Utval: | Hovudutval for plan, landbruk og teknisk |
---|---|
Dato: | 16.03.2016 09:00 |
Møtestad: | Kommunestyresalen |
Status: | Møtet er ferdig protokollert |
Sakskart: | ![]() |
Delegerte saker vert tekne til orientering.
Hovudutvalet tok delegerte saker til orientering.
Meldingar og referatsaker vert teke til orientering med tillegg sett fram i møtet.
Leif Taule (Sp) ønskjer at referat frå møte i underutvalet for vilt og innlandsfiske og Landbruksfagrådet får ein fastare struktur og same form som for andre møtereferat.
Under melding- og referatsaker ber Taule om å få lagt fram fylkesmannen sitt svar i saker som er handsama i hovudutvalet og som ikkje kjem opp til ny handsaming i utvalet-
Leif Taule viste til at det er kome svar frå fylkesmannen i hovudutvalet si sak 03/2016 - delingssak gbnr 14/17 - Soltveit - nye grunneigedomar for bustad og tilleggsjord - deling etter jordlova og plan- og bygningslova og dispensasjon frå arealføremål LNF.
Taule informerte om at han og ordføraren hadde fått audiens hjå Fylkesmannen i Hordaland for å koma med ei utfyllande grunngjeving for vedtaket i hovudutvalet. Han er svært tilfreds med møtet med fylkesmannen, og glad for at fylkesmannen ikkje har påklaga vedtaket i utvalet. Taule meiner hovudutvalet har kome så langt som det politisk er mogleg i denne saka.
Rådmann Jarle Landås sa at han først i ettertid vart gjort merksam på at Radøy kommune på politisk nivå hadde vore i møte med fylkesmannen. Han gav uttrykk for at rådmannen burde vore orientert om møtet. Leif Taule svara at møtet var eit reint politisk initiativ, men er samd i at rådmannen burde fått melding straks møtet med fylkesmannen var avtalt. Taule gjorde det også klart at det berre er i heilt spesielle saker det er aktuelt å be om slike møte.
Rådmannen orienterte om situasjonen på felles landbrukskontor etter at landbrukssjef Toril Mulen slutta. Det var få søkjarar til den ledige stillinga. Det blir arbeidd med å finna ei løysing med Lindås kommune om kjøp av leiar- og sakshandsamingsressursar for ein periode framover.
Utvalsleiar Christel Villanger Håland (H) formidla eit ønskje om ei orientering om administrasjonen sitt arbeid med ulovlege tiltak. Rådmannen peika på at det er gjort ein god del ulovlege tiltak i Radøy, og understreka at det er nødvendig med politisk ryggdekning i oppfølginga av ulovlege tiltak. Rådmannen vil koma tilbake med ei orientering i neste møte.
Det vart også stilt ein del spørsmål frå hovudutvalet, som rådmannen, kommunalsjef for drift og forvaltning og leiar teknisk forvaltning svara på.
Hovudutvalet gjorde følgjande endring i møteplanen:
Neste møte i hovudutvalet vert framskunda til 27. april (frå 4. mai).
Hovudutvalet tok meldingar og referatsaker til orientering, med dei tillegg som kom fram i møtet.
Retningsliner for viltfondet vert vidareført med følgjande tillegg:
- Søknadane vert handsama to gonger om året.
- Tillegg til pkt 5 om bruk av viltfondet: - fortrinnsvis lokale tiltak.
Leif Taule (Sp) meiner føreslegne endringar i retningsliner for viltfondet er så små at det ikkje må handsamast i kommunestyret. Hovudutvalet gav si tilslutning til dette.
Hovudutvalet ser behovet for to søknadsfristar i året for tilskot frå viltfondet, datofesta til 1.april og 1. september.
Det vart sett fram følgjande framlegg:
Retningsliner for viltfondet vert vidareført med følgjande tillegg:
- Søknadane vert handsama to gonger om året.
- Tillegg til pkt 5 om bruk av viltfondet: - fortrinnsvis lokale tiltak.
Rådmannen sitt framlegg til vedtak, med framlegg sett fram i møtet, vart samrøystes vedteke.
Hovudutvalet vedtar Tiltakstrategi for bruk av SMIL-midlar for perioden 2016-2019 som den ligg føre.
Hovudutvalet ber om at det vert arbeidd inn i dokumentet kven som kan søkja om SMIL-midlar. Denne informasjonen må leggjast ut på kommunen si heimeside.
Hovudutvalet Leif Taule (Sp) sette fram følgjande tilleggsframlegg:
Hovudutvalet ber om at det vert arbeidd inn i dokumentet kven som kan søkja om SMIL-midlar. Denne informasjonen må leggjast ut på kommunen si heimeside.
Områdeplan for Austmarka – Storheim, planID 12602011000200, vert godkjent for 1. gongs høyring og offentlege ettersyn.
Grunngjeving for vedtaket er at planframlegget i hovudsaker i tråd med overordna plan for området.
Vedtaket har heimel i pbl §§ 5-2 og 12-10.
Leiar for teknisk forvaltning, Tonje N. Nepstad orienterte om arbeidet med områdeplan for Austmarka/Storheim-Kalnes. Ho peika på at bustadområde står sentralt i planen, og at det er lagt inn relativt store friluftsområde. Rekkjefølgjekrav i planen handlar i særleg grad om omsynet til trygg skuleveg.
Leiar teknisk forvaltning svara på spørsmål.
Hovudutvalet vedtok samrøystes rådmannen sitt framlegg til vedtak.
Klagene vert ikkje teke til følgje og vedtak i sak 079/2015 vert stadfesta.
Grunngjevinga går fram av saksframlegget.
Heimel for vedtaket er plan- og bygningslova § 12-14, jf. forvaltningslova § 33.
Klagen vert sendt Fylkesmannen i Hordaland for endeleg avgjerd.
Hovudutvalet vedtok samrøystes rådmannen sitt framlegg til vedtak.
Saka vert utsett.
Hovudutvalet var på synfaring i saka.
Rådmann Jarle Landås orienterte om problemstillingane i saka.
Hovudutvalet drøfta saka grundig.
Utvalsleiar Christel Villanger Håland sette fram utsetjingsframlegg.
Hovudutvalet vedtok samrøystes framlegg om utsetjing.
Det vert gjeve dispensasjon frå krav om utarbeiding av reguleringsplan for planering/heving av terreng på følgjande vilkår:
Eksisterande murar avgrensar tiltaket. Det kan ikkje førast opp nye murar/skjeringar eller utfylling i sjø.
Planering skal skje med steinmassar som tilsvarar kringliggjande terreng. Eigedomen skal fremstå som naturtomt og det kan ikkje nyttast asfalt, betong, betongstein, trevirke eller tilsvarande material.
Det kan ikkje setjast opp gjerde/stengsler eller andre privatiserande tiltak som hindrar ålmenta si ferdsle i strandsona.
Det kan ikkje førast opp andre tiltak utan at det på førehand er søkt om løyve til tiltak, og bruk av området må vere i samsvar med arealføremål for eigedomen.
Grunngjevinga går fram av saksutgreiinga.
Heimel for vedtaket er plan- og bygningslova § 19-2, jf. § 11-6 og Kommuneplan for Radøy kommune pkt. 2.1 jf. plan- og bygningslova § 11-9 nr. 1.
Hovudutvalet vedtok samrøystes rådmannen sitt framlegg til vedtak.
Det vert gjeve dispensasjon i frå plankrav for deling og oppføring av tomannsbustad som omsøkt,samt løyve til deling med føremål tomannsbustad, på følgjande vilkår:
erklæring om rettar i fast eigedom for å føre leidningsnett for vatn og avløp over annan grunn skal leggjast fram for kommunen for tinglysing før oppmåling kan skje.
det må søkjast om løyve til tilkopling til kommunal leidningsnett før oppmåling kan skje.
det må søkjast om avkjørsle til fylkesveg før oppmåling kan skje.
bustaden og tilhøyrande anlegg skal plasserast som omsøkt.
det kan ikkje utførast terrenginngrep ut over dei tiltak som er vist i situasjonsplan datert 23.09.15 og snitt datert 13.11.15. Planering for såle skal avsluttast med naturleg fall mot opphavleg terreng.
kommuneplanens føresegner gjeld for utføring av tiltak.
felles avkjørsle skal vere opparbeidd, og eksisterande avkjørsle til gbnr 99/73 skal vere stengd, før det kan gjevast bruksløyve for tomannsbustaden.
Grunngjeving for vedtaket går fram av saksutgreiinga.
Vedtaket har heimel i plan- og bygningslova pbl § 20-1 m, jf §§ 19-2 og 11-6, samt naturmangfaldslova §§ 8-12.
Hovudutvalet var på synfaring i saka.
Johnny Ystebø (Sp) har kome med merknad i saka, og sa seg inhabil. Hovudutvalet erklærte Ystebø inhabil, og han deltok ikkje i handsaminga av saka.
Hovudutvalet vedtok samrøystes rådmannen sitt framlegg til vedtak.
Politikar | Parti | Medlemstype | E-Post |
---|---|---|---|
Christel Villanger Håland | Radøy Høgre | Utvalsleiar | christel@villanger.net |
Leif Gunnar Taule | Radøy Senterparti | Nestleiar | leif.taule@gmail.com |
Dag Sætre | Radøy Senterparti | Medlem | dag.setre@radoy.kommune.no |
May Britt Vågenes Gjerde | Radøy Senterparti | Medlem | maybritt@gjer.de |
Edgar Grindheim | Radøy Arbeidarparti | Varamedlem | edgar.grindheim@hfk.no |
Henning Haugland | Radøy Høgre | Varamedlem | Henninghaugland@me.com |
Johnny Ystebø | Radøy Senterparti | Varamedlem | |
Morgan Taule (Ikke møtt) | Radøy Arbeidarparti | Medlem | morgan.taule@gmail.com |
Liv Berit Rath (Ikke møtt) | Radøy Arbeidarparti | Medlem | livb.rath@gmail.com |
Roy Bø (Ikke møtt) | Radøy Fremskrittsparti | Medlem | royboe53@gmail.com |