Innkalling og sakliste vert godkjent.
Ragnar Tyssebotn, FRP, varsla spørsmål om sin gildskap i delegert sak nr. 150/22 og til 68/22.
Ragnar Tyssebotn, FRP, varsla slike spørsmål/saker til 072/22: Offentleg toalett på Tysse, hjorteforvaltning, nabokonflikt som vert handsama i lukka møte tidlegare.
Øyvind Litland, AP (møteleiar), varsla slik sak til 072/22: forureining i Lonevåg
--------------------------------------------------------
Det var elles ingen merknader til innkalling og saksliste
Møteprotokoll frå 25.05.2022 vert godkjend.
Det var ingen merknader til møtebok
Referatsakene vert tekne til vitande, med merknad på RS1.
RS 1:
Merknad til protokoll frå Ragnar Tyssebotn, FRP:
"Viser til brev frå Vestland Bondelag. Plan- og kommunalteknisk utval har allereie jobba mykje med ein del av dei sakene som her vert nevnt, spesielt hjorteforvaltninga. Men det er framleis eit stykke att før alt er heilt på plass. Mellom anna er det gjort vedtak om at kpasiteten til viltforvaltning og skog må forsterkast. Det er svært viktig at dette arbeidet kjem i gang. Det er og teke opp og bede om sak vedrørande driveplikta, og kommunen si håndtering av driveplikt av dyrka mark. Dette arbeidet er det eit sterkt fokus på frå statsforvaltaren også. Me veit og at det er bruk i dag som har dyrka mark som ikkje er i drift, og at det er andre bruk som er interessert i å drifte dette. Dette er også eit vesentleg moment for å sikre ei akseptabel forsyningsgrad nasjonalt og lokalt. Det er også viktig at kommunen bidreg så mykje som råd i høve til landbruksplast. Det er viktig at Osterøy kommune kan gå inn som ein bidragsytar og tilretteleggar i høve til denne tematikken også.
Me vil difor be om å få dette opp som eiga sak der mellom anna følgande vert teke stode til:
- Auke kompetansen på vilt og skogforvaltning, og finansiering av dette.
- Vurdering tiltak og løysingar for å auke kapasiteten i høve til landbrukssaker generelt
- Sjå på løysingar for å få til ei betre ordning vedkomande landbruksplast
- Tiltak for å sikre driveplikta i tråd med krava i jordlova slik at al dyrkamark vert drifta."
--------------------------------------------------------
Det var elles ingen merknader til referatsakene og meldingene
AVRØYSTING:
Rådmannen sitt framlegg til vedtak og Ragnar Tyssebotn, FRP, sin protokollmerknad til RS1 vert samrøystes vedteke
Melding om delegerte vedtak vert teken til vitande. Utvalet ber administrasjonen å teke eit tilsyn på DS 141/22
Øyvind Litland, AP (møteleiar) gjorde slikt tilleggsframlegg: Utvalet ber administrasjonen å teke eit tilsyn på DS 141/22.
AVRØYSTING:
Rådmannen sitt framlegg vert samrøystes vedteke
Øyvind Litland, AP (møteleiar), sitt tilleggsframlegg vert samrøystes vedteke
Kommunen gjev ikkje dispensasjon frå plan- og bygningslova §§ 11-6, 11-7 nr. 1 og 6 og 11-9 nr. 1 og 5 til utlegging av flytebryggje på gnr. 110 bnr. 39, jf. plan- og bygningslova § 19-2.
Grunngjeving:
Omsyna bak regelen det er søkt om dispensasjon i frå og omsyna i føremålsreglane i lova vert vesentleg tilsidesett.
Etter ei samla vurdering er ulempene med å gje dispensasjon større enn fordelen.
Sjå i tillegg rådmannen si vurdering.
Ragnar Tyssebotn, FRP, gjorde slikt framlegg:
Kommunen gjev dispensasjon frå plan- og bygningslova §§11-6, 11-7 nr. 1 og 6 og §11-9 nr. 1
Grunngjeving:
I dette området har kommunen for inneverande periode godkjent tiltak som kai og flytebrygger til naboeigedomane til søkjar. Det er å leggje opp til ei likehandsaming av søkar av lik art, og når naboene har fått løyve, vil det være naturlig å gje denne eigedomen løyve også. Ei flytebrygge er eit reversibelt tiltak som ikkje gjev varig verknad på naturen og det tel positiv framfor tiltak som krev sprenging i svaberg eller vesentleg endring av sjøbotn. Tiltaket vert ikkje til hinder for ålmenn ferdsle eller for båttrafikk inn og ut av Lånevågen.
Omsynet bak regelen det er søkt om dispensasjon i frå og omsyna i føremålsreglane i lova vert ikkje vesentleg tilsidesett.
Etter ei samla vurdering er fordelene med å gje dispesasjon større enn ulempa."
AVRØYSTING:
Rådmannen sitt framlegg vert vedteke 3 røyster (2AP,1MDG) mot 2 røyster (1FRP, 1SP)
Kommunen gjev ikkje dispensasjon frå plan- og bygningslova §§ 11-6, 11-7 nr. 5 bokstav a og 11-9 nr. 5 til bygging av veg på gnr. 84 bnr. 3, jf. plan- og bygningslova § 19-2.
Grunngjeving:
Omsyna bak regelen det er søkt om dispensasjon i frå og omsyna i føremålsreglane i lova vert vesentleg tilsidesett.
Etter ei samla vurdering er ulempene med å gje dispensasjon klårt større enn fordelen.
Sjå i tillegg rådmannen si vurdering.
Ragnar Tyssebotn, FRP, gjorde slikt framlegg:
"Kommunen gjev dispensasjon frå plan- og bygningslova §§11-6, 11-7 nr. 5 bokstav a og §11-9 nr. 5 til bygging av veg på gnr. 84 bnr 3, jf. plan- og bygningslova §19-2. Det vert sett som føresetnad at vegen vert lagt så dempa i terrenget som råd. Det vert sett som føresetnad at tiltaket vert lagt utanfor omsynssone for kulturminne. Vegen skal være open for ålmenta.
Grunngjeving:
Vegen vil bidra til at strandsona langs Osterfjorden vert lettare tilgjengeleg for ålmenta pg personar som har rørslehemming og ikkje kan ta seg fra i ulendt terreng. Vegen gjev og betra tilkome til skogsområda mot Lonevågen for mellom anna brannvesenet, sjukebil med meir.
Omsyna bak regelen det er søkt om dispensasjon i frå og omsyna i føremålsreglane i lova vert ikkje vesentleg tilsidesett. Etter ei samla vurdering er fordelene med å gje dispensasjon klårt større enn ulempen"
AVRØYSTING:
Rådmannen sitt framlegg vert vedteke 4 røyster (2AP,1MDG,1SP) mot 1 røyst (FRP).
Kommunen sitt vedtak av 20-04-2022 saksnr. 038/22 vert oppretthalde. Klagen vert ikkje teke til fylgje. Saka vert send til Statsforvaltaren i Vestland for vidaresending til Kommunal- og distriktsdepartementet for oppnemning av setjestatsforvaltar og vidare handsaming, jf. plan- og bygningslova § 1-9, jf. forvaltningslova § 33.
Ragnar Tyssebotn, FRP, ønskja sin gildskap vurdert då han er bestefar til barna til søkjar.
AVRØYSTING gildskap:
Ragnar Tyssebotn, FRP, vert kjend samrøystes ugild jf. fvl. §6 1. ledd bokstav b.
------------------------------------------
Ragnar Tyssebotn, FRP, forlet møte.
Det møtte ingen vara.
4 av 5 medlemmar/varamedlemmar tilstades
-------------------------------------------
AVRØYSTING:
Samrøystes vedteke
Plan- og kommunalteknisk utval gjev rådmannen delegert mynde til å handsame saka administrativt, jf. kommunelova § 13-1 6. ledd.
Grunngjeving:
Sakshandsamingsfristane og høyringsfristen medfører at det er vanskeleg å leggje saka til handsaming i utvalet.
Sjå i tillegg rådmannen si vurdering.
Ragnar Tyssebotn, FRP, gjorde slikt framlegg: Utvalet gir administrasjonen delegert løyve til å gje positivt vedtak.
AVRØYSTING:
Rådmannen sitt framlegg vert vedteke 4 røyster (2AP, 1MDG,1SP) mot 1 røyst (FRP)
Kommunen gjev dispensasjon frå plan- og bygningslova §§ 12-4 og 12-7 nr. 6 til riving av skorstein gnr. 62 bnr. 15, jf. plan- og bygningslova § 19-2.
Grunngjeving:
Omsyna bak regelen det er søkt om dispensasjon i frå og omsyna i føremålsreglane i lova vert ikkje vesentleg tilsidesett.
Etter ei samla vurdering er fordelen med å gje dispensasjon klårt større enn ulempene.
Det er i tillegg føremålstenleg å gje dispensasjon til tiltaket.
Sjå i tillegg rådmannen si vurdering.
AVRØYSTING:
Samrøystes vedteke
Kommunen gjev mellombels dispensasjon frå plankravet i kommuneplanføresegn punkt 1.2, byggegrensa mot sjø i kommuneplanføresegn punkt 1.13 og frå gjeldande arealføremål, jf. plan- og bygningslova §§ 11-6, 11-9 nr. 1, 11-9 nr. 5 og 11-7 nr.6, til utlegging av flytande landgang til badestove, jf. plan- og bygningslova §§ 19-2 og 19-3, på følgjande vilkår:
Dispensasjonen gjeld i inntil 4 år frå vedtaksdato
Når dispensasjonstida går ut skal tiltakshavar fjerne landgangen og tilbakeføre arealet til tidlegare tilstand.
Grunngjeving:
Omsyna bak regelen det er søkt om dispensasjon i frå og omsyna i føremålsreglane i lova vert ikkje vesentleg tilsidesett ved mellombels dispensasjon.
Etter ei samla vurdering er fordelen med å gje mellombels dispensasjon klårt større enn ulempene.
Det er i tillegg føremålstenleg å gje dispensasjon til tiltaket.
Sjå i tillegg rådmannen si vurdering.
AVRØYSTING:
Samrøystes vedteke
Det vert ikkje gjort noko vedtak i saka
Rangar Tyssebotn, FRP, hadde slikt spørsmål: Kan utvalet settje ned ein arbeidsgruppe som jobbar med hjorteforvaltning?
Møtesekretæren ga slikt svar: Utvalet kan setje ned ein arbeidsgruppe jf. kommunelova §5-7 3.ledd. Utover at utvalet kan settje ned ein arbeidsgruppe og at dei sjølv kan velge medlemmene er ikkje kommunelova meir spesifikk på korleis denne arbeidsgruppa skal sjå ut. Dette er det i så fall lokale reglar i dei politiske reglementa som legg føringar for, men eg er ikkje kjend med at dei gjer det.
Øyvind Litland, AP (møteleiar) informerte om status når det gjeldt arbeidsgruppa: det er ikkje kome så langt med dette endå, men det jobbast med.
--------------------------------------------
Ragnar Tyssebotn, FRP, ønskja å informere utvalet om ein sak som vert løfta i formannskapet. Saka gjeldt eit tidlegare offentleg toalett på Tysse som no er stengt for ålmenta.
Leiar for teknisk forvatlning informerte om at administrasjonen endå ikkje har fått begynt å sjå på denne saka, men at den ligg til handsaming.
---------------------------------------------
Ragnar Tyssebotn, FRP, hadde slikt spørsmål: Er det sendt ut eit skriv frå administrasjonen i saka som gjeldt nabokonflikt, som vert handsama i lukka møte tidlegare i vår.
Leiar for teknisk forvaltning ga slikt svar: det er ikkje sendt ut noko brev. Kommunen følgjer strategi for tilsyn som er vedteke. Saka ligg på lista og vert handsama i tur og orden slik dei andre sakene som ligg på lista vert.
---------------------------------------------
Øyvind Litland, AP (møteleiar) hadde slikt spørsmål: Det renn ut oljesøl gjennom kanalen som kjem ut nede ved senteret i Lonevåg. Er kommunen kjend med dette og vert det gjort noko?
Leiar for teknisk forvaltning ga slikt svar: Kommunen er kjend med problemet og jobbar med saka.
Politikar | Parti | Medlemstype | E-Post |
---|---|---|---|
Øyvind Litland | Arbeidarpartiet | Nestleiar | oyvind.litland47@gmail.com |
Marit Adelsten Jensen | Miljøpartiet Dei Grøne | Medlem | marit.adelsten.jensen@muho.no |
Herdis Helle | Arbeidarpartiet | Varamedlem | herdis.helle@lo.no |
Ragnar Tyssebotn | Framstegspartiet | Varamedlem | rag-tys@online.no |
Johannes Haugland | Senterpartiet | Varamedlem | johannes.haugland@hotmail.com |
Aksel Mjøs (Ikke møtt) | Høgre | Utvalsleiar | aksel@mjos.no |
Alf Terje Mortensen (Ikke møtt) | Framstegspartiet | Medlem | alftmo@gmail.com |
Kjellaug Hartveit (Ikke møtt) | Senterpartiet | Medlem | kjellaug.hartveit@gmail.com |