Utvalg: | Formannskapet i Radøy |
---|---|
Dato: | 15.09.2015 11:00 |
Møtested: | Kommunestyresalen |
Status: | Møtet er ferdig protokollert |
Sakskart: | ![]() |
Møteprotokoll: | ![]() |
Felles avfallsplan for småbåthamner i Radøy kommune vert vedteke slik den er lagt fram. Planen skal kunngjerast på kommunen si heimeside før den vert sendt Fylkesmannen for godkjenning.
Dersom det er fleire kommunale kaiar enn det som er med i avfallsplanen, må desse innarbeidast i planen.
Protokollmerknad: Kommunen bør leggja på heimesida ei oversikt over kva gjesteplassar som finst i Radøy for båtfolket.
Rådgjevar Kristine Born ved felles landbruksavdeling orienterte om planarbeidet og svara på spørsmål. Fylkeskommunen set krav om at alle båthamnene må ha ein plan for avfallshandtering. Det er frivillig om den enkelte båthamn vil vera med i kommunal avfallsplan, men må alternativt laga sine eigen plan.
Det vart sett fram følgjande tilleggsframlegg i møtet:Dersom det er fleire kommunale kaiar enn det som er med i avfallsplanen, må desse innarbeidast i planen.
Frode Hervik (V) kom med følgjande protokollmerknad:”Kommunen bør leggja på heimesida ei oversikt over kva gjesteplassar som finst i Radøy for båtfolket.”
Formannskapet vedtok samrøystes rådmannen sitt framlegg med tilleggsframlegg sett fram i møtet.
Radøy kommune vurderer «Regional areal- og transportplan for Bergensområdet» som eit godt plandokument der det er lagt vekt på vekstpotensiale både i by og land. Det er viktig for Radøy å kunne få leggje til rette for befolkningsauke og vekst i aktivitet sjølv om kommunen ikkje ligg i kjerneområda for regional utvikling. Kommunen vil vidareutvikle sitt kommunesenter og sine tettstader rundt skulane i tråd med strategiar velt i kommuneplanen.
Det er avgjerande for vidare utvikling på Radøy å prioritera samferdselsprosjekt som kortar ned reisetida til Bergen.
Formannskapet framheva mellom anna Nyborgtunnelen som eit viktig tiltak for Radøy og Nordhordland.
Frode Hervik (V) kom med følgjande tilleggsframlegg:
”Det er avgjerande for vidare utvikling på Radøy å prioritera samferdselsprosjekt som kortar ned reisetida til Bergen.”
Formannskapet vedtok samrøystes rådmannen si tilråding med Frode Hervik (V) sitt tilleggframlegg i møtet.
Formannskapet ber rådmannen gå i dialog med aktuelle interessentar/grunneigarar om eit spleiselag knytt til kostnader med arkeologiske og marinarkeologiske utgravingar i planområdet.
Leiar teknisk forvaltning, Tonje Nepstad Epland, orienterte om områdeplan for Bø og utfordringane som har oppstått i samband med varsel om motsegn frå Fylkesmannen i Hordaland. Om kommunen vel å gå vidare med planen som ei områderegulering, vil arbeid med arkeologiske og marinarkeologiske registreringar kosta kommunen rundt 1,3 mill. kroner. Alternativet er å konvertera planen til ein kommunedelplan, då vil det ikkje koma krav om arkeologiske og marinarkeologiske registreringar. Ein kommunedelplan vil kunna opna for direkte utbygging i nokre av dei eksisterande byggeområda, men det vil vera krav om detaljregulering i nye område.
Formannskapet ynskjer å gå vidare med planen som ei områderegulering. For å koma vidare ønskjer formannskapet å få til eit spleiselag mellom aktuelle interessentar/grunneigarar i området for å dekka kostnad med arkeologiske og marinarkeologiske registreringar. Formannskapet peika på at alternativet med å konvertera planen til ein kommunedelplan vi føra til at grunneigarane sjølv må ta kostnaden både med regulering og arkeologiske registreringar for eigen eigedom, og at det såleis vert eidyrare løysing for grunneigarane.
Det vart sett fram følgjande framlegg i møtet:
Formannskapet ber rådmannen gå i dialog med aktuelle interessentar/grunneigarar om eit spleiselag knytt til kostnader med arkeologiske og marinarkeologiske utgravingar i planområdet.
Formannskapet vedtok samrøystes framlegg sett fram i møte.
Radøy kommune vedtek ”Tenesteavtale 8 - Samhandling innan svangerskaps-, fødsels-
og barselomsorga.”
Formannskapet vedtok samrøystes rådmannen sitt framlegg til vedtak.
Radøy kommune trekkjer seg frå vidare forhandlingar i det store Nordhordlandsløpet, og held fram forhandlingane i 3-kommune-alternativet mellom Radøy, Lindås og Meland.
Formannskapet gjorde ei grundig drøfting av dei to forhandlingsløpa i kommunestruktur-prosjektet.
Formannskapet konkluderte med at tida er inne til å gå ut av det store Nordhordlands-alternativet. Dei meiner det er urealistisk å realisera det store Nordhordlands-alternativet, og peikar på at det dermed vil vera unødvendig bruk av ressursar å kjøra vidare med to paralelle forhandlingsløp.
Det vart sett fram følgjande fellesframlegg i møtet:
Radøy kommune trekkjer seg frå vidare forhandlingar i det store Nordhordlandsløpet, og held fram forhandlingane i 3-kommune-prosjektet mellom Radøy, Lindås og Meland.
På bakgrunn av dette framlegg ønskjer formannskapet ikkje å ta stilling til den framlagde saka om Kommunikasjonsplan for Nordhordland, som er knytt til det store Nordhordlands-alternativet.
Silje Namtvedt (Sp) meiner det vil vera rett å avvikla dei planlagde folkemøta om kommunereforma, før det vert teke avgjerd om kommunen skal trekkja seg frå forhandlingane.
Namtvedt og Anne Berit Bø Palmesen (Sp) avheldt seg frå å stemma i saka, og ønskjer å drøfta saka i partigruppa først.
Framlegg sett fram i møtet vart vedteke med 5 røyster (Ann Chr. Hoen (A), Kenneth Murberg (H), Roy Bø (FrP), Frode Hervik (V), Finn Frantzen (KrF).
Styringsgruppa drøfta saka.
Styringsgruppa gjorde ei grundig drøfting av forhandlingane så langt knytt til det store Nordhordlands-alternativet og til 3-kommune-alternativet mellom Lindås, Meland og Radøy. Forhandlingsutvalet orienterte om status i forhandlingane, og representantane frå arbeidstakarorganisasjonane, Else Soltveit og Elisabeth Bygstad gav også uttrykk for sine erfaringar.
Styringsgruppa oppsummerte drøftinga med at det ikkje er grunnlag for å gå vidare med drøftingane i det store Nordhordlands-alternativet, men vil halda fram forhandlingane i 3-kommune-prosjektet mellom Lindås, Meland og Radøy.
Formannskapet gjorde i sak 069/2015 - "Kommunereform - kommunikasjonsplan for Nordhordland" - vedtak om å gå ut forhandlingane i det store Nordhordlandsalternativet, og fortsetja forhandlingane i 3-kommune-prosjektet.
Rådmannen vert beden om å gå i drøftingar med Hordabø IL om ein kommunal leigeavtale, og får fullmakt til å inngå avtale gjeldande frå 1.1. 2016.
Dersom drøftingar ikkje fører fram om ein leigeavtale, skal saka leggast fram på nytt.
Fungerande ordførar Ann Christin Hoen orienterte om saka. Formannskapet drøfta alternative måtar for kommunalt bidrag til at anlegget sluttfinansiering av anlegget. Rådmann Jarle Landås viste til leigeavtalen som kommunen har inngått med Manger idrettslag om kommunal bruk av idrettsanlegg i Grønålen, og meiner det er grunnlag for å inngå ein tilsvarande avtale med Hordabø IL om kommunal leige av anlegg, inkludert Hordabøhallen.
Frode Hervik (V) kom med følgjande framlegg i møtet:
1. Rådmannen vert beden om å gå i drøftingar med Hordabø IL om ein kommunal leigeavtale, og får fullmakt til å inngå avtale gjeldande frå 1.1. 2016.
2. Dersom drøftingar ikkje fører fram om ein leigeavtale, skal saka leggast fram på nytt.
Formannskapet vedtok samrøystes Hervik sitt framlegg.
Meldingar og referatsaker vert tekne til orientering, med dei tillegg som vart sett fram i møtet.
Formannskapet vedtok å utsetja handsaming av meldingssaker om Bergen og Omland Havnevesen til neste møte.
Økonomisk månadsrapport: Rådmannen orienterte om at det ser ut til å gå mot eit underskot på 1,8 mill. kroner i 2015. Han kjem attende med grundig oversikt over situasjonen når tertialrapporten vert lagt fram.
Digital steinalder: Frode Hervik (V) informerte om at kommunane Austrheim og Radøy har fått 150.000 kroner til digitalisering av steinalderprosjekt i Fosnstraumen.
Bilvrak og bossdumping: Kenneth Taule Murberg (H) tok opp spørsmål om bilvrak som står rundt om i kommunen. Rådmannen svara at kommunen har vore i kontakt med grunneigarar som har bilvrak ståande på sin eigedom, og at kommunen er i dialog med ein del av dei om fjerning av vrak. Han orienterte også om at kommunen har politimeldt eit tilfelle av grov forsøpling langs veg ved Nordanger.
Sjukefråver: Rådmannen orienterte om arbeidet med å få redusert sjukefråveret. Det er sett ned ei arbeidsgruppe som har sett igang kartlegging av situasjonen. Gruppa blir leia av kommuneoverlege Grethe Fosse, og er godt i gang med arbeidet.
Medarbeidarundersøking: Rådmannen orienterte om den pågåande medarbeidarundersøkinga. Det er også planlagt fleire brukarundersøkingar.
Legeavtale: Rådmannen informerte om at kommunen har sagt opp den økonomiske delen av avtalen med fastlegane i Radøy, som omfattar kostnader mellom anna til personell, medisinsk utstyr og kontorutstyr. Han viste til at kommunen har store kostnader til drift av legekontor, og signaliserte at kommunen har eit betydeleg innsparingspotensiale her.
Rådmannen presiserte at kommunen ikkje har sagt opp fastlegeavtalen.
Bedriftsbesøk: Rådmannen informerte om at han og kommunalsjef drift og forvaltning skal gjennomføra ein besøksrunde til dei store bedriftene i Radøy for å snakka om næringslivet sine behov. Rådmannen sin visjon i denne samanheng er at Radøy skal bli best på samarbeid.
Politiker | Parti | Medlemstype | E-Post |
---|---|---|---|
Jon Askeland | Radøy Senterparti | Ordførar | jon.askeland@radoy.kommune.no |
Ann Christin Hoen | Radøy Arbeidarparti | Varaordførar | hoenannc@gmail.com |
Roy Bø | Radøy Fremskrittsparti | Medlem | royboe53@gmail.com |
Kenneth Taule Murberg | Radøy Høgre | Medlem | kenneth.taule.murberg@no.issworld.com |
Finn Frantzen | Radøy Kristeleg folkeparti | Medlem | Finn.Frantzen@radoy.kommune.no |
Silje Namtvedt | Radøy Senterparti | Medlem | Siljenamtvedt@hotmail.com |
Frode Hervik | Radøy Venstre | Medlem | frode.hervik@gmail.com |
Anne Berit Bø Palmesen | Radøy Senterparti | Varamedlem | anneberitpalmesen@outlook.com |