P.g.a. forgløyming var ikkje vara for Ida Carlsen Eide Aabrek kalla inn. Sikra rutinar for dette til seinare møte.
Orientering frå kommunalsjef helse og omsorg, Solrun Hauglum, om status for pasientreiser og for helse- og omsorgsbygg på Vaksdal.
Orientering frå avdelingsleiar kommunalteknisk drift, Torstein Mehus, om status og framdrift for bygningsmessige endringar i Elvevegen.
Etter synfaring og drøfting har Råd for menneske med nedsett funksjonsevne innspel for å betra framkommelegheit og universell utforming i Gatå på Dale. Leiar av Rådet kontaktar Sentrumsforeningen og/eller dei aktuelle angåande tiltak for å letta ferdsel i Gatå, letta tilkomst til bygninga med apotek, vurdera plassering av bord og stolar på fortau og sikra laust rekkverk ved Coop Extra. Sekretær kontaktar kommunalavdeling for Samfunnsutvikling angåande det som fell under deira ansvarsområde.
Råd for menneske med nedsett funksjonsevne var på synfaring i Gatå og merka seg følgjande:
Døra inn til bygninga der apoteket er, burde hatt betre merka døropnar og lågare terskel.
Mellom Spar og apoteket er det eit brusteinparti som kan gjera ferdsel vanskeleg for dei som brukar rullestol og ganghjelpemiddel.
Fleire av avløpsrennene er djupe og manglar rist. Dette kan vanskeleggjera kryssing for dei som har redusert gangfunksjon og brukar ganghjelpemiddel eller rullestol. Er også til hinder for synshemma.
Det er ein del lause skiferheller fleire plassar på fortauet.
Bord og stolar står langt ute på fortauet ved Pettersens landhandleri, kan hindra ferdsel.
Utanfor Coop Extra er rekkverket laust.
Det manglar pærer i to uteljos på Dalehallen mot Heradshuset.
Årsmeldinga vert godkjent slik ho ligg føre.
Politikar | Parti | Medlemstype | E-Post |
---|---|---|---|
Ole-Anders Brekkhus | Arbeiderpartiet | Utvalsleiar | ole.anders.brekkhus@vaksdal.kommune.no |
Evy Beate Kvamme | Sosialistisk Venstreparti | Nestleiar | evy.beate.kvamme@vaksdal.kommune.no |
Frode Brekke | Medlem | ||
Ida Carlsen Eide Aabrek (Ikke møtt) | Medlem | ida.carlsen.eide@hotmail.com |