Čoahkkin Kommunestyret i Radøy 03.10.2019

Vedtak

Meldingar og referatsaker vert tekne til orientering

Behandling

Orientering Alver kommune:
Programansvarleg/rådmann i Alver, Ørjan Raknes Forthun, gav ei grundig orientering om status og framdrift for Alver kommune, og peika på aktuelle problemstillingar knytt til samanslåinga. Han sa at dei aller fleste prosjekta no er inne i gjennomføringsfasen, og det er no eit spesielt fokus for å sikra at det som er "kritiske faktorar" for dei ulike tenestene blir ivaretatt og skal vera på plass frå 1/1 2020. Alver-rådmannen rosa dei tilsette for det flotte arbeidet som blir lagt ned ute i organisasjonen.

Vidar Grindheim (H) peika på at intensjonsavtalen seier at den nye kommunen skal ta med seg "best praksis" i dei tre kommunane. Alver-rådmannen svara at det er gjort grundig gjennomgang av arbeidsprosessane, og sa at det ikkje er nødvendig er "best praksis" - men "endå betre praksis" som blir resultatet.

Silje Namtvedt (SP) spurde om situasjonen for jordmor- og helsestasjonstenesta i Alver. Ho uttrykte også bekymring for sentraliseringa av NAV til Knarvik.
Ørjan Raknes Forthun sa at helsestasjonane skal fortsetja som dei gjer i dag. Han sa at det er mogleg å finna desentraliserte løysingar for NAV, sjølv om tenesta blir samla i Knarvik, og at ein i første omgang vil testa ut det reelle behovet.

Kommunestyret tok meldingar og referatsaker til orientering, med dei tillegg som vart sett fram i møtet.

Vedtak

1. Det blir etablert eit nytt kommunalt revisjonsselskap med namn Vestlandsrevisjon IKS.Radøy godkjenner selskapsavtalen som gjeld frå stiftingsdato til 31.12.2019.

2. Ordførar er Radøy kommune sin representant i representantskapet.

3. Radøy trer ut av det nye selskapet frå og med 01.01.2020, i samsvar med tidlegare oppseiing av deltaking i NHR-IKS.

4. Radøy kommunestyre gjev ordførar og rådmann fullmakt til å inngå sluttavtale med NHR-IKS der pensjonsopparbeidde pensjonsrettar i selskapet pr. 31.12.2019 blir innfridd.

Behandling

Kommunestyret vedtok formannskapet si tilråding.

Vedtak

Kommunestyret godkjenner avtale om administrativt vertskommunesamarbeid om Krisesenter for Bergen og omegn slik den ligg føre (vedlegg).

Rådmann får fullmakt til å godkjenne seinare mindre vesentlege revisjonar av avtalen, og peiker ut aktuelle kontaktpersoner som representerer kommunen.

Behandling

Kommunestyret vedtok formannskapet si tilråding.

Vedtak

Radøy kommune forskotterer spelemidlar og mva-kompensasjon til Hordabø idrettslag, knytt til lager ved Hordabøhallen med inntil 1 173 000. Det er ein føresetnad at heile det forskotterte beløpet skal betalast attende, uansett storleik på faktisk utbetalt mva-kompensasjon og spelemidlar, seinast 31.12.2024. Kompensasjonsbeløpet Hordabø idrettslag får overført etter søknad, skal straks og uavkorta overførast Alver kommune. Alver kommune skal også kunna halda attende spelemidlar i den grad det forskotterte beløpet ikkje blir dekka fullt ut. Det vert ikkje rekna rente av det forskotterte beløpet.

Forskotteringa vert ført i investeringsrekneskapen, og vert ført i balansen som eit finansielt anleggsmiddel. Finansiering ved bruk av disposisjonsfond.

Behandling

Uttale frå Radøy idrettsråd vart ettersendt på e-post.

Saka vart handsama i kommunestyret utan handsaming i formannskapet.

Kommunestyret vedtok rådmannen sitt framlegg til vedtak.

Vedtak

Radøy kommune inngår avtale om kjøp av tilrettelagde bustader i Langhøyane for menneske med nedsett funksjonsevne, innafor dei rammene som er skissert i saksutgreiinga.

Investeringsbudsjettet for 2019 vert auka med kr. 840.000, finansiert ved bruka av unytta lånemidlar.

Behandling

Rådmann Jarle Landås orienterte om prosjektet, som er eit ledd i oppfølginga av bustadsosial handlingsplan. Han understreka behovet for bustadtilbod til psykisk utviklingshemma og peika på at det er ei stor gruppe som etter kvart står klar til å flytta heimefrå og inn i eigen bustad. Det skal byggast fem husvære på Langhøyane, og kommunen skal kjøpa nøkkelferdige bustader med fellesareal og personal-fasilitetar. Rådmannen orienterte om finansieringsopplegget, som mellom anna omfattar gode tilskot frå Husbanken.

Ordførar Jon Askeland rosa rådmannen for å ha funne fram til gode og konstruktive løysingar for å få dette prosjektet i hamn som Radøy kommune. Han sa at dette er viktige investeringar både for Radøy og Alver kommune.

Kommunestyret vedtok rådmannen sitt framlegg til vedtak.

Vedtak

Tilbakemelding om oppfølging av forvaltningsrapport om "Tidleg innsats i oppvekstsektoren" vert tatt til orientering.

Behandling

Kommunestyret tok formannskapet si tilråding til orientering.

Vedtak

Radøy kommune garanterer med sjølvskuldnargaranti for lån i bank som Aufera AS tek

opp til kjøp av seksjon I gnr 45, bnr 264 I Radøy kommune.

Garantien gjeld for hovudstolen på lånet, maksimalt NOK 12.500.000, med tillegg på 10% av til ei kvar

tid gjeldande hovudstol, til dekking av mogelege påkomne renter og kostnader. Kommunen sitt

maksimale garantiansvar kan ikkje overstiga NOK 13.750.000.

Garantiansvaret vert redusert i takt med nedbetalinga av lånet, og opphøyrer etter 30 år, med tillegg

av inntil 2 år, jf garantiforskrifta §3.

Behandling

Kommunestyret tok stilling til inhabilitet for fleire av medlemmane i denne saka.
Vidar Grindheim (H) og Kirsti Gjetle Floen (AP) sit i styret i Aufera AS. Kommunestyret erklærte Grindheim og Floen inhabile, og dei deltok difor ikkje i handsaminga av saka.
Else Marie Skartveit Dale (KRF) og Josten Borlaug (AP) er medlemmar i representantskapet i Aufera AS. Kommunestyret kjende dei inhabile, og dei deltok ikkje i handsaminga av saka.

Morgan Taule (AP) er dagleg leiar i konkurrerande selskap, og ba kommunestyret vurdera habiliteten sin.
Kommunestyret kjende Taule inhabil, og han deltok ikkje i handsaminga av saka.

Kommunestyret vedtok rådmannen sitt framlegg til vedtak.

Vedtak

Radøy kommune definerer særleg farleg skuleveg ut frå «Analyse av særleg farleg eller vanskeleg skuleveg, Radøy kommune, datert 5.7.2019» utført av Norconsult. Elevar som har adresse som gjer at dei må forbi område som er definert som særleg farleg, får vedtak om gratis skuleskyss frå 1.oktober 2019.

Behandling

Silje Namtvedt (SP) kom med følgjande protokollmerknad:
Slettevegen er merka oransje, som gjev rett til gratis skuleveg for 1. og 2. klassingar. Denne bør vera raud grunna tungtrafikk og høg hastigheit.

Kommunestyret vedtok formannskapet si tilråding.

Vedtak

I samsvar med Plan og Bygningslova §12-12 godkjenner Hovudutval for plan, landbruk og teknisk i Radøy kommune detaljreguleringsplan for Kvalheimsneset fritidsbustad og serviceområde (PlanID: 12602017000100) med plandokument datert 07.03.2019.

Behandling

Leiar i hovudutvalet, Christel Villanger Håland (H), gav ei grundig orientering om utvikling og status i saka, og oppmoda og oppmoda kommunestyret om å følgja hovudutvalet si samrøystes innstilling.

Kommunestyret vedtok hovudutvalet si tilråding.