Møte i Heradsstyret den 19.10.2022

Vedtak

Innkalling og sakliste vert godkjent med slik endring: Referatsak 2 "forvaltningsrvisjon" vert handsama som første ordinære sak på sakskartet.

Behandling

Ordføraren gjorde slikt framlegg:
"Referatsak 2 "forvaltningsrvisjon" vert handsama som første ordinære sak på sakskartet."

AVRØYSTING:
Samrøystes

----------------------------

Ordføraren hadde slik merknad: Det har vore ein litt uheldig kommunikasjon i sak 091/22 "barnehagebruksplan" som ligg på saksliste, i den grad at det no kan sjå ut som at det er ordføraren som har satt saka på sakslista. Det må vere tydeligare at det er 1/3 av heradsstyret som har krevd saka på sakslista. Eg har difor sendt inn eit forslag til arbeidsgruppa som sitt og jobbar med reglementet, slik at ein kan gjere dette på ein betre måte i framtida.

Aksel Mjøs, H, hadde slik merknad: Eg ber om at, når det kjem krav til sak på sakslista, det vert grunngjeve kvifor det er satt fram eit krav.

Hjalti H. Gislason, H, varsla spørsmål til slutten av møte om korleis endringar i statsbudsjettet kan slå ut for kommunen sine investeringar.

Kjersti Vevatne hadde slik merknad: lenka til referatsak nr 4 "Åpenhetsbarometeret" verker ikkje.

Vedtak

Møteprotokollane frå 14.09 og 21.09 vert godkjend.

Behandling

Det var ingen merknader til møtebokene

Vedtak

Referatsakene vert tekne til vitande.

Behandling

Det var ingen merknader til referatsakene

Vedtak

Melding om delegerte vedtak vert teken til vitande.

Behandling

Det var ingen merknader til dei delegerte sakene.

Vedtak

Osterøy kommune opprettar frivillig- og utstyrssentral så snart det lar seg gjere.
- Frivillig- og utstyrssentralen i Lonevåg må ha ei likeverdig vekting av dei to ansvarsområda. I tråd me kravet til statsstøtte må det knytast ei hel stilling til Frivilligsentralen.
- Frivillige lag og organisasjonar må involverast i arrbeidet med å utvikla frivillig- og utstyrssentralen.

Behandling

Framlegg og voteringar i saka kjem fram i voteringsprotokoll som ligg vedlagt nedst i den samla møteprotokollen

Vedtak

Formannskapet tilrår atrådmannen får mynde til å forhandle om erverv av areal i tråd med fig. 3 i sakspapira til omsorg + og anna offentleg tenesteyting.

Når avtale er ferdig forhandla, skal denne godkjennast av formannskapet/heradsstyret.

Behandling

Framlegg og voteringar i saka kjem fram i voteringsprotokoll som ligg vedlagt nedst i den samla møteprotokollen

Vedtak

Rådmannen tilrår at kommunen endrar praksis i tråd med Forskrift om tildeling av tilskudd til private barnehager (2015), §3 og 9:

• Kommunen legg rekneskapet frå to år før tilskotsåret til grunn for utrekning av tilskot til private barnehagar.

• Satsane om driftstilskot vert vedteke av administrasjonen / barnehagemynda i samsvar med forskrifta, og Heradsstyre vert orientert om satsane innan 31.oktober i året før tilskotsåret.

Private eigarar får vedtak om tilskot i november året før tilskotsåret.

Behandling

Framlegg og voteringar i saka kjem fram i voteringsprotokoll som ligg vedlagt nedst i den samla møteprotokollen

Vedtak

Barnehagebruksplan 2022-2030 vert vedteken med følgjande endringar:

- Heradsstyret gjev løyve til bygging og opning av ny, privat barnehage med fire avdelingar på Rundhovde.

- Valestrand barnehage vert lagd ned når ny barnehage står klar på Rundhovde.

- Rådmannen kan gå i gong med andre byggetrinn av Hauge barnehage når kommunen sitt behov tilseier dette.

- Kulepunktet i kapittel 7 «Barnehagar i Valestrand-området»: «Dersom drifta av Reppen barnehage blir avvikla i planperioden, vil Osterøy kommune overta drifta av barnehagen dersom ikkje andre aktørar melder seg til å overta drifta.» vert stroke.

Behandling

Turid B. Njåstad gjorde slikt utsettingsframlegg: "Rådmannen skal greie ut konsekvensane av utbygging av privat barnehage på Rundhovda. Heile barnehagebruksplanen skal bli sett på sakskartet i første kvartal 2023"

AVRØYSTING

Vedtak

Strategi for tilsyn etter plan- og bygningslova 2023-2025 vert godkjent, jf. plan- og bygningslova § 25-1, jf. forskrift om byggesak § 15-1.

Behandling

Framlegg og voteringar i saka kjem fram i voteringsprotokoll som ligg vedlagt nedst i den samla møteprotokollen

Vedtak

Retningslinjene vert vedteke slik dei ligg føre.

Behandling

Framlegg og voteringar i saka kjem fram i voteringsprotokoll som ligg vedlagt nedst i den samla møteprotokollen

Vedtak

Heradsstyret ser det som viktig at kommunen tek aktivt grep for å kome i gang med utviklinga av Lonevåg i tråd med Lonevåg-planen.

Heradsstyret ber i fyrste omgang rådmann å gå i dialog med Vestland fylkeskommune/Tide om frigjering av Tidetomta i Lonevåg sentrum. Rådmann kjem attende til Heradsstyret med ny sak dersom frigjering av tomta let seg gjere.

Behandling

Framlegg og voteringar i saka kjem fram i voteringsprotokoll som ligg vedlagt nedst i den samla møteprotokollen

Vedtak

Rådmannen set i gang ulike tiltak med formål om å redusere forbruket av straum for å få eit meir berekraftig forbruk med omsyn til miljø, energikrisa og økonomi.

Kommunen oppmodar innbyggjarane til å hogga og brenna ved for å spara straum.

Behandling

Framlegg og voteringar i saka kjem fram i voteringsprotokoll som ligg vedlagt nedst i den samla møteprotokollen

Vedtak

Nytt medlem vert Berit Moslett Borge

Varalista til formannskap frå Ap, H, SV og SP vert slik:

1. Jørgen Varden, Ap
2. Johannes Haugland, Sp
3. Roald Åge Kleppe, Sv
4. Øyvind Litland, Ap
5. Frode Flesland, Sp
6. Roy Jensen, Sv
7. Aksel Mjøs, H
8. Asgeir Presttun, Sp

Behandling

Framlegg og voteringar i saka kjem fram i voteringsprotokoll som ligg vedlagt nedst i den samla møteprotokollen

Vedtak

Fellesliste frå KRF, V og MDG til formannskapet:

Fast medlem: Jarle Skeidsvoll, KRF

Vara:
1. Kjersti I. Vevatne, V
2. Bjarte Aarland, KRF
3. Kari L. Mjøs, KRF
4. Silje Midtbø Vevle, MDG

Behandling

Framlegg og voteringar i saka kjem fram i voteringsprotokoll som ligg vedlagt nedst i den samla møteprotokollen

Vedtak

Siren Tyssebotn går inn som fast medlem i formannskapet og som vara til valstyret.Ragnar Tyssebotn vert 1.vara til Plan- og kommunalteknik utval. Kim Andre Hartveit vert supplert som vara til formannskapet og Plan- og kommunalteknisk utval."

Behandling

Korrigering av vedtak som vert røysta over og referert til i voteringsprotokollen som ligg ved nedst i den samla møteprotokollen:

Framlegget som vert sett fram av Ragnar Tyssebotn, FRP, i møte var slik: "Siren Tyssebotn går inn som fast medlem i formannskapet og som vara til valstyret.
Ragnar Tyssebotn vert 1.vara til Plan- og kommunalteknik utval.
Kim Andre Hartveit vert supplert som vara til formannskapet og Plan- og kommunalteknisk utval."

Vedtak

Det vert ikkje gjort noko vedtak i saka

Behandling

Hjalti H. Gislason, H, hadde slikt spørsmål: I kommunal-rapport i sist veken kunne vi lese at regjeringen i statsbudsjette foreslår å fjerne Husbanken sitt inversteringstilskot til kommunale sjukeheimer og omsorgsbudtader. Om dette forslaget vert vedteke, korleis vil det påverke kommunen sine planer med "Omsorg+"?

Ordføraren ga slikt svar: Ambisjonen om "Omsorg+" står ved lag, det har heradsstyret bekrefta i dag. Tilskotet er mellombels teken vekk for å dempe inflasjonen. Kommunane vert aktivt teken i bruk for konjunktur-justeringar i økonomien, begge vegar. Eg håpar og trur at tilskotet er tilbake og at økonomien er på plass når vi omsider skal i gong med prosjektet og skal handsame dette i vårt investeringsbudsjett. Ambisjonen står uansett ved lag.