Čoahkkin Radøy eldreråd 29.05.2015

Vedtak

Innkalling og saksliste vart godkjent

Vedtak

Møteboka vart godkjent

Vedtak

Rådssekretær tek kontakt med psykiatrileiar og med kommuneoverlege når det gjeld psykiatriplan og helsenett. Når det gjeld budsjett og økonomiplan, vil det bli avtala budsjettmøte tidlegare enn i november.

Eldredagen: Rådssekretær og leiar har fordelt arbeidsoppgåvene.

Behandling

Budsjett og økonomiplan:
Liv Berith foreslo handsaming i råda tidlegare enn førregåande år. Det er viktig å koma med i prosessen når det framleis er tid for endringar

Psykiatriplan
Råda må få avklara kven som er med i referansegruppa. Mental helse har ytra ønskje om å ha brukarrepresentant.

Nytt helsenett
Råda ønkjer ei orientering om konsekvensar.

Eldredagen
Festtalar: Det kom ulike forslag, og ein byrjar å spørje med ein gong.
Kulturelt: Ei som held ein levande tale om musikk i eldreomsorga.
Pris: Same som i fjor.
Stad og mat: Same som i fjor

Nytt møte i eldrerådet: 17. august kl. 13.00 - 15.00.

Vedtak

Radøy eldreråd og råd for menneske med nedett funksjonsevne har i møte handsama framlegg til områdeplan for Bøvågen og vil komme med følgjande merknad til planarbeidet:

Områdeplan for Bøvågen ser ut til å vere ein god plan for tettstadutvikling i Bøvågen.

Behandling

Plankonsulent, Kjersti Flatråker, orienterte om planarbeidet så langt

Kort referat frå hennar orientering:

Områdeplanen er ei detaljering utifrå fargane (regueleringane) i kommuneplanen. I ei slik detaljering er det noko som er lov og anna som ikkje er lov. Ein kan ta byggeområder og gjera desse grøne, men ikkje omvendt. Ein kan også byte områder slik at netto grøne områder ikkje vert redusert.
Planene vert så detaljert at ein kan "byggja etter den".

Ein har overordna omsyn å taka i vare når ein arbeider med planen, som t.d. naturmangfaldslova. I planområdet har ein også hatt barnetråkkregistrering som har medført litt flytting av nokre planlagte bustadar.
Elles er det lagt opp til ferrast mogleg avkjørslar og redusert vegbreidde samanlikna med Vegvesenet sine krav.

Mål for planen er:
- Fleire tomtar
- Betre løysingar for mjuke trafikantar og infrastruktur.

Ei ønskjer ny aktivitete på kaien:
- Overnatting/bustad
- Handel
- Møteplass

Frist for innspel er sett til 11. juni 2015.

Vedtak

Arbeidet med økonomiplanen vert teke til orientering og følgt opp i neste møte i råda.

Behandling

Økonomisjef, Sveinung Kvamme, presenterte det same som vart presentert for formannskapet i første drøfting av økonomiplanen 2016-2019.

Han byrja med å trekkja linja frå rekneskapen 2014 som gav eit negativt drifts på 3,7 mill og meirforbruk på 4,6 mill. Årsakane er fleire og ikkje noko gjera med. Det er t.d. betaling for gjesteelevar og utbetalingar av sosialstønad.
Dei to siste åra har utgiftene auka meir enn inntektene, og no er inntekta for låg til å handtera den lånegjelda Radøy kommune har.

Kommentarar:
Oddbjørg Dragøy: Men kva meiner regjeringa når dei seier at det aldri har vore satsa meir på kommunane.

Økonomisjefen: Det er rett at det kjem meir pengar, men ikkje "netto" meir.

Liv Berith: Det burde vore satsa meir på bygging av leilegheitar slik at dei som vil ha det enkelt (og som tener godt), kan finna seg ein passe bustad i Radøy.

Økonomisjefen gjekk så over til å orientera om tilstanden i år. Budsjettet for 2015 er vedteke med negativt driftsresultat på 1,6 mill kroner. Ein må difor spara inn to millionar og dreg t.d. inn einingsfonda, har sett ned ei gruppe for alle tilsetjingar, og har månadlege rapporteringar frå tenestene.

Til slutt orienterte økonomisjefen om rammer for økonomiplanen 2016-2019. Ulike faktorar avgjer at driftsituasjonen stadig vert forverra. 70% av utgiftene går til løn og sosiale kostnadar.

Spørsmål frå Morgan Taule:
Kva vil det utgjera å auka eigedomsskatten med 1 promille?

Økonomisjefen svara 3 mill.

Vedtak

Råd for menneske med nedsett funksjonsevne og Radøy eldreråd tek saka til orientering, og vil følgja den vidare.

Behandling

Rådmann, Jarle Landås, orienterte om dei to parallelle prosessane med framtidig kommunestruktur. Nett no er dei midt i forhandlingane, og har frist på seg til våren 2016.
Utredninga i Nordhordland starta i god tid før sentrale føringar, men no er det meir "presse" enn det har vore før. I tillegg har ein politiske vedtak om forhandlingar som gjev mandatet.

Store nordhordland: Solund - Meland (ikkje Osterøy)
Elles: Radøy - Meland - Lindås
Begge alternativa har mål om intensjonsavtale, og det er denne som har frist våren 2016.

Fokus for arbeidet er framtidig oppgåveløysing, og ei ekspertgruppe skal jobba fram kriterium for kommunestruktur.
I gruppa er det ordførarar, varaordførar og representantar frå dei største oposisjonspartia.

* Tilstrekkeleg kalasitet for tenester i framtida
* Tilstrekkeleg distanse / ivareta mynde
* Effektiv tenesteproduksjon
* Økonomisk soliditet
* Samfunnsperspektiv bu/arbeid osb.

Saka er reint politisk, og rådmannen held seg nøytral og tilrettelegjande. Det er også ei stor administrativ sak som medførere at representantar frå dei tillitsvalde er med.

Drøftinga er om dei store linjer, etter modell frå Sandefjord - Andebu - Stokke - modellen.

Samanslåingsdato vert mest truleg 1.1.2020, men mange synast dette er for langt tid til og ønskjer å framskunda med eitt år.

Kommentarar/spørsmål
Magnar Klausen: Er engsteleg for økonomien i Radøy fram til samanslåinga, då det er så langt fram.

Morgan Taule: Vil me missta småkommunetillegget dersom me ikkje slår oss saman?

Oddmund Skjelvik: Oftare er mindre kommunar meir effektive og brukar mindre pengar på administrasjon pr. innbyggjar.

Morgan Taule: Mangel på fagfolk fører ofte til at kvaliteten går ned, og at brukarane ikkje får det dei har krav på.

Liv Berith Rath: Kvar står arbeidet med helsehus no?
Rådmannen svara at tomten er sett av, Vegvesenet sin tomt. No er det legevakt og nokre sengeplassa til øyeblikkeleg hjelp, og det pågår ein debatt om storleik på det nye bygget. Det er også snakk om avtalar med Helse Bergen om leige av plass i det nye huset til spesialisthelsetenester. Dette gjev samla eit større fagmiljø.