Čoahkkin Kommunestyret i Radøy 02.12.2015

Vedtak

Med heimel i plan- og bygningslova § 19-2, jf. § 19-3 vert det gjeve dispensasjon frå arealføremål Offentleg i reguleringsplan for Nordbø på følgjande vilkår:

1.Dispensasjonen er mellombels og gjeld for 6 år.

2.Det skal setjast opp gjerde for å skilja næringseigedomen sitt uteområde frå skulen sitt uteområde.

Med heimel i plan- og bygningslova § 19-2, jf. § 19-3 vert det gjeve dispensasjon frå krav til parkeringsdekning etter Kommuneplan for Radøy kommune pkt. 2.7.7 på følgjande vilkår:

1. Dispensasjonen er mellombels og gjeld for 6 år.

2. Det skal etablerast minimum 10 parkeringsplassar på eigen grunn eller i umiddelbar nærleik.

Grunngjevinga går fram av saksutgreiinga.
Vedtaket vert sendt Fylkesmannen i Hordaland og naboar som har hatt merknad i saka for klagevurdering.

Kommunestyret vil sikra tiltak for dei mjuka trafikantane, og særleg for barnehage og skule, skal det snarast lagast ein plan innbefatta tiltak med hovudmål å sikra mot farlege og uønska hendingar i vegområdet og trafikken til og frå skule /barnehage.
Planen skal godkjennast av hovudutvalet for plan, landbruk og teknisk, og eventuelle tiltak skal gjennomførast i første halvår i 2016.

Behandling

Det var gruppeleiarmøte før kommunestyret vart sett.

Rådmann Jarle Landås innleia og gav ei kort innføring i saka.
Representanten Ane Ottesen (H) reiste problemstillinga om kommunestyret kan setja vilkår i sak, og rådmannen svara på dette.

Etter drøfting sette Vidar Grindheim (H) påvegne av alle partia i kommunestyret fram følgjande tilleggsframlegg i møtet:
Kommunestyret vil sikra tiltak for dei mjuke trafikantane, og særleg for barnehage og skule, skal det snarast lagast ein plan innbefatta tiltak med hovudmål å sikra mot farlege og uønska hendingar i vegområdet og trafikken til og frå skule / barnehage. Planen skal godkjennast av hovudutvalet for plan, landbruk og teknisk, og eventuelle tiltak skal gjennomførast i første halvår i 2016.

Kommunestyret vedtok samrøystes hovudutvalet for plan, landbruk og teknisk si innstilling med tilleggsframlegg sett fram i møtet.