Čoahkkin Formannskapet i Radøy 26.03.2015

Vedtak

Radøy kommune gjev Redningsselskapet Ung Radøy kr 10 000 i etableringsstøtte.

Behandling

Formannskapet vedtok samrøystes rådmannen si tilråding.

Vedtak

Radøy kommune vil støtta opp om Friluftslivets år 2015, og arbeida for måla om å gje friluftsliv auka merksemd og varige resultat i form av auka deltaking i friluftsliv i alle delar av befolkninga.

Kommunen vil:
- Støtta opp om aktivitetar og arrangement i Friluftslivets år.
- Vektleggja omsyn til friluftsliv i kommunen sitt planarbeid.
- Stimulera barnehagar og skular i kommunen til å bruka naturen til leik og læring.
- Satsa på stien som aktivitetsanlegg.
- Bruka friluftsliv som eit positivt verkemiddel i folkehelsearbeidet i kommunen.
- Arrangera Ordføraren sin tur; ein open tur med ordføraren som turleiar, og "Min tur" med
formannskapsmedlemane som turvert.
- Stilla opp til bålsamtale eller anna møte med friluftsorganisasjonane i kommunen.
- Stimulera born og unge til å bruka naturen også på fritida.
- Kopla friluftsaktivitetar og kulturminne

Behandling

Ordførar Jon Askeland gjorde framlegg om at Ordføraren sin tur vert utvida med "Min tur", der formannskapsmedlemane inviterer innbyggarane til å vera med på tur.

Formannskapet vedtok samrøystes rådmannen si tilråding, med ordføraren sitt tilleggsframlegg i møtet.

Vedtak

Manger idrettslag får kommunal garanti for lån inntil 3,2 mill. Garantien vert gitt som sjølskuldnarkausjon. Løpetida for garantien er maksimalt 20 år. Garantien skal nedskrivast kvart år til restsaldo ved årsskiftet. Garantivedtaket skal godkjennast av Fylkesmannen i Hordaland.

Behandling

Finn Frantzen (KrF) etterlyste planar og budsjett for arbeidet som Manger IL skal gjera i Grønålen. Frode Hervik (V) ba om at skriv frå idrettslaget vert lagt med saka. Her ser sak om lånegaranti som ein del av ei større sak knytt til spørsmål om kommunal medverknad til legging av nytt kunstgrasdekke på Manger og Bø. Ordførar Jon Askeland viste til at den saka kjem opp i neste møte. Han ser på lånegarantien som eit fundament for handsaming av kunstgras-saka.

Formannskapet vedtok samrøystes rådmannen si tilråding.

Vedtak

Radøy kommune går vidare med løypeforslaget til Manger Idrettslag. Rådmannen gjer avklaringar rundt eit samarbeid med Manger Idrettslag med sikte på å få i stand ein avtale og ei praktisk gjennomføring av prosjektet innanfor vedtekne budsjettrammer.

Behandling

Rådmannen har oppnemnd ei arbeidsgruppa som har sett på ulike alternativ til turløype innanfor nærområdet på Manger, og prosjektleiar Tore Rikstad orienterte om arbeidet og dei ulike alternativa. Arbeidsgruppa har konkludert med at Manger IL sine planar er den beste løysinga, og rådmannen har tilrådd å gå vidare med dette løypeforslaget.

Frode Hervik (V) gav administrasjonen ros for rask oppfølging av ei politisk bestilling i budsjettvedtaket. Han ser Manger IL sitt forslag som den beste løysinga, i tillegg til å vera den billegaste.

Ordføraren meiner Manger IL sitt forslag er det som best passar tettstadutviklinga på Manger og Manger som bustadområde. Han la fram ein førebels merknad som er kome frå Elsa og Gunnar Jordal knytt til løypeforslag frå Manger IL.

Formannskapet vedtok samrøystes rådmannen si tilråding.

Vedtak

Radøy kommune gir følgjande uttale på utkast til strategisk næringsplan 2015 – 2020:

Radøy kommune vurderer utkast til strategisk næringsplan som gjennomarbeidd og med ein struktur som gir eit godt bidrag for den strategiske næringssatsinga i regionen.

Behandling

Formannskapet vedtok samrøystes rådmannen si tilråding.

Vedtak

Radøy kommune utnemner førebels forhandlingsutval på tre personar som skal starta forhandlingar om kommunesamanslåing med aktuelle kommunar. Utvalet vert samansett av ordførar, varaordførar og representant for det største opposisjonspartiet (Høgre). Rådmannen deltek i tillegg. Formannskapet er styringsgruppe.
Forhandlingsutvalet har mynde til straks å starta forhandlingar med aktuelle kommunar. Kommunestyret utnemner endeleg forhandlingsutval.

Behandling

Ordførar Jon Askeland peika på at det i kommunestruktur-arbeidet i Nordhordland vert lagt opp til å følgja SAS-modellen (Stokke, Andebu og Sandefjord), med eit forhandlingsutval som er samansett med ordførar, varaordførar og gruppeleiar for det største opposisjonspartiet. Formannskapet skal vera styringsgruppe.
Askeland informerte om at Meland kommunestyre har invitert til konkrete drøftingar med Lindås og Radøy. Det vil pågå forhandlingar mellom desse tre kommunane parallelt med forhandlingar i det såkalla Nordhordlands-alternativet med langt fleire kommunar involvert.
Frode Hervik (V) legg vekt på ikkje å ekskludera nokon som ønskjer å vera med i forhandlingar knytt til Lindås/Meland/Radøy-alternativet. Ann Christin Hoen (Ap) ser det som ein klar fordel om Austrheim kommune blir med, men dei har vist liten interesse for dette alternativet. Ordføraren understrekar at invitasjonen frå Meland opnar for at fleire kommunar kan vera med i desse forhandlingane.

Formannskapet vedtok samrøystes rådmannen si tilråding.

Vedtak

Områdeplan for Bøvågen vert godkjent lagt ut til 1. gongs høyring og offentleg ettersyn.

Grunngjeving av vedtaket er at planen er i tråd med kommuneplanen og intensjonane for arealbruk i området.

Vedtaket har heimel i plan- og bygningslova § 12-10.

Behandling

Plankonsulent Kjersti Flatråker gav formannskapet ei grundig orientering om områdeplanen.Planen har fokus på tettstadutvikling. Det er lagt inn store område for nye bustader, ein del område for einebustader og nokre for tettare utnytting.

Fylkesvegen går gjennom området og er no lagt inn med to kjørefelt - pluss fortau. I områdeplanen er det lagt vekt på å leggja til rette for at folk kan gå og sykla på kryss og tvers.Plankonsulenten framheva også gode grøne strukturar langs sjø og vatn (t.d. tursti rundt Bøtjørna). Det er gjennomført ei barnetråkk-registrering som ein del av planarbeidet.
Ulike interesser har vorte vekta i områdeplanen. Flatråker peika på at det er lagt inn føremål som gjer at grunneigarane kan ha valmoglegheiter i utnytting av areal.

implementering av arealbruksendringar, samt å detaljera arealbruk og tilrettelegging av

byggjeområde særleg for nye heilårsbustader. Plankonsulenten meiner områdeplanen for Bøvågen er ein plan med ønskje om rom for god utvikling av ein tettstad med allereie gode kvalitetar. Ho konkluderte med at Bøvågen er ein fin plass med potensiale.

I løpet av våren vil det verta invitert til folkemøte om områdeplanen.

Både plankonsulenten og leiar for teknisk forvaltning, Tonje Epland, svara på spørsmål. Formannskapet som styringsgruppe var godt nøgd med områdeplanen, og vedtok å senda planen ut på høyring.

Formannskapet vedtok samrøystes rådmannen si tilråding.

Vedtak

Meldingar og referatsaker vert utsett.

Behandling

Ordføraren gjorde framlegg om å utsetja Meldingar og referatsaker til neste møte.

Formannskapet vedtok samrøystes å utsetja Meldingar og referatsaker.

Vedtak

Søknad om kommunal overtaking av driftskostnader for veglys på Ystebørenen vert ikkje innvilga.

Behandling

Rådmannen peika på at det kan skapa presedens dersom kommunen gjev tilskot til drift av veglys i privat bustadfelt. Rådmannen meiner at overtaking av driftskostnader til veglys reiser prinsippielle spørsmål om framtidige økonomiske forpliktelsar, og at slike spørsmål bør regulerast i utbyggingsavtalar ol. Prioritering av veglys bør fortrinnsvis gjerast ved at behova i kommunen vert vurdert i ein større samanheng, og slikt arbeid pågår i samband med trafikksikringsplanen.

Formannskapet drøfta saka grundig. Kenneth Murberg (H) ser at det kan skapa presedens for tilsvarande saker dersom kommunen seier ja til å overta driftskostnadane med veglys i dette tilfellet. Samtidig ønskjer han å finna ordningar som gjer at det er mogleg til ein viss grad å imøtekoma søknaden.
Ordførar Jon Askeland er samd i rådmannen si prinsipielle tilnærming til saka, men ønskjer også å vurdera om det utfrå trafikksikringsomsyn kan vera mogleg å finna ei ordning som delvis vil imøtekoma søknaden.
Ann Christin Hoen (A) påpeika at det kan koma fleire søknader, og at ved å seia ja i dette tilfellet må ein ta høgde for løyving over budsjett. Ho vil venta med eit mogleg positivt vedtak.

Roy Bø (FrP) legg vekt på at veglys er eit viktig trafikksikringstiltak. Han meiner det er urettferdig at dei som bur i kommunale bustadfelt slepp betala kostnader til veglys, medan private bustadfelt må dekka dette sjølv.

Formannskapet vedtok rådmannen si tilråding med 6 røyster mot 1 (Roy Bø, Frp).