Delegerte saker vert tekne til orientering.
Hovudutvalet stilte spørsmål ved nokre av dei delegerte sakene, og administrasjonen gav svar.
Hovudutvalet tok Delegerte saker til orientering, med den tilleggsinformasjon som vart gitt i møte.
Det vert gjeve dispensasjon frå arealføremål LNF for oppføring av mobilmast som omsøkt på følgjande vilkår:
Rydding av skog skal ikkje skje i større grad enn det som er naudsynt. Rydding av skog skal skje i samråd med grunneigar for best mogleg ivaretaking av skogsdrifta.
Terrenget skal så langt råd tilbakeførast til opphaveleg terreng når anleggsperioden er over.
Ferdsel i området skal berre skje i den grad det er naudsynt og på ein måte som er skånsam for naturen. Skader på natur som følgje av ferdsel skal tilbakeførast.
Masta med tilhøyrande anlegg, skal ikkje gjerdast inn eller på annan måte hindra
Grunngjevinga går fram av saksframstillinga.
Heimel for vedtaket er plan- og bygningslova § 19-2, jf. § 11-6 og naturmangfaldslova §§ 8-12.
Johnny Ystebø (Sp) gav uttrykk for at folk er glade for at det no skal bli betre mobildekning i området, men samtidig er det ei viss frykt for at allmen ferdsle til toppen av Lindåsen kan bli avgrensa dersom det blir sett opp gjerde rundt mobilmasta.
Det vart sett fram følgjande tilleggsframlegg i møtet, som punkt 4:
Masta med tilhøyrande anlegg, skal ikkje gjerdast inn eller på annan måte hindra ålmenta si ferdsle i området.
Hovudutvalet vedtok samrøystes rådmannen sitt framlegg til vedtak, med tilleggspunkt sett fram i møtet.
Det vert gjeve løyve til deling av naustetomt og dispensasjon i frå arealføremål, byggegrense mot sjø og krav om regulering på følgjande vilkår:
Naustetomta skal vera 5x12 kvm, jf innsendt skisse korrigert i telefonsamtale
Nausteigedomen skal samanføyast gbnr 24/249
Grunngjeving for vedtaket går fram av saksutgreiinga.
Vedtaket har heimel i plan- og bygningslova (pbl) § 20-1m (deling) og § 19-2 jf. § 11-6 og naturmangfaldslova §§ 8-12, samt matrikkelforskrifta § 43(2)c.
Saka vert sendt Fylkesmannen i Hordaland for klagevurdering.
Utvalsleiar Christel Villanger Håland ba seg ugild på grunn av nært slektskap til søkjar. Hovudutvalet hadde ikkje merknad til dette. Ho deltok ikkje i handsaminga av saka. Nestleiar leia møtet i denne saka.
Hovudutvalet var på synfaring i saka.
Leif Taule (Sp) kom med følgjande endringsframlegg til punkt 1 i vilkåra i rådmannen sitt framlegg til vedtak:
Naustetomt skal ver 5x12 kvm, jf innsendt skisse korrigert i telefonsamtale.
Hovudutvalet vedtok samrøystes rådmannen sitt framlegg til vedtak, med Leif Taule (Sp) sitt endringsframlegg sett fram i møtet.
Det vert gjeve dispensasjon frå arealføremålet LNF og løyve til deling som omsøkt på følgjande vilkår:
a. Frådelt areal skal vera tillegg til og samanføyast med gbnr 64/68
Grunngjeving for vedtaket går fram av saksutgreiinga.
Vedtaket har heimel i plan- og bygningslova (pbl) § 20-1m (deling) og § 19-2 jf. § 11-6 (dispensasjon frå kommuneplan) og naturmangfaldslova §§ 8-12.
Saka vert sendt Fylkesmannen i Hordaland for klagevurdering.
Hovudutvalet vedtok samrøystes rådmannen sitt framlegg.
Det vert gjeve konsesjon for gbnr 78/3 og 11 for søkjer Thorstein Hestenes og Irene Taule.
Grunngjevinga for vedtaket er at vilkåra for konsesjon er oppfylt. Når det gjeld priskontroll har hovudutvalet lagt vekt på eigedomen sin karakter. Hovudutvalet vurderer at eigedomen ikkje er berekraftig som eigebruk. Solheim er ein attraktiv stad å bu og hovudutvalet ser prisen opp i mot kva ein einebustad i området vil kunnakosta. Hovudutvalet vil i denne saka ikkje foreta priskontroll.
Heimel for vedtaket er konsesjonslova § 9.
Leif Taule (Sp) gjorde det klart at Sp/FrP/H ville gå inn for å gje konsesjon.
Jannicke Helland (Ap) ba om gruppemøte.
Etter drøfting i hovudutvalet vart det sett fram følgjande nytt framlegg til vedtak:
Det vert gjeve konsesjon for gbnr 78/3 og 11 for søkjer Thorstein Hestenes og Irene Taule.
Grunngjevinga for vedtaket er at vilkåra for konsesjon er oppfylt. Når det gjeld priskontroll har hovudutvalet lagt vekt på eigedomen sin karakter. Hovudutvalet vurderer at eigedomen ikkje er berekraftig som eigebruk. Solheim er ein attraktiv stad å bu og hovudutvalet ser prisen opp i mot kva ein einebustad i området vil kunnakosta. Hovudutvalet vil i denne saka ikkje foreta priskontroll.
Heimel for vedtaket er konsesjonslova § 9.
Hovudutvalet vedtok samrøystes framlegg sett fram i møtet.
Saka vart trekt.
Nye opplysningar gjorde at administrasjonen ba om at saka vert trekt frå sakskartet. Hovudutvalet hadde ikkje merknad til dette.
Framlegg til detaljregulering for Kvalheimsneset serviceområde vert godkjent for 1. gongs høyring og offentleg ettersyn.
Grunngjeving av vedtaket er at planframlegget er i tråd med arealbruk sett i overordna plan.
Vedtaket har heimel i plan- og bygningslova §12-10.
Leiar i hovudutvalet, Christel Villanger Håland, orienterte om bakgrunn og status i saka.
Leiar i teknisk forvaltning, Tonje Nepstad Epland orienterte om om arbeidet med oppfølginga av kommunestyrevedtaket knytt til same sak tidlegare i år. Ho viste til at kommunen har gått mange rundar med verksemda i eit forsøk på å koma fram til akseptable løysingar for alle partar.
Leif Taule (Sp) gav uttrykk for at han ikkje er tilfreds med nytt forslag til planløysing. Han meiner området er attraktivt og at planen må omfatta meir næringsareal for utleigedrift.
Utvalsleiar Christel Villanger Håland (H) meiner det er riktig å senda framlegget til detaljregulering ut på høyring, og fleirtalet i utvalet slutta seg til det.
Hovudutvalet vedtok rådmannen sitt framlegg til vedtak med 6 mot 1 røyst (Leif Taule, Sp).
Hovudutval for plan, landbruk og teknisk godkjenner detaljregulering for Mangerøy industriområde, Kjebogen, planID 12602015000200, med plankart, føresegner og planskildring for fyrste gongs høyring og offentleg ettersyn på følgjande vilkår:
I konsekvensutgreiinga må tilhøve for mjuke trafikantar til badeplassen og friluftsområde Trettholmen vurderast.
Føresegnene må ferdigstillast og språkvaskast.
Grunngjeving av vedtaket går fram av saksframstillinga.
Vedtaket har heimel i plan- og bygningslova §12-10.
Hovudutvalet vedtok samrøystes rådmannen sitt framlegg til vedtak.
Som medlemer i Underutvalet for vilt og innlandsfiske 2016-2019 vert følgjande valde:
Foreining/lag | Medlem | Varamedlem |
Radøy bondelag | Jan Gunnar Vaktskjold | 1. Martin Soltveit – Norangervågen vald |
Manger grunneigarlag | Øystein Frotaule | 2. Atle Lilletveit –Myking - og Hauglandsvatnet Fiskelag |
Nordhordland Jakt- og fiskelag | André Michelsen | 3. Johnny Ystebø – Radøy bonde- og småbrukarlag |
Politisk oppnemnde medlemer | ||
Dag Sætre (Sp) | 1. May Britt Vågenes Gjerde (Sp) | |
Liv Berith Rath (Ap) | 2. Morgan Taule (Ap) | |
Edgar Grindheim (Ap) | 3. Roy Bø(FrP) |
Leif Taule (Sp) sette fram følgjande framlegg:
Som medlemer i Underutvalet for vilt og innlandsfiske 2016-2019 vert følgjande valde:
Foreining/lag | Medlem | Varamedlem |
Radøy bondelag | Jan Gunnar Vaktskjold | 1. Martin Soltveit – Norangervågen vald |
Manger grunneigarlag | Øystein Frotaule | 2. Atle Lilletveit –Myking - og Hauglandsvatnet Fiskelag |
Nordhordland Jakt- og fiskelag | André Michelsen | 3. Johnny Ystebø – Radøy bonde- og småbrukarlag |
Politisk oppnemnde medlemer | ||
Dag Sætre (Sp) | 1. May Britt Vågenes Gjerde (Sp) | |
Liv Berith Rath (Ap) | 2. Morgan Taule (Ap) | |
Edgar Grindheim (Ap) | 3. Roy Bø(FrP) |
Hovudutvalet vedtok samrøystes Leif Taule (Sp) sitt framlegg til medlemer i Underutval for vilt og innlandsfiske.
Politiker | Parti | Medlemstype | E-Post |
---|---|---|---|
Christel Villanger Håland | Radøy Høgre | Utvalsleiar | christel@villanger.net |
Leif Gunnar Taule | Radøy Senterparti | Nestleiar | leif.taule@gmail.com |
Liv Berit Rath | Radøy Arbeidarparti | Medlem | livb.rath@gmail.com |
Dag Sætre | Radøy Senterparti | Medlem | dag.setre@radoy.kommune.no |
Jannicke Helland | Radøy Arbeidarparti | Varamedlem | jannicke-h@hotmail.com |
Lena Kristin Bø Nilsen | Radøy Fremskrittsparti | Varamedlem | lennil238@hotmail.com |
Johnny Ystebø | Radøy Senterparti | Varamedlem | |
Morgan Taule (Ikke møtt) | Radøy Arbeidarparti | Medlem | morgan.taule@gmail.com |
Roy Bø (Ikke møtt) | Radøy Fremskrittsparti | Medlem | royboe53@gmail.com |
May Britt Vågenes Gjerde (Ikke møtt) | Radøy Senterparti | Medlem | maybritt@gjer.de |