Utvalg: | Formannskapet i Radøy |
---|---|
Dato: | 13.11.2014 09:00 |
Møtested: | Kommunestyresalen |
Status: | Møtet er ferdig protokollert |
Sakskart: | ![]() ![]() ![]() |
Møteprotokoll: | ![]() |
Solveig Sævdal får kr. 40 000 i tilskot til å setja i stand muren på løa på gnr. 40/1 Åsen på Øvre Tveiten.
Det vert sett som vilkår for tilskotet at bruken av løa ikkje skal vera til skade for bygget. Vilkåra for utbetaling av midlane er sett i statuttane for kulturminnefondet.
Oddny Hellevik får 5000 kroner i tilskot til arbeidet med nytt tak på løa på gnr 99/1.
Det er søkt om tilskot frå kulturminnefondet til utbetring av to løer. Bente K. Hervik orienterte om dei to prosjekta. I år er det 45.000 kroner til fordeling, og administrasjonen har tilrådd at denne summen blir tildelt løeprosjektet på Øvre Tveiten. Hervik framheva kulturmiljøet, som løa er ein del av, som unikt i Radøy, og vert vurdert til å ha svært høg verneverdi på grunn av heilskapen i tunet, alder og autensitet.
Silje Namtvedt (Sp) kom med framlegg om å gje 5000 kroner frå kulturminnefondet i tilskot til løeprosjektet på Ystebø.
Framlegget frå Namtvedt fekk fem røyster, medan rådmannen sitt framlegg fekk to røyster (Ann Chr. Hoen, Ap, Frode Hervik, V).
Formannskapet gir dermed 40.000 kroner i tilskot til å setja i stand muren på løa på gnr. 40/1 Åsen på Øvre Tveiten, og 5000 kroner til arbeidet med nytt tak på løa på gnr 99/1 Ystebø.
Ordførar Jon Askeland kom med følgjande framlegg til høyringsuttale til ny klinikkstrukturplan 2015-2030 for tannhelsetenesta i Hordaland:
Radøy kommune ber fylkespolitikarane avvisa strukturplanen for tannklinikk-tenesta slik den føreligg, og at Tannklinikken på Manger vert oppretthalden og styrkt.
Radøy kommune kritiserer Hordaland fylkeskommune ved at den tilnærminga administrasjonen legg opp til ikkje er i samsvar med Fylkeskommunen sin visjon om å utvikla Hordaland-samfunnet saman med kommunane. Me meiner at administrasjonen bommar kapitalt ved at høyringsdokumentet synest å ha som mål å optimalisera fylkeskommunen sin økonomi på tannklinikk-strukturen. Radøy kommune meiner at fylkeskommunen skal søkja å optimalisera velfungerande lokalsamfunn, der tannklinikkane vert nytta som verkemiddel for at det ikkje vert unødig reisetid til tannklinikkane.
Radøy kommune er villig til å strekkja seg endå lenger i å tilretteleggja lokala i Helsehuset på Manger, der tannklinikken er med og sikrar eit heilskapleg helsetilbod for innbyggjarane våre.
Subsidiært ber me fylkespolitikarane om å utsetja vedtak om tannklinikkstrukur i Nordhordland til etter at kommunereforma med eventuelle samanslåingar er kjent. Dersom det vert ein eller fleire større kommunar i Nordhordland må tannklinikk vurderast som ei kommunal oppgåve. For Nordhordland sin del vert det også feil å forskottera romsituasjonen i Helsehuset, sjølv om me er positive til planane om at ein tannklinikk i Knarvik kan verta fylket sin nest største offentlege klinikk med 18 behandlingsrom.
Subsidiært ber me også fylkeskommunen utgreia ei ordning med ambulerande tannpleiarar og/eller oppretthalda tannpleiartenesta ved noverande tannklinikkar, slik at ein sikrar å vidareutvikla den vellukka profylaksetenkjinga innan tannhelsa. Me ber også om at det vert vurdert om ein på Manger kan kombinera dette med eit samarbeid med dei private tannlegane for målgruppa for den offentlege tannhelsetenesta.
Formannskapet vedtok samrøystes ordføraren sitt framlegg til høyringsuttale.
Politiker | Parti | Medlemstype | E-Post |
---|---|---|---|
Jon Askeland | Radøy Senterparti | Ordførar | jon.askeland@radoy.kommune.no |
Ann Christin Hoen | Radøy Arbeidarparti | Varaordførar | hoenannc@gmail.com |
Roy Bø | Radøy Fremskrittsparti | Medlem | royboe53@gmail.com |
Kenneth Taule Murberg | Radøy Høgre | Medlem | kenneth.taule.murberg@no.issworld.com |
Finn Frantzen | Radøy Kristeleg folkeparti | Medlem | Finn.Frantzen@radoy.kommune.no |
Silje Namtvedt | Radøy Senterparti | Medlem | Siljenamtvedt@hotmail.com |
Frode Hervik | Radøy Venstre | Medlem | frode.hervik@gmail.com |