Møte i Hovudutval for plan, landbruk og teknisk den 10.05.2017

Vedtak

Delegerte saker vert tekne til orientering.

Behandling

Hovudutvalet tok meldingar og referatsaker til orientering.

Vedtak

Meldingar og referatsaker vert tekne til orientering.

Behandling

Nytt punkt d:
Lovkontroll av PLT-vedtak 14/2017 - 29.03.17
Orientering frå leiar teknisk forvaltning:
Fylkesmannen i Hordaland varsla den 21.04.17 om lovkontroll av PLT-vedtak av 29.03.17 - Landbrukssak gbnr 25/18 Haugland - ny grunneigedom for heilårsbustad - handsaming etter jordlova. Fylkesmannen oppheva kommunen sitt vedtak ved vedtak av 05.05.17. Grunnlaget for oppheving av vedtaket er sakshandsamingsfeil i form av mangelfull grunngjeving, som tyder på at vedtaket er fatta på feilt grunnlag.
Saka må handsamast på nytt etter jordlova, før den kan handsamast etter plan- og bygningslova. Det er ønskjeleg at landbrukssjefen kan ta jordlovshandsaminga administrativt og at saka kan handsamast etter plan- og bygningslova i neste møte 21.06.17.

Det vart reist følgjande spørsmål i hovudutvalet:

Marås – Soltveit
Dag Sætre (SP) ønskte orientering frå landbrukssjefen vedkomande kommunen sin bistand til grunneigarar i samband med grunnerverv for ny fylkesveg Marås-Soltveit.

Administrasjonen orienterte om at det er grunneigar og Hordaland Fylkeskommune v/Statens vegvesen som er partar i sak som gjeld grunnerverv. Kommunen har ingen formell rolle i dette.

Dag Sætre orienterte om at landbrukskontoret skal ha deltatt på synfaring saman med grunneigarar og Statens vegvesen og grunneigarane har forventa ei tilbakemelding frå landbrukskontoret vedk. verdsetting av beiteareal etc. Utvalet var tydeleg på at det er viktig at kommunen gjev tilbakemeldingar til innbyggjarane, sjølv om tilbakemeldinga er at kommunen ikkje kan bistå i saka.

Statens vegvesen har no varsla oreigning, og utvalet ber om at landbrukskontoret utan ugrunna opphald tek kontakt med Statens vegvesen og avklarar om det er mogleg å få utsett frist for frivillig erverv.

Forureining av bilvrak m.m. gbnr 71/2
Utvalet lurte på om kommunen følgjer opp sak med store mengde bilvrak.

Administrasjonenorienterte om at dette er ei miljøsak som skal handsamast etter forureiningslova og som ligg under landbrukskontoret med ein svært begrensa ressurs. Saka er registrert i kommunen og det har tidlegare vore dialog med grunneigar.

Tilleggsinformasjon:
Kommunen sendte varsel om pålegg i 2015. Grunneigar leverte plan for opprydding i november 2015, men har ikkje følgt opp planen og har ikkje respondert på kommunen sitt varsel om synfaring i februar 2016.

Landbrukskontoret har orientert om at saka ligg i kø og vil verta teke opp att til handsaming i løpet av våren 2017.

Hytte på Kjeset – gbnr 59/8 (arkivsak 16/1837)
Eigedomen ligg i trase for ny fylkesveg og utvalet er kjent med at det er byggeaktivitet på eigedomen. Utvalet ønskte svar på om byggearbeida var lovleg og om kommunen eventuelt har gjort noko for å stoppa arbeidet.

Administrasjonen gjorde greie for at byggearbeida i hovudsak er ulovleg, og at kommunen har orientert Statens vegvesen om byggesaksstatus for eigedomen. Kommunen har registrert ulovlegheitssak på eigedomen, men kva som er lovleg/uloveg får først og fremst konsekvens for erstatningsutmålinga, i og med at alle tiltak skal rivast i samband med ny vegframføring. Saka har difor ikkje vorte prioritert følgd opp som lovbrotssak etter plan- og bygningslova.

Hovudutvalet tok meldingar og referatsaker til orientering.

Vedtak

Det vert ikkje gjeve dispensasjon frå arealføremål og byggeforbod i strandsone for oppføring av båtheis.

Grunngjeving for vedtaket går fram av saksutgreiinga.
Vedtaket har heimel i plan- og bygningslova § 19-2 jf. §§ 1-8 og 11-6.

Behandling

Hovudutvalet finn det viktig å presisera at ein ikkje ønskjer å opna for ein praksis der båtheisar vert etablert på svaberg/fjell. Eventuell etablering av båtheis må skje i tilknyting til lovleg etablert kai.

Hovudutvalet vedtok samrøystes rådmannen sitt framlegg til vedtak.

Vedtak

Det vert ikkje gjeve dispensasjon frå arealføremål LNF og byggje- og deleforbodet i strandsone.

Grunngjeving for vedtaket går fram av saksutgreiinga og saksutgreiing i sak 010/2017.
Vedtaket har heimel i plan- og bygningslova (pbl) § 20-1m og § 19-2 jf. § 11-6 og §1-8.

Behandling

Administrasjonen gjorde merksam på at det er ein feil i saksframlegget når det gjeld nabovarsling. Feilen vert retta i møteboka.

Nabovarsling - Ny tekst: Tiltaket er ikkje nabovarsla i tråd med plan- og bygningslova § 21-3.
Nabomerknad, inkludert seinare innkome brev frå nabo, må leggjast som vedlegg i saksdokumenta.

Hovudutvalet var på synfaring på eigedomen.

Utvalet peika på at det ikkje kan opnast for deling i saker som ikkje har eit konkret føremål. Saka vil kunne få ein presedensverknad som ikkje er ønskjeleg. Utvalet presiserte at i denne konkrete saka ville utvalet si vurdering ikkje ha vore annleis om det hadde vore søkt om frådeling med føremål fritidsbustad.

Hovudutvalet vedtok samrøystes rådmannen sitt framlegg til vedak.

Vedtak

Hovudutval for plan, landbruk og teknisk vedtek mindre planendring (PlanID: 12602017000300) for detaljreguleringsplan «Langhøyane bustadfelt» (PlanID: 12602011000100) slik endringane viser i kartframstilling figur 3 i denne saksutgreiinga og i revidert plankart datert 20.04.2017

Vedtaket har heimel i Plan og Bygningslova §12-14.

Behandling

Hovudutvalet vedtok samrøystes rådmannen sitt framlegg til vedtak.

Vedtak

Framlegg til hovudplan for avløp vert godkjent slik den ligg føre, med merknad om at plan for avløp Vetås-Haukeland –Storheim vert lagt inn i planen.

Behandling

Det kom spørsmål om rådmannen sitt framlegg til vedtak inneber at strekninga Vetås-Storheim skal vurderast av konsulent og evt. leggast inn i planen når slik vurdering ligg føre. Dette vart stadfesta av administrasjonen. Utvalet peika på at det er viktig med ei prinsippavklaring om tilkopling til nytt leidningsnett for avløp. Det vart vist til Sletta, der det framleis er eit potensiale for å knytta seg til det kommunale avlaupsnettet.

Utvalet gav signal om at det er viktig å halda oppe utbyggingstakten i tråd med planen, og at eventuelle tilpassingar kan gjerast gjennom rullering av handlingsplan.

Hovudutvalet vedtok rådmannen sitt framlegg til vedtak.

Vedtak

Framlegg til hovudplan for vassforsyning vert godkjent med merknad om at vassforsyning til Listveiten kjem med i planen for utføring i 2017.

Behandling

Utvalet gav signal om at administrasjonen bør vurdera å leggja vassleidning via Leirvik når det vert arbeidd med løysinga for vassleidning gjennom Hallandsvatnet (evt. i den nye vegtraséen) fram til høgdebassenget i Haukåsen. Vidare vart det peika på at ei framtidig kopling mellom vassleidning på Solheim/Tjore og Storheim kan bidra til å styrka leveringstryggleiken i området. Utvalet ønskjer også at administrasjonen skal vurdera problemstillinga knytt til behov for trykkaukestasjon ved utbygging av vassbasseng i Haukåsen.

Hovudutvalet vedtok rådmannen sitt framlegg til vedtak.