Utval: | Formannskapet i Radøy |
---|---|
Dato: | 01.10.2015 09:00 |
Møtestad: | |
Status: | Møtet er ferdig protokollert |
Sakskart: | ![]() |
Møteprotokoll: | ![]() |
Radøy kommune godtar ikkje justeringa i eigardelen i Interkommunalt Arkiv i Hordaland. Kommunen ber om at det blir laga ein ny fordelingsnøkkel med intervall-satsar som betre gjenspeglar kommunestorleik.
Formannskapet er ikkje tilfreds med auken i kostnadane til interkommunalt arkiv, og reagerer særleg påat det ikkjeer tilstrekkeleg skilnad utfråkommunestorleik. Formannskapet meiner Radøy kommune med sine vel 5000 innbyggarar betalar uforholdsmessig mykje i forhold til kommunar med t.d. 30.000 innbyggarar.
Det vart sett fram følgjande felles framlegg:
Radøy kommune godtar ikkje justeringa i eigardelen i Interkommunalt Arkiv i Hordaland. Kommunen ber om at det blir laga ein ny fordelingsnøkkel med intervall-satsar som betre gjenspeglar kommunestorleik.
Tertialmelding andre tertial 2015 vert teken til orientering.
Økonomisjefen orienterte om den økonomiske situasjonen i kommunen. Han rapporterte om ei velfungerande månadsrapportering frå dei ulike tenesteleiarane, ei oppfølging som er gjennomført for første gong i år. Han konstaterer at kommunen ligg på eit nøktern og forsiktig driftsnivå.
Økonomisjefen signaliserte at det kan gå mot eit underskot på 3-5 millionar kroner i 2015. Mellom anna ser det ut til å bli eit betydeleg avvik innanfor helse- og omsorgssektoren, mellom anna er det usikkert om budsjettert brukarbetaling knytt til Velferdssenteret vil halda.
Kenneth T. Murberg etterlyste samanslåing av fleire investeringar i felles anbod, og meiner det er ein god del å spara på eit slikt opplegg. Han etterlyste også synleggjering av tiltak for å retta opp den økonomiske situasjonen og tettare oppfølging av investeringsprosjekta.
Rådmann Jarle Landås viste til at han konstaterer at oppfølginga er tettare enn før. Rådmannen er også tilfreds med oppfølginga ei meir systematisk og tettare oppfølging av budsjetterte investeringar.
Formannskapet drøfta også det høge langtidssjukefråveret, aukande sosialhjelps-utbetaling og mogeleg innføring av arbeidsplikt. Rådmannen peika på at den ferske forvaltningsrapporten frå NAV Radøy gir eit godt grunnlag for å følgja opp både desse og andre utfordringar meir systematisk. Med dagens utvikling på arbeidsmarknaden gjorde han det klart at ein ikkje kan forventa reduksjon i utbetalingane til sosialhjelp med det første, snarare tvert imot. Rådmannen viste også til at det er ei arbeidsgruppe, med kommuneoverlege Grethe Fosse som leiar, som er igang med å kartleggja og utarbeida tiltak for å få ned sjukefråveret.
Ordføraren orienterte om situasjonen for Manger kyrkje, der kostnadane med oppretting no ser ut til å koma på over sju millionar kroner, meir enn dobla så mykje i forhold til summen som er løyvd i budsjettet. Difor er det nødvendig å sjå ei ekstraløyving i saman med handsaming av budsjettet for 2016. Det er også semje i formannskapet om at også Radøy sokn og Riksantikvaren bør bidra i finansieringa av opprettinga. Radøy sokn har frå 5. oktober gått til stenging av kyrkja til gudstenester inntil forsterkninga av kyrkja er ferdigstilt. Ved andre tilskipingar vert kyrkja stengt når vindstyrken er over 15 m/s.
Formannskapet vedtok rådmannen sitt framlegg til vedtak.
Styringsgruppa drøfta saka.
Etter kommunestyret sitt vedtak om å trekkja seg frå det store Nordhordlands-alternativet, står Radøy igjen med 3-kommune-forhandlingane. Det er ikkje fastsett dato for neste møte i forhandlingsutvalet for dette alternativet.
Rapporten frå innbyggarundersøkinga som er gjort knytt til det store Nordhordlands-alternativet er venta 20. oktober.
Ordførar Jon Askeland har vore leiar i forhandlingane for 8-kommunar-prosjektet, og trekkjer seg no frå denne funksjonen på bakgrunn av at Radøy ikkje lenger er med her.
Styringsgruppa drøfta tid og form på dei planlagde folkemøta. Det vart konkludert med å halda fire krinsvise møte i november. Forhandlingsutvalet får ein sentral funksjon på folkemøta. Her vert det lagt opp til informasjon og dialog. Her vil også resultatet frå innbyggarundersøkinga bli presentert og belyst.
Meldingar og referatsaker til orientering, med dei framlegg som vart sett fram i møtet.
Fiberdekning: Ordføraren informerte om at Radøy kommune har fått fem millionar i statleg tilskot til fiberutbygging. Radøy og Austrheim sendte felles søknad, og fekk tilsaman åtte millionar i tilskot. Ordføraren konstaterer med glede at det to kommunane får landets beste fiberdekning.
Bergen og Omland Havnevesen: Formannskapet drøfta meldingssakene knytt til Bergen og Omland Havnevesen, og konkluderte med at kommunen ikkje gjer noko aktivt i saka før etter det tillyste eigarmøtet.
Sjøtrafikksentral Fedje: Ordføraren orienterte om utspelet frå regionrådet knytt til framtida for Fedje sjøtrafikksentral. Han peika på at trafikksentralen vart etablert som eit vilkår for etableringa av Mongstad-raffineriet. Staten meiner Fedje-sentralen kan sentraliserast til Haugesund, men dette er noko regionen set seg sterkt imot.
Kreftkoordinator: Ordføraren informerte om at Lindås kommune har fått tilbod om midlar til ei stilling som kreftkoordinator - eit tilbod som vil koma heile Nordhordland til gode.
TV-aksjonen: Formannskapet gjorde følgjande samerøystes vedtak: Radøy kommune gir eit tilskot på 5000 kroner til TV-aksjonen NRK 2015. Det tilsvarar ca ei kroner per innbyggar.
Bustadsosial handlingsplan: Kommunalsjef helse og omsorg, Johan B. Sandal, orienterte om arbeidet med bustadsosial handlingsplan. Denne temaplanen vil vera eit viktig rammeverk også for framtidig busetjing av flyktningar. Kommunalsjefen viste også til at IMDI har bede kommunen ta i mot rundt tre gonger så mange flyktningar enn det kommunen så langt har vedteke. Sandal viste til initiativet som er tatt for ei samordning av busetjing/integrering i Nordhordland. Kenneth T. Murberg lanserte ideen om å få til ein dialog mellom flyktningar frå Eritrea og medlemane i formannskap/kommunestyre, der flyktningane kan orientera om sin situasjon.
Kommunalsjefen kom også inn på strategisk tenking knytt til utbygging av institusjonsplassar, og peika på at behovet for nye sjukeheimsplassar vil skyta fart først etter 2020.
Formannskapet tok meldingar og referatsaker til orientering, med dei framlegg som vart sett fram i møtet.
Politikar | Parti | Medlemstype | E-Post |
---|---|---|---|
Jon Askeland | Radøy Senterparti | Ordførar | jon.askeland@radoy.kommune.no |
Ann Christin Hoen | Radøy Arbeidarparti | Varaordførar | hoenannc@gmail.com |
Roy Bø | Radøy Fremskrittsparti | Medlem | royboe53@gmail.com |
Kenneth Taule Murberg | Radøy Høgre | Medlem | kenneth.taule.murberg@no.issworld.com |
Silje Namtvedt | Radøy Senterparti | Medlem | Siljenamtvedt@hotmail.com |
Anne Berit Bø Palmesen | Radøy Senterparti | Varamedlem | anneberitpalmesen@outlook.com |
Birthe Haugland Frotaule | Radøy Venstre | Varamedlem | bfrotaule@gmail.com |
Finn Frantzen (Ikke møtt) | Radøy Kristeleg folkeparti | Medlem | Finn.Frantzen@radoy.kommune.no |
Frode Hervik (Ikke møtt) | Radøy Venstre | Medlem | frode.hervik@gmail.com |