Vedtak
Meldingar og referatsaker vart tekne til orientering.
Behandling
Orienteringar
IKT:Leiar i IKT Nordhordland, Thomas Rønn Aar, orienterte om drifta og utfordringar knytt til det regionale IKT-samarbeidet. Han la fram tal som viste at kommunane i regionen både har fått godt utbygt IKT-system, og til ein kostnad som ligg godt under gjennomsnittet i kommune-Norge.Rønn Aar orienterte formannskapet om at det er få organisasjonar som har så mange og komplekse fag- og IKT-system som kommunane. Han framheva at IKT Nordhordland er her for å utføra oppdrag for kommunane, og han svara på ei rekkje spørsmål. Leiaren i IKT Nordhordland fortalde at arbeidet som kommunane i regionen gjer innanfor IKT vert lagt merke til rundt om i landet.Frode Hervik (V) tok opp spørsmålet om nettbrett, og meiner dei er for lite brukarvenlege.
Skule-næringsliv: Kommunalsjef Jo Tømmerbakke orienterte om samarbeidet skule-næringsliv, mellom anna med fokus på Ungt Entreprenørskap. Målsetjinga er å utdanna elevar til å verta arbeidsskapar så vel som arbeidstakar. Han peika også på at 70 prosent av dagens bedrifter er borte eller totalt endra om ti år, og at 30 prosent av yrka i framtida er ukjende for oss.
Radøy kommune har inngått avtale med Ungt Entreprenørskap. Kommunalsjefen framhevar det store potensialet som ligg i dette samarbeidet, samtidig som det kostar kommunen lite. Skulane i Radøy nyttar seg av fleire av UE sine opplegg, mellom anna «Vårt lokalsamfunn» for 4.klassen og prosjektet «Smartare energi» for 5.-7. trinnet. I år er for første gong mellomsteget på alle barneskulane med på dette opplegget. Kommunalsjefen fortel om glød og entusiasme både mellom elevane og lærarane i desse prosjekta.Så langt er det inga elevbedrift på ungdomsskulen, men kommunalsjefen er innstilt på å jobba vidare med korleis elevbedrift kan leggast inn i læreplanen og koplast til ei praktisk tilnærming til teorifaga.Formannskapet gav kommunalsjefen full støtte i arbeidet.
Trivsel- og læringsmiljø: Kommunalsjef Jo Tømmerbakke orienterte om utviklingsarbeid knytt til læringsmiljø, sosialt miljø og mobbing i Radøy-skulane. I dette utviklingsarbeidet har kommunalsjefen felles skule/heim-samarbeid, grunnleggjande ferdigheiter og læringsmiljø/klasseleiing og leiing som fokusområde. Viktige element i dette arbeidet er mellom anna kontinuerleg arbeid på alle nivå, felles haldningar, felles oppfatning av kva som er meir og mindre problemåtferd, og felles reaksjonsmønster.Radøy-skulane gjer seg nytte av ulike tiltak og program i det haldningsskapande arbeidet mot mobbing. Kommunalsjefen er tydeleg på at det hjelper ikkje kva program ein har, om ikkje ein har tydelege, samkjørte vaksne som reagerer på same type åtferd, med same reaksjon – både heime og på skulen.Tømmerbakke konkluderte med at skulane ikkje nødvendigvis treng bruka mykje ressursar på dyre program, ettersom det meste er fritt tilgjengeleg gjennom mellom anna Utdanningsdirektoratet.Han viste også til at Radøy i sum brukar bra med ressursar på området. Det er få kommunar som har både ungdomskoordinator og MOT.Kommunalsjefen kjem tilbake med innstilling.
Meldingar og referatsakerAufera:Formannskapet tok årsmeldinga til Aufera til orientering. Ordføraren peika på at Aufera, som er eit samarbeidsprosjekt mellom Radøy, Austrheim, og Fedje, er ei god og viktig bedrift. Han ønskjer å invitera dagleg leiar til ågje ein presentasjon i kommunestyret 10. april.
Hordabøheimen:Rådmannen orienterte om status for Hordabøheimen. Kjøpar, Radøy Bemanning, som kom med høgste bod, har framleis ikkje overteke bygningen. Kjøpar har overfor kommunen stilt fleire krav som måvera innfridd før overtaking. Mellom anna gjeld det forhold knytt til ein søknad om omregulering frå offentleg til privat bruk av bygningsmassen. Rådmannen understrekar at det er svært viktig å skilja mellom Radøy kommune som seljar og plan- og bygningsstyresmakt.
Campingtilsyn:Då Radøy kommune avslutta campingtilsynet, vart det gjort klart at kommunen ville følgja opp med eit nytt tilsyn. Radøy kommune vil knyta til seg ekstern bistand for å få utarbeidd ein rapport om metode for tilsyn og rettstilstanden på området. Oppdraget skal ut påanbod. Fylkesmannen har fatta interesseog har løyvd midlar til gjennomføringa.
Austmarka øvre:Rådmannen orienterte om utfordringane knytt til vidare framdrift i det aktuelle området.Kommunen selde i si tid området for halvannan million kroner, og sikra seg retten til tilbakekjøp dersom det ikkje vart sett i gang utbygging. Seinare har areal blitt selt vidare for større summar, og i dag heftar det også ein pant på sju millionar kroner på eigedomen. Kommunen er i dialog med Green Living for å finna fram til gode løysingar. Rådmannen informerte om at kommunen no ser på om det er mogleg åskipa eit kommunalt utbyggingsselskap for å bidra til ei utvikling av området.
Terapibassenget: Rådmannen orienterte om arbeidet med å få reparert terapibassenget. Det som skal rivast er gjort, og han har håp om at bassenget kan vera i drift att ved påsketider. Terapibassenget har vore stengd i lengre tid på grunn av at store lag med fliser har løsna. Rådmannen informerte om at kommunen jobbar med ei garantisak i forhold til skadane i bassenget. Ordføraren ba rådmannen informera innbyggarane godt om prosessen.
RIB-stillingar: Rådmannen orienterte om stillingar som er utlyst som ledd i ei nødvendig styrking ved Radøy interkommunale busenter.
«Brannstudien»: Ordføraren orienterte om arbeidet med organisering av brannvernet i Bergensområdet. Det vert mellom anna gjort framlegg om at brannvernet i omkringliggande kommunar skal verta administrativt toppstyrt frå Bergen. Samtidig skal den frivillige førstelinje-beredskapen oppretthaldast lokalt, og bil- og utstyrssatsinga skal ikkje svekkast ved ei mogleg endring.
Matjord:Ordføraren viste til skriv frå Norges Bygdekvinnelag som krev sterkare vern av matjorda. Han framheva gode eksempel frå anleggsområde på Radøy, der jord som skal vekk vert tatt i bruk til jordbruksland annan stad.
BKK-utbytte:Ordføraren om eigarmøte i BKK. I år vert det lagt opp til eigarutbytte som forventa, men i den neste tre års perioden vil det verta budsjettert med nedgang i utbytte. Årsaka ligg mellom anna i forventa lågare kraftprisar og store investeringar i kraftnett-utbygging.
Felles landbrukskontor:Planane om eit utvida felles landbrukskontor er skrinlagd. Ordføraren informerte at det er konklusjonen etter eit fellesmøte mellom ordførar og rådmenn i dei aktuelle samarbeidskommunane.Det vert konkludert med at planane for eit utvida felles landbrukskontor blir dyrare og dårlegare for fleire av kommunane. Radøy held fram samarbeidet med Austrheim og Radøy om felles landbrukskontor.
Politiråd:Varaordførar Ann Christin Hoen orienterte frå møte i Politirådet. Der vart det lagt fram ei undersøking som understrekar foreldra si store påverknad påbarn og unge i haldningsskapande arbeid for alkoholbruk og rus. Politirådet vil jobba vidare for åstyrka foreldra sin medverknad og engasjement.
Utmarksbrannar –felles strategi:I ROS-analysen for Radøy er skogbrann framheva som den største risiko. Dei store brannane i Lærdal og Trøndelag den seinare tida, kunne også skjedd i Nordhordland. Ordføraren informerte om at det vert arbeidd med å få eit regionalt samarbeidsprosjekt for å utarbeida ein felles strategi i forhold til brannfare. Detvert eit førebuande møte om saka i Austrheim 3. mars, der kommunane Austrheim, Fedje og Radøy deltek. Men ein søknad til fylkesmannen om skjønsmidlar til prosjektet vil sjåheile regionen under eitt.
Kransnedlegging 17.mai:Avklaring om kven som skal leggja ned krans på bauta og minnesteinar ved kyrkjene 17. mai.Fordelinga vert slik:Bø - Frode HervikSletta - Morgan TauleSæbø - Kenneth MurbergManger - Silje Namtvedt
Formannskapet tok meldingar og referatsaker til orientering.