Møte i Kommunestyret i Radøy den 24.09.2015

Vedtak

Meldingar og referatsaker vert tekne til orientering

Behandling

Takk til Jotun: Ordføraren informerte om at gruppeleiarane hadde samla seg om å senda ei takkehelsing til Jotun-konsernet for verksemda dei har driva i Radøy gjennom mange år og i særleg grad for den omfattande oppryddinga som vart gjort på området då drifta på Manger vart lagt ned.

Godtgjersle til folkevalde:
Notatet fekk god respons i kommunestyret, og det skal arbeidast vidare med ei sak om fastsetjing av godtgjersle til folkevalde i den komande fire års perioden. Det er det nye kommunestyret som skal ta endeleg stilling til godtgjersle-ordninga.

Kommunestyret tok meldingar og referatsaker til orientering, med dei tillegg som vart lagt fram i møtet.

Vedtak

Radøy kommune vedtek ”Tenesteavtale 8 - Samhandling innan svangerskaps-, fødsels-

og barselomsorga.”

Behandling

Vigdis Villanger (Sp) reiste spørsmål om del av avtalen som går på kjøretid til Haukeland for fødande. Ordføraren vil invitera jordmor i Radøy til å orientera kommunestyret om forhold knytt til fødsel- og barselomsorg.

Kommunestyret vedtok samrøystes formannskapet si tilråding.

Vedtak

Rådmannen sitt framlegg til vedtak:

Klagen vert ikkje teke til følgje og vedtak i sak 026/2015 vert stadfesta.

Grunngjeving for vedtaket går fram av saksutgreiinga.
Vedtaket har heimel i forvaltningslova § 33 jf. plan- og bygningslova (pbl.) § 12-12.

Saka vert sendt Fylkesmannen i Hordaland for endeleg avgjerd.

Behandling

Kommunestyret vedtok samrøystes rådmannen sitt framlegg til vedtak.

Vedtak

På bakgrunn av vurderingar gjort i samband med sakshandsaming for gjeldande reguleringsplan og innkomne klage kan ikkje rådmannen sjå at det er nye moment som gir grunnlag for å ta klagen til følgje.

Saka vert sendt Fylkesmannen i Hordaland for endeleg avgjerd.

Behandling

Kommunestyret vedtok samrøystes rådmannen sitt framlegg til vedtak.

Vedtak

Framlegg til detaljregulering av Bøvågen næringspark planID 12602014000100, med føresegner, plankart og planskildring dagsett 09.09.2015 vert godkjent på følgjande vilkår:

1. Plankartet må rettast då det står frisikt 6x50 i stedenfor 6x54.

2. Statens vegvesen skal godkjenne nye tekniske teikningar.

3. Tittelfeltet i plankartet må oppdaterast

Rettingar må skje før kunngjering av vedtaket

Grunngjeving for vedtaket er at reguleringsplanen er utført i tråd med kommuneplanen sin arealdel og føringar som er komme fram i planprosessen.

Vedtaket er fatta i medhald av plan- og bygningslova § 12-12.

Behandling

Vedtak

Kommunestyret fastsetplanprogram for planarbeid for reguleringsplan med planID 12602015000200 Manger industriområde – Kjebogen med følgjande tillegg:

Punkt 1.2.4: tillegg:

• Viktige friluftsområde

• Barn og unge sine interesser

• Estetikk

Punkt 1.4 -Nytt avsnitt: «Framlegg til arealbruk er i samsvar med overordnet plan når det gjeld landområde, men ikkje når det gjeld sjøområdet som i kommuneplanen sin arealdel er sett av tilnaturområde i sjø og soleis ikkje er eit byggjeområde. I konsekvensutgreiinga skal ein få framverknader av framtidig bruk til industriføremål og næringshamn. Føresegnene i kommuneplanendefinerer kva tilhøve som skal avklarast og belysast i vidare reguleringsarbeid. Mellom anna er detsagt at reguleringsplanar skal utarbeidast med grunnlag i ein landskapsanalyse, omsyn til landskap,samanhengande grøndrag, turvegar, biologisk mangfald, leik og rekreasjon skal vere vurdert og

dokumentert tatt vare på i planarbeid.
Reguleringsplanar skal innehalde føresegner om rekkefølgjesom legg grunnlag for berekraftig utvikling med omsyn til infrastruktur, tryggleik, miljø, oppvekstvilkår og estetikk. Reguleringsplanar skal, i plankart eller ved føresegner vise plassering av eller byggjegrense for bygningar og anlegg, planerings- og bygningshøgder, samt

terrenghandsaming. Landskapstilpassing skal dokumenterast gjennom fotomontasje eller anna eignaframstilling. Tilkomstveg til bygning skal vere planlagt med omsyn til samfunnstryggleik og siviltberedskap, og i samsvar med krav sett i teknisk forskrift og kommuneplanens pkt 2.3. Stigningsgradog planlegging i samsvar med TEK 10 og pkt 2.3 skal dokumenterast i planarbeid og i søknad om løyvetil tiltak.
Reguleringsplanar skal vise oppsamlings- og hentestadar for renovasjon. I samband medregulering av byggjeområde skal det for planområdet utarbeidast energiutgreiing som gjer greie for

valde løysingar for fornybar energiforsyning og lågt energiforbruk. Etablering av nærvarmeanlegg skalvurderast i større bygg og byggeområde. Der det går kraftleidningar med lågare spenningsnivågjennom byggjeområde skal jordkabel vurderast i samband med planlegging og utbygging. Forområde avsett til næring skal det dokumenterast tilfredsstillande forhold for varelevering ogtransport".

Kapittel 2 -

• viktige friluftsområde som eige avsnitt.

• Oppsummering over kva analyser og verkty som skal nyttast: t.d. støysoneanalyse og3Dillustrasjonar

Vedtaket har heimel i plan- og bygningslova § 4-1.

Behandling

Ordføraren orienterte om planarbeidet. Han viste til at det i samband med Radøygruppen si satsing på subsea-konstruksjonar er ei utfordring knytt til sjøtilkomst ved anlegget på Vetås. Også utfordringar med vegtilkomst og kraftspenn over seglingsleia i Bognestraumen gjer at Radøygruppen ønskjer å etablera delar av si verksemd på den tidlegare Jotuntomta på Manger i staden for ei utviding av anlegget på Vetås.

Kommunestyret vedtok samrøystes rådmannen sitt framlegg til vedtak.

Vedtak

Radøy kommune trekkjer seg frå vidare forhandlingar i det store Nordhordlandsløpet, og held fram forhandlingane i 3-kommune-alternativet mellom Radøy, Lindås og Meland.

Radøy kommune inviterer inn andre kommunar i eit gjennomarbeidd 3 kommune-forslag.

Behandling

Ordførar Jon Askeland signaliserte at han ville koma med eit utsetjingsframlegg. Han er einig med formannskapet i sak, men meiner tidspunktet for å gå ut av forhandlingane i det store Nordhordlands-alternativet er feil. Han ønskjer å venta med å ta avgjerd i saka til intensjonsavtalen i desse forhandlingane er lagt fram, og til resultatet av den pågåande innbyggarundersøkinga ligg føre. I undersøkinga kan innbyggarane prioritera mellom ulike alternativ til kommunestruktur.
Ordføraren la også vekt på at det er det nye kommunestyret som bør ta denne avgjerda, slik han har oppfatta at også nabokommunar legg opp til.

Morgan Taule (Ap) har lenge vore tvilande til det store Nordhordlandsalternativet, og meiner det er rett å trekkja seg frå forhandlingane no, og gå vidare med 3-kommune-prosjektet. Han er open for at andre kommunar kan kopla seg på desse forhandlingane etter kvart.
Taule kom med følgjande tillegg til formannskapet si tilråding:
Radøy kommune inviterer inn andre kommunar i eit gjennomarbeidd 3 kommune-forslag.

Kenneth Taule Murberg (H) meiner det er rett å bryta forhandlingane no, og ikkje vera med og påvirka vidare drøftingar når kommunen reelt ikkje ønskjer å vera med.
Silje Namtvedt (Sp) ba om gruppemøte. Etter gruppemøtet gjorde kvar gruppeleiar greie for partiet sitt syn.

Kommunestyret vedtok med 16 mot 9 røyster (Sp) formannskapet si tilråding.
Kommunestyret vedtok samrøystes tilleggsframlegg frå Morgan Taule (A) sett fram i møtet.

Vedtak

Kommunestyret i Radøy vedtek i medhald av plan- og bygningslova §12-12 detaljregulering for Havgard

fjordferie, planID 12602013000300, med plankart, føresegner og planskildring dagsett 28.05.2015 og

01.06.2015, på følgjande vilkår:

1. Byggjegrense og eigedomsgrense for heilårsbustadane må inn i plankart og føresegner før kunngjering av

vedtaket.

2. Tittelfeltet i plankartet må oppdaterast

Grunngjeving av vedtaket er at planen er i tråd med arealbruk fastsatt i kommuneplanen for Radøy.

Behandling

Ordføraren gav administrasjonen ros for arbeidet med plansaker. Han framheva at i denne konkrete plansaka har tiltakshavar og administrasjon gjennom dialog og mekling kome fram til eit framlegg til reguleringsplan som ikkje har møtt ei einaste motsegn frå offentlege styresmakter.

Kommunestyret vedtok samrøystes rådmannen sitt framlegg til vedtak.

Vedtak

Ein representant for kvart parti utgjer valnemnd som legg fram tilråding til det konstituerande møtet i kommunestyret.

Behandling

Ordføraren viste til at det er god tradisjon for avtaleval til konstituerande møte i kommunestyret.
Ordføraren kom med følgjande endringsframlegg i møtet:
Ein representant for kvart parti utgjer valnemnd som legg fram tilråding til det konstituerande møtet i kommunestyret.

Kommunestyret vedtok samrøystes ordføraren sitt endringsframlegg i møtet.