Berit Moslett Borge | Høgre | Medlem | berit-moslett-borge@hotmail.com |
Aksel Mjøs | Høgre | Medlem | aksel@mjos.no |
Kari Laurhammer Mjøs | Kristeleg Folkeparti | Medlem | kari@mjos.no |
Bjarte Hammer Aarland | Kristeleg Folkeparti | Medlem | bjarte.aarland@gmail.com |
Trude Tomren | Miljøpartiet Dei Grøne | Medlem | ttomren@hotmail.com |
Asgeir Presttun | Senterpartiet | Medlem | sauidn@hotmail.com |
Turid Bjørndal Njåstad | Senterpartiet | Medlem | turidbn@gmail.com |
Frode Flesland | Senterpartiet | Medlem | frodfle@online.no |
Tone Mjelde | Sosialistisk Venstreparti | Medlem | tone_mjelde_90@yahoo.no |
Roald Åge Kleppe | Sosialistisk Venstreparti | Medlem | roalaag@online.no |
Kjersti Ingolvsdotter Vevatne | Venstre | Medlem | kjeve70@gmail.com |
Veronica Ahmer | Høgre | Varamedlem | veronica@asoster.no |
Dag Sveinung Åsheim | Kristeleg Folkeparti | Varamedlem | dag-svea@online.no |
Helge Valestrand Edvardsdal | Senterpartiet | Varamedlem | helgeed@hotmail.com |
Jon Daltveit | Senterpartiet | Varamedlem | jon.d@online.no |
Ellinor Therese Birkeland (Ikke møtt) | Framstegspartiet | Medlem | ellinor.therese.birkeland@gmail.com |
Jarle Skeidsvoll (Ikke møtt) | Kristeleg Folkeparti | Medlem | jarle@skeidsvoll.no |
Johannes Haugland (Ikke møtt) | Senterpartiet | Medlem | johannes.haugland@hotmail.com |