Møte i Heradsstyret den 23.06.2022

Vedtak

Innkalling og sakliste vert godkjent.

Behandling

Ordføraren varsla at det er kome inn spørsmål i forkant av møte, frå Trude Tomren, MDG, som vert framført av Siren Tyssebotn, FRP, under sak 064/22. Ordførar informerte også om at spørsmål og svar ligg vedlagt i sak 064/22.

Alf Terje Mortensen, FRP, varsla spørsmål som omhandlar mellom anna hjorteforvaltning, viltforvaltning, skogforvalting, landbruksplast, driveplikt m.v. til sak 064/22.

Ordføraren varsla sak om etterspel av sak om konkurranseutlysninga av reinhaldstenesta til sak 064/22.

---------------------------------------
Herdis Helle, AP, ga slik merknad til sak 061/22: Vil anmode administasjonen, om ein generelt i saker kor ein får erstatningskrav til kommunen og kor ein skal inngå forlik, å vurdere om det er noko som kan og må unnatekast offentlegheita av omsyn til detaljar i slike sakar som kan svekke moglegheita til å vinne fram om ein viser alle korta ein har på handa.

Det var elles ingen merknader til innkalling og saksliste.

Vedtak

Møteprotokoll frå 11.05.2022 vert godkjend.

Behandling

Det var ingen merknader til møtebok

Vedtak

Referatsakene vert tekne til vitande.

Behandling

Leiar for kontrollutvalet ga munnleg orientering om dei tre sakene som vart lagt fram som meldingssakar til heradsstyret frå kontrollutvalet: RS 3, 4 og 13.

Det var ingen merknader til referatsakene

Vedtak

Årsmelding og rekneskap for 2021 vert godkjent slik dei ligg føre.

Netto driftsresultat er kr. 8 142 455,

Netto bruk av bundne driftsfond er kr. 1 268 702,-

Avsetning til disposisjonsfond kr. 9 411 157,-

Rådmann foreslår at det blir gjeve kr. 200 000,- i straumstøtte til Osterøy kyrkjeleg fellesråd for auke i straumutgifter og at avsetning til disposisjonsfondet blir redusert tilsvarande.

Behandling

Revisor møtte for å orientere i saka

Framlegg og avrøysting kjem fram av voteringsprotokoll som ligg nedst i samla møteprotokoll.

Vedtak

Gruppe 5 ved Osterøytunet med totalt ni plassar blir gjenopna for pasientar så snart bemanning er på plass. Ei eventuell budsjettjustering blir å kome tilbake til i samband med 2.tertial. For 2023 må kostnadane arbeidast inn i ramma for sektor helse, omsorg og sosial.

Behandling

Framlegg og avrøysting kjem fram av voteringsprotokoll som ligg nedst i samla møteprotokoll.

Vedtak

Osterøy kommunesluttarsegtilframleggtilrevidertOverordna samarbeidsavtale og Tenesteavtale 1 – overordna føringar for samarbeidsstruktur og samarbeidsformer i helsefellesskapet.

Behandling

Framlegg og avrøysting kjem fram av voteringsprotokoll som ligg nedst i samla møteprotokoll.

Vedtak

1. Heradsstyret i Osterøy sluttar seg til at utbygginga av E16 Arna-Stanghelle i Bergen og Vaksdal kommunar blir delfinansierast med bompengar slik det er føreslege i fagleg grunnlag frå Statens vegvesen.

2. Det blir førebels lagt til grunn 14 827 mill. 2021-kr i styringsramme og 17 163 mill. 2021-kr i kostnadsramme for E16 Arna - Stanghelle. Endeleg rammer blir fastsett etter ekstern kvalitetssikring (KS2) av prosjektet.

3. I tråd med føresetnadane i Nasjonal transportplan 2022-2033 blir det lagt til grunn at staten bidreg med totalt 11 667 mill. 2021-kr til E16 Arna – Stanghelle inkludert reguleringsplankostnadane.

4. Bompengebidraget er førebels rekna til 3 160 mill. 2021-kr til vegprosjektet.

5. Det er førebels lagt til grunn at utbygginga skjer i åra 2023-2033 med prosjektering i 2023 og anleggstart i 2024.

6. Det er lagt til grunn at bompengeinnkrevjinga startar når vegprosjektet opnar for trafikk på kvar enkelt delstrekning. Det er lagt opp til ein innkrevjingsperiode på 15 år i kvar enkelt bomstasjon.

7. Det blir lagt til grunn innkreving av bompengar i begge retningar i totalt seks automatiske bomstasjonar plassert i kvar ny tunnel på ny veg og på sideveg. Namn på bomstasjonar og plassering er som følger:

• Tunesfjelltunnelen - plasserast i ny tunnel mellom Arna og Trengereid

• Kvernhusvika – plasserast på sideveg mellom Osterøybrua og Trengereid mellom Romslotunnelen og Risnestunnelen (koordinatar 60.423475, 5.507028)

• Raudnipatunnelen – plasserast i ny tunnel mellom Trengereid og Vaksdal

• Rødberg – plasserast på kommunegrensa på sideveg mellom Trengereid og Vaksdal ved Rødberg aust for busstopp (60.439421, 5.634242)

• Berrfjelltunnelen – plasserast i ny tunnel mellom Vaksdal og Stanghelle (Helle)

• Skreidi nord – plasserast på sideveg mellom Vaksdal og Stanghelle nord for Skreidi (koordinatar 60.498228, 5.732406)

8. Det blir lagt til grunn at bompengeselskapet kan søke om å sette opp bomstasjon på kommunal veg mellom Osterøybrua og Trengereid etter at innkrevinga er starta, dersom det blir naudsynt for økonomien i prosjektet.

9. Heradsstyret i Osterøy sluttar seg til ei gjennomsnittleg inntekt per passering (gjennomsnittstakst) for dette bompengeopplegget på mellom 42 og 49 2021-kr. Det er føresett at gjennomsnittstaksten blir justert i samsvar med Statistisk Sentralbyrå (SSB) sin Byggekostnadsindeks for veganlegg til og med opning av vegen, og deretter med Statistisk Sentralbyrå sin konsumprisindeksen (KPI).

10. Det er i berekningane lagt til grunn at grunntakst på sideveg for takstgruppe 1 skal vere 70 prosent av grunntakst for takstgruppe 1 på ny veg. Takstgruppe 2 skal betale den same taksten på ny veg og sideveg.

11. Køyretøy i takstgruppe 1 med gyldig avtale og elektronisk brikke får 20 prosent rabatt. Det blir ikkje gitt rabatt til køyretøy i takstgruppe 2.

12. Nullutsleppskøyretøy i takstgruppe 1 får 50 prosent rabatt av taksten for takstgruppe 1 etter fråtrekk av brikkerabatt. Nullutsleppskøyretøy i takstgruppe 2 får 100 prosent rabatt.

13. Det blir lagt til grunn eit passeringstak på 60 passeringar i månaden i kvar enkelt bomstasjon på ny veg og sideveg for takstgruppe 1.

14. Det blir lagt til grunn timesregel i kvar enkelt bomstasjon på sideveg for takstgruppe 1. Trafikantane skal berre betale for ei passering i same bomstasjon innafor ein time.

15. Alle rabattordningar føreset elektronisk brikke og gyldig avtale.

16. Med føreslege takst- og rabattsystem for bompengeopplegget bereknar ein følgjande grunntakstar i kvar bomstasjon i 2021-kr:

• 56 - 65 kr for takstgruppe 1 på ny veg

• 39 – 46 kr for takstgruppe 1 på sideveg

• 112 – 135 kr for takstgruppe 2 både på ny veg og sideveg

17. Kostnadsauke utover prisstigninga opp til kostnadsramma for prosjektet skal dekkjast med statlege midlar og bompengar etter same prosentvise fordeling som innanfor styringsramma. Endelege rammer for vegprosjektet blir fastsett i stortingsproposisjonen for prosjektet.

Eventuelle overskridingar ut over kostnadsramma er staten sitt ansvar. På same måte skal eventuell kostnadsreduksjon på inntil 10 prosent av styringsramma fordelast mellom bompengar og statlege midlar etter same prosentvise fordeling som for styringsramma. Kostnadsreduksjon ut over 10 prosent blir godskriven staten.

18. Osterøy kommune er uroa over det høge takstnivået som ligg til grunn og ber om at ein arbeider for ein høgare andel statleg finansiering av prosjektet.

Behandling

Framlegg og avrøysting kjem fram av voteringsprotokoll som ligg nedst i samla møteprotokoll.

Vedtak

Heradsstyret vedtek å tilsetje to veterinærar. Rådmannen får mynde til å tilsetje og avtale dei nærare vilkåra for tilsetjing.

For 2022: Det skal vere innanfor ei økonomisk ramme på inntil kr. 450.000. Inndekning og justering av budsjett vert i 2. tertial.

For 2023: Det skal vere innanfor den økonomiske ramma på 1.350.000 inkludert tillegg for pensjon og avgifter/sosiale ytingar. Dette skal dekkast innanfor det ordinære budsjettet.

Behandling

Framlegg og avrøysting kjem fram av voteringsprotokoll som ligg nedst i samla møteprotokoll.

Vedtak

Kommunen sitt vedtak av 02.03.2022 saknr. 023/22 vert oppretthalde. Klagen vert ikkje teke til fylgje. Saka vert send til Statsforvaltaren i Vestland jf. forskrift om tilskot til private barnehagar §14, jf. forvaltningslova § 33.

Behandling

Framlegg og avrøysting kjem fram av voteringsprotokoll som ligg nedst i samla møteprotokoll.

Vedtak

Heradsstyret tilrår å inngå avtale om forlik.

Behandling

Framlegg og avrøysting kjem fram av voteringsprotokoll som ligg nedst i samla møteprotokoll.

Vedtak

Osterøy kommune takkar ja til invitasjon til medlemsskap i Vener av Kossdalen.

Heradsstyret vel ein representant til å sitte i styret i Vener av Kossdalen.

Behandling

Framlegg og avrøysting kjem fram av voteringsprotokoll som ligg nedst i samla møteprotokoll.

Vedtak

Årsmeldinga vert tatt til vitande.

Behandling

Framlegg og avrøysting kjem fram av voteringsprotokoll som ligg nedst i samla møteprotokoll.

Vedtak

Det vert ikkje gjort noko vedtak i saka

Behandling

Siren Tyssebotn, FRP, las opp slikt spørsmål på vegne av Trude Tomren, MDG:
" vi flytta hit i 2012, og enno finare no takka vere ein formidabel innsats av privatpersonar – i regi av grendarådet.

Dugnadsånda er det ingenting å seie på.

Men, ein plass er det r sidan: Gamlebrua, Prestebrua, Steinbrua.

Eg, og mange med meg, er urolege for delar av brua kan sige ut, og at det på sikt er fare for at heile brua vil kollapse. Plassen blir brukt som turmåange brudepar og konfirmantar har bilete seg sjølv og brua på veggen. Som kulturminne er brua uerstatteleg. Den er meir enn 230 år, den vart konstruert seint på 1700-talet. Gamlebrua i Haus står på OVF sin grunn, men er kommunal veg. Det ser dermed ut for at det er kommunen som sit med ansvaret for vedlikehaldet. Vi veit alle korleis det står til med økonomien i Osterøy kommune, MDG ynskjer at det blir starta eit arbeid for å i første omgang kartlegge alvorsgraden, eller hastegraden, på som no er svært tydeleg. Er det mogleg å sette ned ein kommité /ei arbeidsgruppe som kan jobbe for å finne midlar til det naudsynte vedlikehaldet? Her vil det vere naturleg å få inn folk utanfrå HS òg.; grendarådet? Kyrkjeleg fellesrå

Spørsmål 1: har det vore gjort noko frå kommunalt hald sidan brevet (vedlagt) frå OVF kom i 2018?

Spørsmål 2: kva er planen framover for å ta vare på dette kulturminnet?"

Ordføraren ga slikt svar: "Det første spørsmålet, om ein kommite, var ikkje med det innsendte spørsmålet på førehand. Eg har difor berre eit svar på spørsmål 1 og 2:

Det korte svaret på spørsmålet ditt er: Nei.

Det har ikkje vore jobba administrativt med denne saka sidan då. Som me alle veit har administrasjonen begrensa ressursar, og det er til sjuande sist me i heradsstyret som rår over korleis desse ressursane skal brukast. Det har ikkje vore politiske signal, som i alle fall eg har fanga opp, på at denne saka skal prioriterast av administrasjonen.

Ordførar har jobba litt med saka, mest med fokus på at eg ikkje er samd med OVF om at denne brua skal sjåast på som kommunal infrastruktur. Brua vart oppført nesten 50 år før formannskapslova vart vedteken og om lag 175 år før Osterøy kommune vart til. Ordførar har jobba sporadisk med å få OVF til å endra syn, utan hell. Her igjen tar ordførar så godt han kan politiske signal i frå Heradsstyret om kva saker som er viktige å jobba med, og det har, etter mi meining, vore større trøkk på andre saker enn denne dei siste åra.

No har det seg slik at prestegarden i Haus, etter planen, skal overførast frå OVF til Den Norske Kyrkja. Ordførar har ikkje fått klarhet i om dette inkluderer brua eller ikkje. Men tenkjer uansett at når prestegarden får nye eigarar, så vil det vere eit høve å gjere eit nytt framstøt mot dei.

Kor stor økonomisk innsats Osterøy kommune skal legga i dette vert opp til denne sal. Om me prioriterer dette prosjektet, må me prioritere ned noko anna.

Så skal me utarbeida og vedta ein kulturminneplan i framtida, og eventuelle tiltak rundt brua bør me syta for kjem inn i denne planen."

------------------------------------

Alf Terje Mortensen, FRP, hadde slikt spørsmål: "Viser til brev frå Vestland Bondelag. Plan og kommunalteknisk utval har allereie jobba mykje med ein del av dei sakene som her vert nevnt, spesielt hjorteforvaltninga. Men det er framleis eit stykke att før alt er heilt på plass. Mellom anna er det gjort vedtak om at kapasiteten på viltforvalting og skog må forsterkast. Det er svært viktig at dette arbeidet kjem i gang. Det er og teke opp og bede om sak vedrørande driveplikta, og kommunen si håndtering av driveplikt av dyrka mark. Dette arbeidet er det eit sterkt fokus på frå statsforvaltaren også. Me veit og at det er bruk i dag som har dyrka mark som ikkje er i drift, og at det er andre bruk som er interessert i å drifte dette. Dette er også eit vesentleg moment for å sikre ei akseptabel forsyningsgrad nasjonalt og lokalt. Det er også viktig at kommunen bidreg så mykje som råd i høve til landbruksplast. Det er viktig at Osterøy kommune kan gå inn som ein bidragsytar og tilretteleggar i høve til denne tematikken også. Osterøy har hatt stor aktivitet i skogsdrifta dei seinare åra. Skogforvalting er eit krevjande fagfelt og det er samtidig svært viktig for klimaforvalting. Samtidig heng det også tett saman med viltforvalting då skoglova og viltlova for ein stor grad har overlappande retningsliner.

Me vil difor be om å få dette opp som eiga sak der mellom anna følgande vert teke stode til:

- Auke kompetansen på vilt og skogforvalting, og finansiering av dette.

- Vurdere tiltak og løysingar for å auke kapasiteten i høve til landbrukssaker generelt

- Sjå på løysingar for å få til ei betre ordning vedkomande landbruksplast

- Tiltak for å sikre driveplikta i tråd med krava i jordlova slik at all dyrkamark vert drifta.

Bed om at dette kjem opp som eiga sak/saker etter ferien."

------------------------------------------

Ordføraren tok opp slik sak: Det gjeldt etterspelet av saka om konkurranseutlysninga av reinhaldstenesta. No sak med Alliance+ og sak om forlik. Eg vurderer det slik at vedtaket som trengs i denne saka kan handsamast av formannskapet under hasteparagrafen, jf. kommunelova §11-8.

Det vart yttra ønskje frå heradsstyret om å få meir informasjon for å kunne ta stilling til saka. Det vart difor nødvendig å lukke saka av omsyn til "tungtveiende offentlige interesser" jf. kommunelova §11-5 tredje ledd bokstav b.

Ordføraren gjorde slikt framlegg: "Saka vert drøfta for lukka møte jf. kommunelova §11-5 tredje ledd bokstav b."

AVRØYSTING:
Ordføraren sitt framlegg om lukking av møte vert samrøystes vedteke

------------------------------------------------
Saka vert handsama for lukka dører, jf. kommunelova §11-5 bokstav b.
------------------------------------------------