Møte i Hovudutval for plan, landbruk og teknisk den 03.02.2016

Vedtak

Delegerte saker vert tekne til orientering.

Behandling

Dag Sætre (Sp) spurde om planane for vaskehuset i Klesvika. Leiar for teknisk forvaltning, Tonje N. Epland, sa at det tidlegare vaskehuset ved Nesvatnet, skal byggast opp att og brukast av ungdomsskulen og ungdomsklubben.

Hovudutvalet tok delegerte saker til orientering.

Vedtak

Hovudutvalet beklagar landbrukskontoret sine negative uttalar til søknaden om oppføring av rubbhall på gnr 14/2, og påfølgjande avslag frå teknisk forvaltning.

Med heimel i plan- og bygningslova til pbl. §§ 20-1a, jf. 20-4b, jf. og med visning til føresegner for kommuneplanen sin arealdel pkt. 3.4, vert det gjort slikt vedtak i sak 002/2016:

Vedtaket gjort i sak 304/2015, vert oppheva. Klagen, datert 23.11.2015, vert tatt til følgje, og det vert gjeve løyve til å føre opp rubbhall på gnr. 14, bnr. 2, slik det er søkt om.

Oppføring av rubbhallen skal skje på dei vilkåra som gjeld for oppføring av driftsbygningar i landbruket.

Dersom drifta av juletreproduksjonen tek slutt, eller plantasjen ikkje lenger er i drift, må rubbhallen takast ned og området som hallen stod på, må ryddast.

Følgjande grunngjeving ligg til grunn for vedtaket:

• Det er slått fast i saksutgreiinga og i landbrukskontoret si utgreiing, datert 28.09.2015, at juletreplantasje er i samsvar med LNF-føremålet.

• Synfaring og dokumentasjon som er lagd fram av søkjar (uttale frå Norsk Landbruksrådgiving, uttale frå Norsk Juletre og uttale frå Jørgen Frønsdal), syner at det er trong for driftsbygning på landbrukseigedommen gnr.14 bnr.2

• Det er viktig å plassera driftsbygningen der produksjonen finn stad.

• Det er ikkje tvil om at produksjonen av juletre er i full gong og har vore det i fleire år. At det økonomiske utbyttet ikkje er så godt som søkjar kunne ynskja, endrar ikkje på dette.

• Tiltaket er i samsvar med Landbruk Pluss si rettleiing om kva som er tiltak i samsvar med landbruksføremålet. Bygningen er eit nødvendig ledd i og eit driftsmiddel for verksemd som driv landbruksdrift, som er godkjend av offentlege styresmakter. 

Behandling

Hovudutvalet var på synfaring før handsaming av saka.

På vegne av Sp, Ap og Frp sette Leif Taule fram følgjande framlegg:

Hovudutvalet beklagar landbrukskontoret sine negative uttalar til søknaden om oppføring av rubbhall på gnr 14/2, og påfølgjande avslag frå teknisk forvaltning.

Med heimel i plan- og bygningslova SAK 3-2 og pbl 29-4, og med visning til føresegner for kommuneplanen sin arealdel pkt. 3.4, vert det gjort slikt vedtak i sak 002/2016:

Vedtaket gjort i sak 304/2015, vert oppheva. Klagen, datert 23.11.2015, vert tatt til følgje, og det vert gjeve løyve til å føre opp rubbhall på gnr. 14, bnr. 2, slik det er søkt om.

Oppføring av rubbhallen skal skje på dei vilkåra som gjeld for oppføring av driftsbygningar i landbruket.

Dersom drifta av juletreproduksjonen tek slutt, eller plantasjen ikkje lenger er i drift, må rubbhallen takast ned og området som hallen stod på, må ryddast.

Følgjande grunngjeving ligg til grunn for vedtaket:

• Det er slått fast i saksutgreiinga og i landbrukskontoret si utgreiing, datert 28.09.2015, at juletreplantasje er i samsvar med LNF-føremålet.

• Synfaring og dokumentasjon som er lagd fram av søkjar (uttale frå Norsk Landbruksrådgiving, uttale frå Norsk Juletre og uttale frå Jørgen Frønsdal), syner at det er trong for driftsbygning på landbrukseigedommen gnr.14 bnr.2

• Det er viktig å plassera driftsbygningen der produksjonen finn stad.

• Det er ikkje tvil om at produksjonen av juletre er i full gong og har vore det i fleire år. At det økonomiske utbyttet ikkje er så godt som søkjar kunne ynskja, endrar ikkje på dette.

• Tiltaket er i samsvar med Landbruk Pluss si rettleiing om kva som er tiltak i samsvar med landbruksføremålet. Bygningen er eit nødvendig ledd i og eit driftsmiddel for verksemd som driv landbruksdrift, som er godkjend av offentlege styresmakter. 

Hovudutvalet vedtok samrøystes fellesframlegg sett fram i møtet.

Vedtak

Vedtak etter jordlova:

Det vert gjeve samtykke til deling av teig på 2,6 daa med eksisterande våningshus og ny bustadteig på 1,0 daa frå gbnr 14/17. Det vert gjeve samtykke til deling av landbruksteig på ca 130 daa som tilleggsareal til gbnr 14/8 og landbruksteig på ca 30-40 daa som tilleggsareal til gbnr 14/12.

Vedtaket har heimel i jordlova §§ 9 og 12. Grunngjevinga er styrking av andre bruk.

Vedtak etter plan- og bygningslova:

Det vert gjeve løyve til deling av landbruksteig på ca 30-40 daa som tilleggsareal til gbnr 14/12 og landbruksteig på ca 130 daa som tilleggsareal til 14/8.

Det vert gjeve dispensasjon og løyve til deling av eksisterande våningshus med eigedom på ca 2,6 daa og teig på ca 1,0 daa med føremål bustad.

Teig på ca 4,4 daa med eksisterande driftsbygning og teig på 9,6 daa med eksisterande vedhus, totalt 14 daa, vert liggjande att med gbnr 14/17 med tilhøyrande rettar og plikter.

Vedtaket er gjort på følgjande vilkår:

1. Før oppmåling kan skje må gbnr 14/126 vera samanføyd med gbnr 14/17.

2. Før oppmåling kan skje må det sendast inn kart som viser grenser og areal for landbruksteigane som skal vera tilleggsareal til gbnr 14/12 og gbnr 14/8.

3. Før oppmåling kan skje må det naudsynte vegrettar og eventuelle rettar til vass- og avlaupsleidningar liggja føre for tinglysing.

4. Bustadteigane får gjerdeplikt.

5. Det er ein føresetnad for delingsløyvet at løyvet vert iverksett samla.

Grunngjeving for vedtaket er drøftingar i utvalet kring styrking av andre bruk og busetting i bygda.

Vedtaket har heimel i plan- og bygningslova § 20-1 m, jf. § 19-2 og naturmangfaldlova §§ 8-12. Vedtaket vert sendt Fylkesmannen i Hordaland for klagevurdering med 3 veker frist for å framsetja klage.

Behandling

Hovudutvalet var på synfaring før handsaming av saka.

Etter grundige drøftingar sette Leif Taule (Sp) fram følgjande vedtak:

Vedtak etter jordlova:

Det vert gjeve samtykke til deling av teig på 2,6 daa med eksisterande våningshus og ny bustadteig på 1,0 daa frå gbnr 14/17. Det vert gjeve samtykke til deling av landbruksteig på ca. 130 daa som tilleggsareal til gbnr 14/8 og landbruksteig på ca. 30-40 daa som tilleggsareal til gbnr 14/12.

Vedtaket har heimel i jordlova §§ 9 og 12.

Grunngjevinga er styrking av andre bruk.

Vedtak etter plan- og bygningslova:

Det vert gjeve løyve til deling av landbruksteig på ca. 30-40 daa som tilleggsareal til gbnr 14/12 og landbruksteig på ca. 130 daa som tilleggsareal til gbnr 14/8.

Det vert gjeve dispensasjon og løyve til deling av eksisterande våningshus med eigedom på ca. 2,6 daa og teig på ca. 1,0 daa med føremål bustad.

Teig på ca. 4,4 daa med eksisterande driftsbygning og teig på 9,6 daa med eksisterande vedhus, totalt 14 daa, vert liggjande att med gbnr 14/17 med tilhøyrande rettar og pliktar.

Vedtaket er gjort på følgande vilkår:

1. Før oppmåling kan skje må gbnr 14/126 vera samanfø

2. Før oppmåling kan skje må det sendast inn kart som viser grenser og areal for landbruksteigane som skal vera tilleggsareal til gbnr 14/12 og gbnr 14/8.

3. Før oppmåling kan skje må naudsynte vegrettar og eventuelle rettar til vass- og avlaupsleidningar liggja fø

4. Bustadteigane får gjerdeplikt.

5. Det er ein føresetnad for delingsløyvet at lø

Grunngjeving for vedtaket er drøftingar i utvalet kring styrking av andre bruk og busetting i bygda.

Vedtaket har heimel i plan- og bygningslova § 20-1 m, jf. § 19-2 og naturmangfaldslova §§ 8-12.Vedtaket vert sendt Fylkesmannen i Hordaland for klagevurdering med 3 veker frist for å framsetja klage.

Hovudutvalet vedtok samrøystes framlegg sett fram i møtet.

Vedtak

Det vert gjeve dispensasjon og løyve til deling av gbnr 85/9 som omsøkt jfr kart datert 19.11.2015 på følgjande vilkår:

1. Frådelt areal skal vera tillegg til gbnr 85/55 og ha same gards- og bruksnummer som denne.

2. Erklæring om rettar/plikter må leggjast fram for kommunen for tinglysning.

Grunngjeving av vedtaket er at dei omsyna som ligg bak bygge- og deleforbodet ikkje vert vesentleg tilsidesett, og at fordelane ved å gje dispensasjon vert klårt større enn ulempene, etter ei samla vurdering.

Vedtaket har heimel i plan- og bygningslova (pbl) § 20-1m (deling) og § 19-2 jf. § 11-6 (disp. frå kommuneplan) og naturmangfaldslova §§ 8-12.

Saka vert sendt Fylkesmannen i Hordaland for klagevurdering.

Behandling

Hovudutvalet vedtok samrøystes rådmannen sitt framlegg til vedtak.

Vedtak

Hovudutval for plan, landbruk og teknisk innstiller følgjande til kommunestyret:

Detaljplan for Svena fritidsbustader med planid 12602010000700 vert godkjent med planskildring (dagsett 12.05.2015) plankart (dagsett 11.01.2016) ogføresegner (dagsett 13.01.2016).

Grunngjeving av vedtaket er at arealbruken er i tråd med overordna plan for området.

Vedtaket har heimel i plan- og bygningslova §12-12.

Behandling

Hovudutvalet vedtok samrøystes rådmannen sitt framlegg til vedtak.

Vedtak

Hovudutval for plan, landbruk og teknisk innstiller følgjande til kommunestyret:

Detaljplan for Kvalheimsneset serviceområde med planid 12602014000750 vert godkjent med planskildring, plankart og føresegner.

Grunngjeving av vedtaket går fram av saksutgreiinga.

Vedtaket har heimel i plan- og bygningslova §12-12.

Behandling

Hovudutvalet vedtok samrøystes rådmannen sitt framlegg til vedtak.

Vedtak

Det vert gjeve dispensasjon frå arealføremål Byggeområde - gjestehus/serveringsstad til arealføremål Byggeområde - privat tenesteyting, asylmottak,for etablering av mellombels asylmottak på følgjande vilkår:

1. Dispensasjonen gjeld for inn til 6 år.

2. Før mottaket vert teke i bruk skal felles leik- og fritidsområde ved fylkesveg (C1) vera opparbeidd i samsvar med reguleringsplan og sikra mot trafikkfare.

3. Innan 31.12.16 skal felles leik- og fritidsområde ved sjø (C2) vera opparbeidd i tråd med reguleringsplan.

4. Før mottaket vert teke i bruk skal det etablerast eigna leikeareal som skal opparbeidast med minimum to leikeapparat, bord og benkar.

5. Før mottaket vert teke i bruk skal det vera plassert livredningsutstyr på høvelege stader i strandsona.

6. Før mottaket vert teke i bruk skal trafikksikringstiltak vera gjennomført.

7. Før mottaket vert teke i bruk skal det haldast branntilsyn v/Nordhordland og Gulen interkommunale brannførebyggande avdeling.

8. Før mottaket vert teke i bruk skal driftsoperatør på høveleg vis orientera dei faste campinggjestane og naboar om etablering av asylmottaket. Informasjonen skal gjera greie for driftsperiode, tal plassar og tilsette, korleis mottaket skal driftast, rutinar for tryggleik, konsekvensar for campingplassen og nærområda, kontaktinformasjon og andre naudsynte opplysningar for å leggja til rette for god sameksistens og integrering.

I tillegg til komplett søknad må følgjande liggja føre før søknad om bruksendring kan handsamast:

1. Søknad om tilkopling til kommunalt vassverk for bygningar som ikkje er søkt tilkopla tidlegare.

2. Søknad om nytt utsleppsløyve for eigedomen i samsvar med auka tal per, jf. forureiningslova § 12-3.

3. Situasjonsplan som viser parkeringsplassar, løysing for trygg ferdsel for mjuke trafikantar, plassering, opparbeiding og sikring av leike- og uteopphaldsareal, og plassering av livredningsutstyr.

Grunngjevinga for vedtaket går fram av saksframlegget.

Vedtaket har heimel i plan- og bygningslova § 19-2, jf. § 12-4 og naturmangfaldslova §§ 8-12.

Vedtaket vert sendt Fylkesmannen i Hordaland for klagevurdering.

Behandling

Hovudutvalet vedtok samrøystes rådmannen sitt framlegg til vedtak..