Utval: | Formannskapet |
---|---|
Dato: | 16.02.2022 13:00 - 17:00 |
Møtestad: | Heradsstyresalen |
Status: | Møtet er ferdig protokollert |
Sakskart: | |
Møteprotokoll: |
Innkalling og sakliste vert godkjent.
Rådmannen orienterte om oppseiing av avtale med legevakten og ØHD (øyeblikkeleg hjelp døgnopphald) tilbodet.
Ordførar orienterte om at ein representant av formannskapet, Ellinor Therese Birkeland, har meldt seg ut av FRP. Representanten vil framover difor møte som uavhengig representant.
--------------------------------------------------------
Det var ingen merknader til innkalling og saksliste
Møteprotokoll frå 17.11.2021 vert godkjend.
Det var ingen merknader til møtebok
Referatsakene vert tekne til vitande.
Det var ingen merknader til referatsaker og meldinger
Planutvalet ønskjer eit ekstraordinært møte for handsaming av planprogrammet 4.5.22 kl 0900.
Utvalet støttar forslaget til tematisk fokusering av planprogrammet, og bed vidare om følgjande endringar i utkastet til planprogrammet for rulleringa av kommuneplanen sin arealdel:
Det må vera fullt høve til arealinnspel også ved høyringa av sjølve planen, ikkje berre planprogrammet.
Parti som ikkje fast har representantar i planutvalet vert inviterte til å nominera ein representant kvar til arbeidet med KPA-rulleringa.
I pkt. 7.1 bør krava til arealinnspel vesentleg forenklast og avgrensast til det som er rimeleg. Planavdelinga vert beden om å reformulera punktet slik at ein både opnar for alle gode innspel, men samstundes konsentrerer sakshandsaminga om dei som er, eller kan vera, aktuelle innanfor planprogrammet.
Det bør lagast ein særskilt plan for høgt engasjement og medverknad i høyringsrunden, inkludert alle relevante sosiale mediaplattformer (Facebook, Instagram, nett osv.)
Ein bør søkja å få samsvarande arealføremål for eksisterande bustadar så langt det er tenleg.
Hjalti H. Gislason, H, ønska å utfordre administrasjonen på å få på plass ein kulturminneplan og ber administrasjonen undersøkje om gjennomføringen av denne planen kan verte kjøpt eksternt.
Grunngjeving: Det er veldig viktig at vi har ein klar plan for kulturminnene vi har i kommunen, men har forståing for at kommunen sjølv ikkje har kapasitet til å gjennomføre ein slik plan samstundes som kommuneplanen sin arealdel.
AVRØYSTING:
Innstilling frå Plan- og kommunalteknisk utval vert samrøystes vedteke
Utbyggingsavtale for realisering av reguleringsplan for Rundhovde bustadområde Plan nr. : 1253 2015005, som er underteikna av utbyggar Rønhovde Eiendom AS, org. nr. 997583280, vert lagt ut til høyring.
Utlegging til høyring skjer i medhald av plan- og bygningslova § 17-4.
AVRØYSTING:
Innstilling frå Plan- og kommunalteknisk utval vert samrøystes vedteke
Søknad frå Brakvatne-Erstad Veglag om løyve til å ta kr. 50,- i bomavgift for bruk av privatveg og parkeringsplass vert godkjend med heimel i veglova § 56. Løyvet gjeld i fem (5) år frå vedtaksdato.
Det blir samtidig gjeve løyve til å krevje inn kr. 300,- i tilleggsavgift til eigar av bilen ved unnlaten betaling av bomavgift med heimel i veglova § 56.
Bomvegen kan ikkje byrja lengre nord enn der eigedommane 144/1 og 144/2 møtest etter avkjøringa til Brakvatnevegen 196, med retning sørover mot Erstad.
Unnateke bomavgift er kjørety med offisielt ærend til eigedommane, som skuleskyss, post, renovasjon, heimeteneste, varelevering osb.
Brakvatne-Erstad veglag kan ikkje byrja å krevja inn avgift før skilt er sett opp ved grensa til bomvegen. Skiltet må vera godt synleg frå vegen og kunne lesast av bilførar frå kjøretyet.
Henrik Øksnes, FRP, ønskja sin gildskap vurdert då bestefaren er styremedlem i veglaget.
---------------------------------------------
Henrik Øksnes, FRP, forlet møte. Ingen vara tilstade.
8 Medlemmar tilstades
---------------------------------------------
AVRØYSTING gildskap
Henrik Øksnes, FRP, vert samrøystes kjend ugild etter fvl. § 6 bokstav b.
----------------------------------------------------------------------------------------------
Ragnar Tyssebotn, FRP, gjorde slikt framlegg:
"Osterøy kommune tek over Erstadvegen og denne vert omgjort til kommunal veg.
Grunngjeving: Det er ein stor auke i bruken av vegen etter at parkeringsplassen til dagsturhytta kom. Dei fleste oppsitjarane er oppi åra, og opplever det som krevjande å halde vegen no etter at bruken er vorte så mykje auka. Det er difor den beste og mest langsiktige løysinga å overta vegen."
Hjalti H. Gislason, H, gjorde slikt framlegg:
"Søknad frå Brakvatne-Erstad Veglag om løyve til å ta kr. 50,- i bomavgift for bruk av privatveg og parkeringsplass vert godkjend med heimel i veglova § 56. Løyvet gjeld i fem (5) år frå vedtaksdato.
Det blir samtidig gjeve løyve til å krevje inn kr. 300,- i tilleggsavgift til eigar av bilen ved unnlaten betaling av bomavgift med heimel i veglova § 56.
Bomvegen kan ikkje byrja lengre nord enn der eigedommane 144/1 og 144/2 møtest etter avkjøringa til Brakvatnevegen 196, med retning sørover mot Erstad.
Unnateke bomavgift er kjørety med offisielt ærend til eigedommane, som skuleskyss, post, renovasjon, heimeteneste, varelevering osb.
Brakvatne-Erstad veglag kan ikkje byrja å krevja inn avgift før skilt er sett opp ved grensa til bomvegen. Skiltet må vera godt synleg frå vegen og kunne lesast av bilførar frå kjøretyet."
Ordføraren trakk rådmannen sitt framlegg til vedtak.
AVRØYSTING:
Hjalti H. Gislason, H, sitt framlegg: 7 røyster (2AP,2SP,2H,1KRF)
Ragnar Tyssebotn, FRP, sitt framlegg: 1 røyst (FRP)
Budsjettet for prosjekt rassikring Votlo vert auka med 2,4 millionar til 4,3 millionar kroner. Det vert gjort ein tilsvarande reduksjon for prosjekt avlastning og dagsenter på Hauge (BUA).
Administrasjonen søker NVE om tilleggsmidler til prosjektet etter overskriding.
Henrik Øksnes, FRP, kom tilbake i møte.
Fulltalig formannskap.
----------------------------------------------------
Henrik Øksnes, FRP, gjorde slikt framlegg:
"Administrasjon søker NVE om tilleggsmidler til prosjektet etter overskriding. Formannskapet tar stilling til en eventuell ekstraløyving når svar på søknad fra NVE foreligger."
Henrik Øksnes, FRP, gjorde slikt tilleggsframlegg til rådmann sitt framlegg:
"Administrasjonen søker NVE om tilleggsmidler til prosjektet etter overskriding."
AVRØYSTING:
Rådmannen sitt framlegg: 7 røyster (2AP,2SP,2H,1KRF)
Henrik Øksnes, FRP, sitt framlegg: 2 røyster (2FRP)
Henrik Øksnes, FRP, sitt tilleggsframlegg: Samrøystes vedteke
Utbygging av prosjekt mobilnett i Osterøy kommune har ein kostnad på kr 3.278.970,-. Prosjektet vert belasta investeringsbudsjettet for 2021. Midlane vert henta frå posten «Omsorg +» der det er unytta midlar frå 2021.
AVRØYSTING:
Rådmannen sitt framlegg vert samrøystes vedteke
Covid–19 midlane på 310.000,- blir fordelt til Osterøy utvikling til allment arbeid for styrking av Osterøy som reisemål.
Hjalti H. Gislason gjorde slikt framlegg:
"Covid–19 midlane på 310.000,- blir fordelt til Osterøy utvikling til allment arbeid for styrking av Osterøy som reisemål."
AVRØYSTING:
Hjalti H. Gislason, H, sitt framlegg vert samrøystes vedteke.
Osterøy kommune buset inntil 12 flyktningar i 2022.
Henrik Øksnes, FRP, gjorde slikt framlegg:
"Osterøy kommune busett inntil 10 flyktninger i 2022."
AVRØYSTING:
Rådmannen sitt framlegg: 7 røyster (2AP,2SP,2H,1KRF)
Henrik Øksnes, FRP, sitt framlegg: 2 røyster (2FRP)
Kvalitetsmelding for skule 2021 vert teken til vitande
AVRØYSTING:
Rådmannen sitt framlegg vert samrøystes vedteke.
Formannskapet tek tilstandsrapport for Osterøy barnevern for 2020 og 2021 til vitande.
AVRØYSTING:
Rådmannen sitt framlegg vert samrøystes vedteke.
Osterøy kommune etablerer eit interkommunalt samarbeid om barnevernstenesta med Vaksdal kommune og Modalen kommune.
Dei tilsette vert organisert under felles administrativ og fagleg leiing.
Rådmannen etablerer eit administrativt vertskommunesamarbeid leia av Osterøy kommune. Det skal
utarbeidast ein samarbeidsavtale som skal vedtakast i begge kommunane sine politiske organ.
AVRØYSTING:
Rådmannen sitt framlegg vert samrøystes vedteke.
Nye vedtekter for SFO i Osterøy kommune vert vedtekne slik dei ligg føre.
Henrik Øksnes, FRP, gjorde slikt framlegg:
"Opningstida er i tidsrommet før og etter skuletid 07:30 til 16:30» vert endra til «Opningstida er i tidsrommet før og etter skuletid 07:00 til 16:30"Henrik Øksnes, FRP, trakk sitt framlegg og legg heller fram eit ønskje om at endra opningstid til kl 07:00 vert utgreiid av administrasjonen og lagt fram politisk ved neste budsjetthandsaming.
AVRØYSTING:
Rådmannen sitt framlegg vert samrøystes vedteke.
Fotlandsvåg IL vert ikkje tildelt tilskot til å bygge redskapshus.
Henrik Øksnes, FRP, gjorde slikt framlegg:
«Osterøy kommune tildeler Fotlandsvåg IL 118.000,- til å bygge redskapshus. Tildelinga blir belasta investeringsbudsjett for 2022. 118.000,- blir hentet fra posten «Kjøp av eigedom/innløysing av grunn».
AVRØYSTING:
Henrik Øksnes, FRP, sitt framlegg: 2 røyster (2FRP)
Rådmannen sitt framlegg: 7 røyster (2SP,2AP,2H,1KRF)
Osterøy formannskap føl innstillinga til Ungdomsrådet og innstiller på same prioriterte rekkje til heradsstyret:
1. Espevoll stall og rideskole
2. Osterøy museum
3. Osterøy kunstlag
Hjalti H. Gislason gjorde slikt framlegg:
"
1. Espevoll stall og rideskole
2. Osterøy museum
3. Osterøy kunstlag"
Ordføraren trakk rådmannen sitt framlegg.
AVRØYSTING:
Hjalti H. Gislason, H, vert samrøystes vedteke
Forskrift om handtering av hushaldsavfall i Osterøy kommune vert vedteke slik den ligg føre.
AVRØYSTING:
Rådmannen sitt framlegg
Osterøy kommune gir følgjande innspel til KS debatthefte 2022:
Det er viktig å ha lokal mogelegheit til å justere løn lokalt. Det må difor setjast av ein lokal pott.
Det er viktig at gruppene får ei god generell utvikling, slik at KS området vert attraktiv å arbeide i.
Det bør leggjast opp til fleksible arbeidstidsordningar. Dette kan vere ulike typar turnus (Medlevar-, nordsjøturnus), heimekontor der ein får berekraftige løysingar for arbeidsgjevar og samfunnet.
Det bør vere eit mål at ein har openheit og informerer ut. Kommunen må ha ein tydeleg informasjonsstrategi og tydelige mål ein arbeidet mot.
Redusere statleg detaljstyring på alle kommunale oppgåver om korleis oppgåver skal løysast og med kva kompetanse.
Auke lokalt sjølvstyre over lokal arealpolitikk og utvikling.
AVRØYSTING:
Rådmannen sitt framlegg vert samrøystes vedteke
Det var ingen ekstra saker og/eller spørsmål til dette møte.
Politikar | Parti | Medlemstype | E-Post |
---|---|---|---|
Lars Fjeldstad | Senterpartiet | Ordførar | lars.fjeldstad@osteroy.kommune.no |
Hjalti Heimir Gislason | Høgre | Varaordførar | hjalti.heimir@gmail.com |
Rita Aud Tveiten | Arbeidarpartiet | Medlem | rita@ritatveiten.no |
Alexander Thunestvedt | Arbeidarpartiet | Medlem | alexanderth@live.no |
Ragnar Tyssebotn | Framstegspartiet | Medlem | rag-tys@online.no |
Jarle Skeidsvoll | Kristeleg Folkeparti | Medlem | jarle@skeidsvoll.no |
Turid Bjørndal Njåstad | Senterpartiet | Medlem | turidbn@gmail.com |
Jørgen Varden | Arbeidarpartiet | Varamedlem | jorgen.varden@gmail.com |
Henrik Øksnes | Framstegspartiet | Varamedlem | henrik.oksnes@fpu.no |
Berit Moslett Borge | Høgre | Varamedlem | berit-moslett-borge@hotmail.com |
Ellinor Therese Birkeland (Ikke møtt) | Framstegspartiet | Medlem | ellinor.therese.birkeland@gmail.com |
Tone Mjelde (Ikke møtt) | Sosialistisk Venstreparti | Medlem | tone_mjelde_90@yahoo.no |