Møte i Formannskapet i Radøy den 15.05.2014

CittaSlow:Rådmannen orienterte om det internasjonale nettverket Citta Slow, som skal bidra til å utvikla gode og harmoniske lokalsamfunn. I2011 stilte formannskapet seg positiv til ei satsing på CittaSlow innan bygde- og næringsutvikling, og vedtok åsetja av kr 30 000 frå næringsfondet til dette arbeidet. Den gongen var prosjektet knytt til Liv- og Lyst-satsinga i Risnes-krinsen.Av ulike grunnar vart det ikkje gått vidare med CittaSlow-satsinga i Radøy. Rådmannen ser det som avgjerande med eldsjeler og eit sterkt lokalt engasjement for åkunne etablera og driva eit CittaSlow-prosjekt. Han informerte formannskapet om at administrasjonen no er i gang med å få kartlagt interessa for CittaSlow.
Mogleg eigedomskjøp:Rådmannen orienterte om eit mogleg eigedomskjøp, som vart drøfta i formannskapet. Rådmannen skal følgja opp saka.Orienteringa vart halden for lukka dører, etter Kommunelova paragraf 31 nr 5 og Offentleghetslova p 23 1.ledd.

Status økonomi:I samband med budsjettskriv frå fylkesmannen, orienterte økonomisjefen om den økonomiske situasjonen i kommunen. Han viste til at budsjettet for 2014 var veldig stramt i utgangspunkt, og at det ikkje var lagt inn nokon buffer til overskridingar som måtte koma.Så langt ser det ut til å gå mot eit avvik på ca 3,7 millionar kroner i forhold til budsjettet for 2014. Økonomisjefen konstaterer at dei vedtekne nedskjeringane i hovudsak går etter planen. Det er bra kontroll med lønsutviklinga, men lønsoppgjer er ein usikker faktor. Skatteinngangen er i bra rute.Rammetilskotet frå staten blir mindre enn budsjettert, samtidig som kostnadane til pensjonspremie-innbetaling til KLP blir høgare. I skule og oppvekst er lønsbudsjettet for lågt. I dei interkommunale samarbeidsordningane er det særleg auka kostnader til brannførebyggande samarbeidarbeid og interkommunalt arkiv. Kommunen får også ekstrakostnader til ressurskrevande brukar.Fylkesmannen krev i sitt budsjettskriv at Radøy kommune i løpet av første halvår må ta ned budsjettet med 660 000 kroner for å finna dekning for lågare rammeoverføring. Økonomsjefen meiner det er fornuftig å ta denne inndekninga frå avsette fondsmidlar.Rådmannen informerte formannskapet at administrasjonen vil gjera ei utgreiing for å sjå på driftsendringar i større skala, som kan leggja grunnlag for politiske drøftingar og løysingar som betra den økonomiske situasjonen i framtida. Han signaliserte at strukturendringar og tenestenivå vil vera tema i den administrative utgreiinga.

- Fungerande ordførar la fram møtereferat frå årsmøtet i Interkommunalt utval mot akutt forureinsing.- Formannskapet handsama Kirkens SOS sin søknad om økonomisk støtte. På grunn av kommunen sin økonomiske situasjon, blir søknaden avslege.Formannskapet gav også eit signal til administrasjonen om at denne type søknad bør koma som vedtakssak.

Nytt budsjettskjema 1B for 2014 vert slik:

Reviderte retningsliner for startlån vert vedtekne i samsvar med vedlagde dokument.

Formannskapet tilrårå ikkje innføre kommunal kontantstønad i Radøy.

Radøy kommune seier opp avtalen med organisasjonen MOT.

Utviklingsplanen for grunnskulen i Radøy 2014 – 2017 vert vedteke slik den ligg føre.
Lærarane i Radøy-skulen skal aktivt oppmuntrast til å ta vidareutdanning i matematikk og naturfag. Så langt det er mogleg å gjennomføre, skal ein også leggje til rette for vidareutdanning i andre prioriterte fag, og dessutan prioritere ut frålokale behov. Innan etterutdanning er spesielt klasseleiing eit satsingsområde.
Det vert lagt til grunn for kvalitetsutviklingsarbeidet at har fokus på grunnleggande ferdigheiter som lesing, skriving og rekning. Leseopplæring er prioritert satsingsområde.

Det vert lagt til grunn for kvalitetsutviklingsarbeidet at har fokus på grunnleggande ferdigheiter som lesing, skriving og rekning. Leseopplæring er prioritert satsingsområde.
Formannskapet vedtok samrøystes rådmannen si tilråding med tilleggsframlegg frå Frode Hervik (V).

Formannskapet er styringsgruppe for arbeidet med kommuneplanen. Rådmannen orienterte om planarbeidet, og understreka at det no handlar om delrevisjon av arealdelen i kommuneplanen.Planprogrammet skal gjere greie for føremålet med planarbeidet, planprosessen med fristar og deltaking, opplegg for medverknad, kva alternativ som vert vurdert og behov for utgreiing.

Tema i delrevisjon av planen er i hovudsak føresegner og forskrifter, kulturminne-aspektet, tiltak i LNF-område og funksjonell strandsone.

Rådmannen gav klart uttrykk for at framlegget inneber ei betydeleg utviding av planrevisjonen enn administrasjonen har lagt opp til. Han ba om utsetjing av saka for å få utgreidd tidsplan, framdrift og ressursbruk ut frå dei signal som kom fram i møtet.Formannskapet vedtok å utsetja saka om planprogram for delrevisjon av kommuneplanen, og at rådmannen kjem tilbake med ei vidare utgreiing utfrå dei signal i formannskapet.

Radøy kommune ønskjer ikkje å søkja om å delta i forsøk med stemmerett for 16- og 17-åringar ved kommunestyrevalet 2015.

Radøy kommune ønskjer å gje innbyggjarane tilbod om å røysta via internett under kommunestyre- og fylkestingvalet også i 2015 og oppmodar Kommunal- og moderniseringsdepartementet om å forlenge prøveordninga for forsøkskommunane.

Formannskapet godkjenner at Radøy kommune v/rådmannen held fram administrativt vertskommunesamarbeid i samsvar med «Samarbeidsavtale, kommunelova §§ 28-1a og 28-1b, jamfør § 28-1e, mellom Bergen kommune som vertskommune og samarbeidskommunar, om krisesentertilbod i samsvar med lov av 19. juni 2009 nr 44 om kommunale krisesentertilbod.