Vedtak
Radøy kommune tilrår søknad om delvis bompengefinansiering av Nordhordlandspakken datert 3.3.2014 med dei justeringane som går fram av saksutgreiinga frå Statens vegvesen Region vest av 30.4.2014, mellom anna felles oppstart for innkrevjing av bompengar i 2018.
Radøy kommune ser at det er naudsynt å gjennomføre Nordhordlandspakken i fleire trinn, for å sikre snarast mogleg byggjestart for prosjekta som er planavklarte. E39 Nyborgtunnelen og Fv57 Knarvik-Isdal vert innlemma i Nordhordlandspakken gjennom revisjon av pakken så snart det ligg føre avklarte planar og finansieringsløysing for desse prosjekta.
Radøy kommune ber om at Statens vegvesen og Bergen kommune medverkar til rask planavklaring av Nyborgtunnelen slik at prosjektet vert prioritert i neste revisjon av Nasjonal transportplan og kan innlemmast i Nordhordlandspakken. Radøy kommune legg til grunn at Statens vegvesen, Hordaland fylkeskommune og Bergen kommune vil finne ei god og framtidsretta løysing for Nyborgtunnelen som tek omsyn til transporteffektivitet, framtidig transportmønster i Bergensområdet og framkomst for kollektivtrafikken.
Radøy kommune ber om at Statens vegvesen og Hordaland fylkeskommune arbeidar vidare saman med Lindås kommune med sikte på å gjere naudsynte avklaringar slik at prosjektet Fv. 57 Knarvik-Isdal (inkl. bomstasjon ved Isdal) snarast vert innlemma i Nordhordlandspakken gjennom revisjon av pakken, mellom anna vurdere:
- om det er mogleg å byggje og ta i bruk eit av tunnelløpa, førdet
andre vert bygt.
-avklara framdrift og finansiering knytt til flytting av skular.
-vurdera finansieringsløysingar (auka offentleg innsats etc.). - Radøy kommune legg til grunn at dei udisponerte midlane(100
mill. kr.) vert nytta til gang- og sykkelvegar og vegutbetring der
det er størst behov for dei etter ein fordelingsnøkkel mellom
kommunane. Omsyn til farlege skulevegar må vega tungt i
prioriteringa av desse midlane i tråd med kommunale
trafikksikringsplanar.»
Behandling
Ordføraren tok opp spørsmål om sin habilitet i saka om Nordhordlandspakken, i tilknytning til at han som ordførar er observatør i styret i Nordhordlandspakken AS. Kommunestyret konkluderte med at ordføraren er habil, og han deltok i handsaminga av saka.Ordføraren orienterte deretter kommunestyret om sentrale element i Nordhordlandspakken.
Det kom fleire tilleggsframlegg i saka.
Kenneth Murberg (H) fremja følgjande tilleggframlegg:For å sikre at sekkeposten kjem nødvendige prosjekt på Radøy til gode, ber ein Statens Vegvesen konkretisera sekkeposten som eige punkt «Radøy, sekkepost, prioriterte prosjekt».Radøy kommune ber Statens Vegvesen om at følgende prosjekt vert lagt inn i pakken:
Utbedring av veien fra Hålandsdalen og til Marøykrysset
Utbedring av farleg vegtrase frå krysset ved Manger kyrkje og mot Ishusflaten
Utbedring av vegforhold i tilknytning til Hordabø skule
Utbedring av trafikkfarlege punkt mot Helland
Utbedring av farleg kryss i Lundsdalen
David Pletten Aasgard (KrF) kom med følgjande tilleggsframlegg
-Bygging av gang- og sykkelveg i tilknyting til samtlege barneskular i kommunen
-Utbygging av gang- og sykkelveg fråGjerde i nord til Lyngrensvingen i sør påSletta.
Frode Hervik (V) kom med følgjande framlegg:
Nytt strekpunkt, under pkt. 4:
"Radøy kommune legg til grunn at dei udisponerte midlane til gang- og sykkelvegar (100 mill. kr.) vert nytta der det er størst behov for dei, og at omsyn til farlege skulevegar må vega tungt i prioriteringa av desse midlane i tråd med kommunale trafikksikringsplanar."
Etter eit gruppeleiarmøte trekte Frode Hervik (V) tilleggsframlegget sitt og sette fram følgjande fellesframlegg:"Radøy kommune legg til grunn at dei udisponerte midlane (100 mill. kr.) vert nytta til gang- og sykkelvegar og vegutbetring der det er størst behov for dei etter ein fordelingsnøkkel mellom kommunane. Omsyn til farlege skulevegar må vega tungt i prioriteringa av desse midlane i tråd med kommunale trafikksikringsplanar.»
Kommunestyret vedtok formannskapstilrådinga, og fellesframlegget sett fram i møtet, mot tre røyster (FrP røysta mot).Tilleggsframlegget frå David Pletten Aasgard (KrF) fekk 11 røyster og fall.Tilleggsframlegget frå Kenneth Murberg (H) fekk 12 røyster og fall.